সিঁগি মাহা রেনাঃ সাকাম ‘চেরেচ্ আড়াং’ লেখা- ৭৫

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com । 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱨᱟᱢᱞᱟᱞ ᱴᱩᱰᱩ,  ᱥᱨᱤᱠᱟᱱᱛᱚ ᱥᱚᱨᱮᱱ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ,  বাড়তাঙ সরেন, দুগাই টুডু, দুর্গাচরণ মুরমু, সীতেনমান্ডি , সমর লাল টুডু, দুলৗড় বিটি।

 

রিলৗমালা মুরুমু, ক্লাস- V
জেলা - পুরুলিয়া

১।।

ᱦᱤᱨᱤ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱜᱩᱲ  ᱜᱚᱛᱚᱢ
ᱦᱚᱱᱚ  ᱦᱟᱛᱚᱢ ᱾

ᱟᱜᱩᱭ  ᱟᱵᱮᱱ
ᱛᱚᱣᱟ  ᱛᱟᱵᱮᱱ ᱾

ᱦᱤᱡᱩᱜᱵᱮᱱ    ᱦᱤᱨᱤ
ᱟᱞᱮ   ᱡᱟᱸᱜᱮᱫᱷᱤᱨᱤ ᱾

ᱛᱤᱠᱤᱱ   ᱛᱟᱨᱟᱥᱤᱧ
ᱥᱟᱜᱩᱱ   ᱟᱥᱟᱛᱤᱧ  ᱾

ᱡᱚᱢᱟᱹᱧ  ᱛᱚᱣᱟ
ᱵᱟᱹᱧ  ᱫᱚᱦᱟᱵᱚᱦᱟ ᱾

ᱦᱟᱛᱚᱢ  ᱦᱟᱛᱚᱢ
ᱥᱤᱵᱤᱞ   ᱥᱚᱲᱚᱢ  ᱾

====== ** ======

২।।

ᱜᱩᱰᱩ ᱦᱚᱯᱚᱱ

 ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱜᱩᱰᱩ ᱦᱚᱨ ᱛᱟᱞᱟ ᱥᱤᱴᱳᱵ ᱯᱟ.ᱥᱤ
ᱥᱤᱠᱟ.ᱨᱤᱭᱟ.ᱭ ᱚᱰᱟᱣ ᱟᱠᱟᱫ,
ᱜᱩᱰᱩ ᱦᱚᱯᱚᱱ ᱧᱮᱞ ᱠᱮᱫ ᱠᱷᱟᱡ
ᱟᱭᱳ ᱴᱦᱮᱱᱮ ᱞᱟ.ᱭ ᱟᱠᱟᱫ |

 
ᱟᱡ ᱟᱭᱳᱭ ᱢᱮᱛᱟᱣ ᱟᱫᱮᱭᱟ
ᱟᱞᱚᱢ ᱪᱟᱞᱟᱜ ᱵᱷᱟᱞᱟ,
ᱢᱤᱫ ᱜᱷᱟ.ᱲᱤᱡ ᱛᱮ ᱯᱷᱮᱫ ᱠᱟᱛᱮ
ᱨᱤᱰᱳᱵ ᱜᱚᱜᱚᱡ ᱡᱟᱞᱟ |

 
ᱟᱭᱳᱭᱟᱜ ᱠᱟᱛᱷᱟ ᱵᱟᱭ ᱟ'ᱡᱚᱢ ᱞᱮᱫ
ᱧᱤᱨ ᱥᱩ'ᱵᱨᱩᱫ ᱮᱱᱟᱭ,
ᱥᱤᱴᱳᱵ ᱯᱟ.ᱥᱤ ᱛᱮ ᱨᱤᱢᱴᱟ. ᱠᱟᱛᱮ
ᱜᱚᱡ ᱩᱛᱟ.ᱨ ᱮᱱᱟᱭ |

 

====== ** ======

৩।।

ᱦ ᱟ:ᱲᱩ ᱵ ᱟ ᱯ ᱞᱟ

ᱨᱟᱢᱞᱟᱞ ᱴᱩᱰᱩ

 

