আবোওয়াঃ ডিজিটাল ডেস্ক- গোটা পনৎ রেগে আরহঁ পশ্চিমবঙ্গ আদিবাসী কল্যাণ সমিতি পাহটা খন ফেক এসটি সার্টিফিকেট ইস্যুতে আধিকারিক সাঁও কো ঞাপাম এনা। পারমেন ৩১ জানুয়ারী পশ্চিমবঙ্গ আদিবাসী কল্যাণ সমিতি দক্ষিণ দিনাজপুর জেলা চাঁগা পাহটা খন রৗসিয়ৗকো ডিএম, পিও কাম ডিডাবল্যু আর বারুইপুররেন এসডিও আধিকারিক সাঁও কো ঞাপাম এনা।
মুড়ুৎ কাথা বাডায় আকানা বাংমা দুওয়ৗরে সরকার প্রকল্প আর অনা
সাঁওতে আরহঁ নানাহুনৗর কৗমি তালাতে আদিবাসী কো এসটি সার্টিফিকেট জতন তে এম রেনাঃ বন্দেজ
আর সানাম লেকান কাগজ সাকাম ঞেল কাতেৎ গে যেমন তপশিলী উপজাতি সার্টিফিকেট এম হোয়োঃ অনা
রেনাঃ আরদাশ কো দহ কেদা।
লৗই গানঃআ নেবেতার ঞেলঃগঃ কানাকো অৗডি আয়মা সাঁগে অ-আদিবাসী
গাঁতাত রেন হড় যাঁহান অসৎ উপৗয়তে আর বাংখান
যাঁহালেকা তেগে এসটি সার্টিফিকেট হৗথিয়ৗও কাতে নানাহুনৗর সরকারি সুযোগ-সুবিধা সাঁওতে
সেচেৎ, চৗকরি এমান করে কো বেওহার এদা। অনাতে সৗরিন আদিবাসী কো-গেকো নিশড়ৗও অচোঃ কানা
মেনতে অভিযোগ এ রাকাব আকাদা সমিতি। অনাবেগর স্মারকলিপি লেকাতে নানাহুনৗর চৗকরি সাঁওতে
সেচেৎ রে আদিবাসী কো লৗগিৎ রাখা দহ জুড়ু রেনাঃ তৗলিকারে যাতে ফারচা দহ কাতে এপোয়মেন্ট
আর ঞুতুম পারশালঃমা আর হান্ড্রেড পয়েন্ট রোস্টার সাঁওতে ই-ফাইলিং অফ অ্যানুয়ালরিটার্ন
এমান ইদিকাতেহঁ রৗসিয়ৗকো গাপালমারাও এনা।
ইনৗহিলোঃ পশ্চিমবঙ্গ আদিবাসী কল্যাণ সমিতি তালমা কুমুট রেন
রৗসিয়ৗ রমেশ কিস্কু, দক্ষিণ দিনাজপুর চাঁগা রেন সহ- সভাপতি টিটপ মার্ডি , বেলি মার্ডি,
সিদন মুরমু, সুনীল কুজুর, সনাতন হেম্ব্রম, সুফল কিস্কু, কবিরাজ বাস্কে, শৈলেন টুডু
এমান কো সেটের তাঁহেকানা।
.webp)
.webp)