  ᱯᱟᱺᱧᱪᱤᱛ ᱵᱩᱨᱩ ᱪᱚᱴᱨᱮ
          ᱦᱟᱺᱲᱩᱭ ᱵᱟᱯᱞᱟᱜ ᱠᱟᱱ ᱾
  ᱥᱟᱺᱜᱤᱧ ᱠᱷᱚᱱᱜᱮ ᱥᱟᱰᱮ
          ᱜᱩᱨᱞᱟᱹᱣ ᱦᱤᱡᱩᱜ ᱠᱟᱱ ᱿

 

  ᱜᱟᱺᱲᱤ ᱫᱚ ᱫᱚᱝ ᱠᱚ ᱮᱱᱮᱡ
            ᱟᱹᱰᱤ ᱜᱟᱱ ᱱᱟᱪᱚᱱᱤᱭᱟᱹ ᱾
  ᱵᱟᱱᱟᱢᱮ ᱨᱮᱛᱟᱭ ᱦᱟᱺᱛᱤ
             ᱥᱮᱨᱮᱧ ᱯᱟᱹᱨᱩᱠᱷᱤᱭᱟᱹ ᱿

 

  ᱛᱩᱢᱫᱟᱹᱜ ᱮ ᱨᱩᱭ ᱛᱳᱭᱳ
              ᱮᱠᱟᱞ ᱚᱵᱟᱜ ᱤᱠᱲᱩᱢ ᱾
  ᱵᱟᱱᱟ ᱫᱚ ᱴᱟᱢᱟᱠᱮ ᱨᱩᱭ
             ᱫᱩᱫᱽᱲᱩᱢ ᱫᱩᱫᱽᱲᱩᱢ ᱿

 

  ᱢᱩᱦᱞᱟᱹ ᱪᱷᱟᱭᱚᱢᱮ ᱨᱩᱭ
           ᱛᱟᱞᱮ ᱛᱟᱞ ᱟᱹᱰᱤ ᱡᱚᱡᱽ ᱾
  ᱠᱩᱞᱟᱹᱭ ᱢᱩᱨᱞᱤᱭ ᱚᱨᱚᱝ
           ᱟᱹᱭᱠᱟᱹᱜ ᱟᱹᱰᱤ ᱨᱚᱢᱚᱡᱽ ᱿

 

  ᱠᱷᱤᱠᱲᱤᱭ ᱨᱟᱦᱟᱭᱮᱫᱟ
            ᱠᱷᱤᱭᱚ ᱠᱷᱚᱭᱚ ᱟᱛᱮ ᱾
  ᱨᱩᱰᱟᱹ ᱫᱚ ᱛᱤᱭ ᱛᱷᱟᱭᱳᱭ
           ᱨᱟᱹᱥᱠᱟᱹᱛᱮ ᱫᱚᱱ ᱟᱛᱮ ᱿

 

  ᱪᱮᱢᱮᱧ ᱞᱮᱢᱮᱧ ᱞᱮᱢᱮᱧ
           ᱥᱟᱥᱟᱝ ᱮ ᱨᱤ ᱨᱤᱫ ᱠᱟᱱ ᱾
  ᱦᱟᱰᱜᱟᱨ ᱥᱮᱥᱮᱨ ᱢᱟᱥᱮᱨ
            ᱵᱷᱚᱡᱽ ᱠᱚ ᱤᱥᱤᱱ ᱠᱟᱱ ᱿

 

  ᱥᱟᱸᱜᱮ ᱱᱮᱣᱛᱟ ᱯᱮᱲᱟ
             ᱵᱷᱚᱡᱽ ᱠᱚ ᱡᱚ ᱡᱚᱢ ᱠᱟᱱ ᱾
  ᱞᱮᱵᱷᱲᱟ ᱥᱮᱛᱟ ᱠᱷᱟᱱ ᱫᱚ
             ᱯᱟᱛᱲᱟᱭ ᱪᱟᱴᱚᱜ ᱠᱟᱱ ᱿

 

====== ** ======

৪।।

ᱟᱵᱳᱨᱮᱱ ᱜᱟᱛᱮ

ᱥᱨᱤᱠᱟᱱᱛᱚ ᱥᱚᱨᱮᱱ

ᱟᱞᱮ ᱚᱲᱟᱜ ᱨᱮ ᱛᱟᱸᱦᱮᱱᱟᱠᱚ
         ᱵᱟᱠ- ᱵᱟ.ᱠᱩᱨ ᱯᱟᱶᱨᱟ
ᱚᱱᱟ ᱥᱟᱶᱛᱮ ᱟᱨᱦᱚ ᱠᱚ ᱛᱟᱸᱦᱮᱱ
         ᱰᱮᱨᱮᱪ- ᱰᱮᱨᱮᱪ ᱜᱷᱮᱶᱨᱟ᱾

ᱠᱟ.ᱦᱩ ᱠᱚᱫᱚ ᱥᱮᱛᱟᱜ ᱠᱷᱚᱱᱟᱜ
            ᱯᱟᱸᱡᱟᱭᱟᱠᱚ ᱥᱟ.ᱠᱲᱤ
ᱨᱟᱜ ᱟᱠᱚ ᱥᱮᱛᱟᱜ- ᱟ.ᱭᱩᱵ
           ᱛᱳᱭᱳ ᱥᱟᱶᱛᱮ ᱠᱷᱤᱠᱲᱤ᱾

ᱦᱤ- ᱦᱤ ᱠᱟᱛᱮ ᱦᱤᱥᱤ ᱪᱮᱲᱮ
           ᱛᱟᱞᱮ- ᱠᱷᱤᱡᱩᱨ ᱞᱟᱯᱷᱟᱝ ᱨᱮ
ᱴᱤᱯᱽᱴᱤᱯᱤ ᱟᱨ ᱴᱤᱦᱴᱚᱲᱚᱜ
           ᱵᱟᱲᱜᱮ ᱜᱟᱡᱟᱲ ᱫᱟᱱᱟᱝ ᱨᱮ᱾

ᱢᱤᱨᱩ ᱪᱮᱲᱮᱭᱟᱜ ᱥᱮᱛᱟᱜ ᱠᱷᱚᱱᱟᱜ      
              ᱮᱠᱮᱱ ᱜᱮᱛᱟᱭ ᱨᱟ.ᱥᱠᱟ.
ᱢᱟᱞᱟ ᱯᱚᱛᱟᱢᱟᱜ ᱵᱟ.ᱱᱩᱜ ᱫᱩᱠᱷ
             ᱵᱟ.ᱱᱩᱜ ᱛᱟᱭᱟ ᱦᱤᱥᱠᱟ.᱾

ᱰᱷᱤᱯᱽᱪᱩᱭ ᱟᱨ ᱠᱮᱨᱠᱮᱴᱟ ᱫᱚ
         ᱦᱤᱨᱤᱪ- ᱯᱟ.ᱥᱤᱨ ᱯᱮᱲᱟ
ᱜᱮᱰᱮ ᱠᱚ ᱫᱚ ᱥᱮᱛᱟᱜ ᱠᱷᱚᱱᱟᱜ
           ᱯᱩᱠᱷᱨᱤ ᱥᱮᱫ ᱠᱚ ᱫᱟ.ᱲᱟ ᱾

ᱢᱟᱨᱟᱜ- ᱠᱩᱭᱞᱤ ᱨᱟᱜ ᱨᱮᱫᱚ
            ᱫᱷᱟ.ᱨᱛᱤᱯᱩᱨᱤ ᱟᱸᱫᱳᱲ
ᱠᱩᱲᱤᱫ- ᱯᱟᱡᱷᱟᱲ ᱨᱟᱡ ᱼ ᱨᱟᱯᱟᱡ
              ᱟᱛᱳ ᱫᱤᱥᱚᱢ ᱠᱤᱱ ᱥᱤᱵᱳᱲ᱾

ᱪᱟᱢᱪᱤᱠᱟ. - ᱵᱟ.ᱫᱩᱲ- ᱠᱚᱠᱚᱨ
        ᱧᱤᱫᱟ. ᱜᱮᱛᱟᱠᱚ ᱥᱤᱧ
ᱪᱮᱢᱮᱧ ᱠᱚ ᱫᱚ ᱟ.ᱰᱤ ᱱᱟᱯᱟᱭ
           ᱡᱚᱢ ᱠᱚ-ᱟ ᱠᱚ ᱵᱤᱧ᱾

ᱰᱷᱟᱸᱜᱟ ᱠᱚᱜ ᱟᱨ ᱫᱟᱜ ᱫᱟᱨᱟᱢᱟᱜ
           ᱫᱟᱜ ᱨᱮᱜᱮ ᱡᱤᱭᱚᱱ
ᱮᱱᱨᱮᱦᱚ ᱦᱤᱡᱩᱜ ᱜᱮᱭᱟ
            ᱫᱟᱜ ᱨᱮᱜᱮ ᱢᱚᱨᱚᱱ᱿  

 

====== ** ======

 ৫।।

ᱯᱟᱲᱦᱟᱣ

 ᱠᱤᱥᱠᱤᱱᱫᱷᱟ  ᱢᱩᱨᱢᱩ

 

  ᱫᱤᱱᱟᱹᱢ ᱥᱮᱛᱟᱜ ᱧᱤᱫᱟᱹ

 ᱯᱟᱲᱦᱟᱣ ᱫᱩᱲᱩᱯ ᱡᱩᱫᱟᱹ  ,

 ᱱᱟᱣᱭᱟ ᱯᱚᱛᱚᱵ ᱨᱮᱢᱟ

 ᱵᱟᱲᱟᱭ ᱧᱟᱢᱚᱜ ᱟᱭᱚᱢᱟ  ᱾

   

ᱡᱟᱸᱦᱟ ᱛᱤᱱᱟᱜ ᱯᱟᱲᱦᱟᱣ

 ᱵᱩᱫ  ᱟᱠᱤᱞ ᱛᱟᱢ ᱟᱨᱡᱟᱣ ,

 ᱢᱮᱱᱟᱜ ᱟᱠᱟᱫᱟ ᱚᱞ

 ᱯᱚᱛᱚᱵ ᱛᱟᱞᱟᱨᱮ ᱛᱚᱞ  ᱾

    

             

 ᱦᱚᱲ ᱦᱚᱯᱚᱱᱟᱜ ᱠᱟᱛᱷᱟ

ᱡᱚᱢ ᱧᱩᱭ ᱨᱮᱭᱮᱜ ᱨᱟᱫᱟ ,

ᱮᱱᱮᱡ ᱥᱮᱨᱮᱧ ᱨᱚᱲ

 ᱟᱭᱢᱟ ᱞᱮᱠᱟᱱ ᱦᱚᱲ  ᱾

   

                   

ᱥᱟᱱᱟᱢ ᱵᱩᱡ ᱧᱟᱢᱚᱜ

ᱵᱩᱨᱫᱷᱤ ᱫᱤᱥᱟᱹ ᱫᱟᱢᱚᱜ ,

ᱞᱟᱦᱟᱛᱮ ᱞᱟᱦᱟ ᱪᱟᱞᱟᱜ

 ᱢᱚᱽᱡ ᱱᱟᱯᱟᱭ ᱥᱟᱞᱟᱜ   ᱾

   

         

 ᱯᱟᱲᱦᱟᱣ ᱟᱞᱚᱢ ᱵᱟᱹᱜᱤ

   ᱚᱠᱚᱛ ᱵᱟᱭ ᱛᱟᱸᱜᱤ ,

ᱱᱤᱛᱟᱜ ᱠᱟᱹᱢᱤ ᱫᱷᱤᱱᱟᱱ

 ᱡᱟᱳᱨᱟ ᱜᱚᱫᱚᱜ ᱟᱹᱛᱷᱟᱹᱱ  ᱾

 

                       

ᱚᱠᱚᱛ ᱥᱟᱞᱟᱜ ᱠᱟᱹᱢᱤ

ᱡᱚᱛᱷᱟᱛ ᱜᱮᱪᱚᱝ ᱫᱟᱹᱢᱤ ,

ᱯᱟᱲᱦᱟᱣ ᱛᱮᱜᱮᱢ ᱞᱟᱦᱟᱜ

 ᱪᱮᱛᱟᱱ ᱨᱟᱠᱟᱯ ᱪᱟᱞᱟᱜ   ᱿    

====== ** ======

৬।।

বাডোহি

বাড়তাং সরেন

 

কুংকৗল ভাজান বেনাওআকো 
                              হাসা টুকুচ চেলাং
রহড় কেটেচ লৗগিৎ উন দ
                         সেঙ্গেল রেকো এলাং।

 

ছুতৗর কো দ কাঠকো কুঁদৗও
                     বেনাও পালক পারকম 
নানা হুনৗর নাহেল কাপাট 
                       সাঁওতে মৗচি আড়গম।

 

 টেঙ্গজ টাঙ্গি লিপূর কৗপি
                          তেয়ারাকো কামার 
 মেড়হেৎ ললো সাঁওতে কুটৗম
                         একাল আডি মার মার।

 

তাঁন্তি কো দ গালাং আকো
                         হরঃ বাঁদে নাপায়
গাঃ গালাং লাহারে সৗরি
                    সুতৗম দকো সালায়।

 

পানাহি দ মজগে ঞেলঃ
                 অনা জড় জাঙ্গারে
কৗরিগল দ মুচি কানায়
                 রঃ এদায় লাহারে।

 

সেঁকরা কোদ সোনা চাঁদি
                      বেনাও আকো মালা
 সাকম  তাগা তিরে বালা
                        একাল ঝালামালা।

 

সানাম গেকো বাডোহি কান
                   মৗনমী দুলৗড় গাতে
সেতাঃ তিকিন তাঁহেনাকো
                 আবো তালা সাঁওতে।

 

====== ** ======

 ৭।। 

রুঁডৗ

 
দুর্গাচরণ মুরমু

 

লুঁডু লুঁডু মেৎ তায়
পুসি লেকা ঞেলঃ আয়,
পুসি খনহঁ  মারাং গেয়ায়
মচং  গোচো মেনাঃ তায়।

 

সিঁগৗড় তরা ওয়াব্‌ ওয়াব্‌
রাগায় বির গাজাড় সুডৗ,
আজোম হিজু: আতো অড়াঃ
উনি গে কানায় রুঁডৗ।

 

তালা ঞিদৗ গায়াং গুয়ুং
অড়াঃ চৗলি কঠা রে,
হৗপি হৗপি অম্বা তাবের
টুকুচ পাওরা টং রে।

 

ঘুনুর ঘুনুর তাড়াম তায়
লাটা ডণ্ডহর রে তাহেনায়,
সিম গেডে তুড় গুডু
সাব্‌ গে কৗমি তায়।

 

বাসাঃ আয় জাহায়াঃ অড়া:রে
বাচয় জমকো উনকু রেন-
সিম পাওরা গেডে সান্ডি
জমকো খৗলি এটাঃ করেন।

  

====== ** ======

 ৮।।

লক্ষণ চন্দ্র হাঁসদা

দুগাই টুডু

 

আঁজম আকান কাথায় উনি
      অনড়হিঁয়ৗ কানায়,
নোওয়া কাথা তারকো আকান
      আয়মা হড়কো বাডায়।

 

ঞুতুম লক্ষণ চন্দ্র হাঁসদা
      বাডায় গেচো হেনাঃ,
আপাৎ ছঁকু হাঁসদা গেথো
      এঁগাৎ রাণী মেনাঃ।

  

জানাম আতো আবদারপুর’গে
         সোরগে সিউড়ি হেনাঃ
লৗই আকো জত হড়গে
      বীরভূম জেলা কানা।

 

অলঃ পাড়হাঃ চেৎ কাতে
     স্ট্যাট্‌ ব্যাঙ্করে চৗকরি কেদায়,
কৗটিচ্‌ উমের খনগে অহায়
     অলে এহব লেদায়।

 

কৗহনি, গিদরৗ বৗউলি এমান
     আয়মা অনড়হেঁ কদ,
সান্তাড়ি বাংলা পাথাম করে
     উছৗন সদর লেৎ দ।

 

‘হুলগৗর’ ‘পথিক’ ‘বীরভূম’ ‘বর্ণালী’
        পত্রিকা রেদঃ মেনাঃ,
‘বীরলোক’ ‘পুষ্কর’ ‘জয়দেব বার্তা’ রে
ছাপা বাড়া লেনা।

 

‘জানাম হাসা জন্মভূমি’ রেন
      সাপড়েৎ এ তাঁহে কানে,
নাওয়া অনলিয়ৗ কোদ অলঃ
    উদ্‌গৗও ঞামেৎ হানে।

 

‘দুমুর ছাতা’ ‘জিয়ন সড়ক’
      পতব তায়দ অকা,
পাড়হাও জোখান ভাগে বুজুঃ
      মনরে লাগাঃ লেকা।

 

সাঁওহেৎ বাগওয়ান তালা মালা
        কৗমি আকাৎ গেয়ায়,
এনেম খৗতির সাঁওতা তেহেঞ
        উইহৗর দহয় এয়ায়।                                                            

 

====== ** ======

 ৯।।

হপন মৗই

সীতেন মাণ্ডি

 

হপন মৗই স্কুলে চালাঃআ
      ডুলুং গাডিতে
টিড়িং টিড়িং ঘুণ্টি বাজাও
       হড় ঞেলতে।

 

দেয়ারেতায় পতব থুলি
      গঃ ইদিয়ায়
মাচেৎ কোওয়াঃ বাঁখেড় লেকা
   বাঁখেড় আচুরায়।

 

এড়ে কাথা বায় রড়া
মেনায় একাল সৗরি
গাতে ক সাঁও সুলুক সৗগৗই
বৗনুঃ লৗড়হৗই খৗপৗরি।

 

সেতাঃ বেড়া বেরেৎ কাতে
   মেৎ মচায় হুতুম
গ বাবাওয়াঃ কাথায় আজম
  সিঞ চাঁদ আঃ থুম।

 

ঞেল ঞেলতে বা'র সেরমা
   পারম চালাও এন
যত কঠেন কুকলি দহয়
ইঞাঃ স্কুল তিসে হ হয়?

 

====== ** ======

 ১০।।

ইঞদ ইঞগে

সমরলাল  টুডু

  

হড়  হপন হেঁদে বহঃ
জানাম লেনাব তিন্ জহঃ
সুঘোড় সৗগৗই তেগেব হপহঃ
দিকুপুসি কাথাতে বাবন হহঃ  ।

 

হুডিঞ রেহঁ মারাং রেহঁ ইঞদ ইঞগে
আবিন  কাথাদ  তাঁহেনমা সিঞগে
বাংখান হাপেন দিনরে  গাতিঞগে
হারেফারে ইঞদয় হঁঞহার্ আদিঞগে ।

 

আমদ খেরোওয়াল মেনাঃ তাম  রড়
তুমদাঃ  টামাক্  সাডে   জড়্ জড়্
বানাম মেনাঃ  তিরয়ো ঞঁহড় ঞঁহড়
সমাজ  আরিচালি  বাঁদিতল বড় ।

 

ইঞাঃ  আমাঃ  নাপায়  সৗগৗই
বয়হা  বুহিন  মারাং দৗই
লিখন গড়হন  সাগাইদ ভাই
সবরনাখা নাইরে আলম বাইবাই ।

 

সিঁজ  বেলে  গাবে যেলেকা
মেনাঃ খেরোওয়াল আমাঃ এলেকা
সমাজ গাঁডার গাঁড়র লেকা
রড়দ  আমাঃ  আলম বেলেকা ।

 

রড়  রেগে হড়েম  নুরুমে
নাম্  নায়ো নালোম রুমে
সাঁওতা বায়ার নালোম বুরুমে
সিঁঞ সাদমে তৗকিজ  আরুমে।

 

====== ** ======

১১।।

রংতে চেঁড়ে
দুলৗড় বিটি

  

কৗহু-কুইলি হেঁদে হেঁদে
       কঁগ্‌ একাল পোঁড,
শাম কাহাল মানিক জড়
      ঞেলঃ হেঁদে পোঁড।

 

সিম-গেডেহঁ হেঁদে পোঁড
   আরহঁ হেড়াঃ কাবরা,
আরাঃ সিম’ক ঞেলঃ গেয়া
      ঞেলঃ তিনৗঃ ঝিঁঝ্‌রা।

 

মিরু চেঁড়ে হৗড়িয়ৗর গেকো
      মারাঃ হরেক রংতে,
ঘাড়ওয়া-কিসনি, দুঁদুঁ এমান
      সাজাঃ তিনৗঃ ঢংতে।

*=*=*= মুচৗৎ = *=*=*