এয়ায়গেল পে সেরমা সৗগুন দিসুয়ৗরি মাহা তায়নম আদিবাসী
সৗগুন শিকৗরিয়ৗ
ভারত দিশম রেন নৗগরিয়ৗ কঠেন দিসুয়ৗরি মাহা রেনাঃ এনেম দ অৗডিগে মেনাঃ আকাদা। দিশম তালারে নানা হুনৗর মৗনমি জৗতাঃ ফুরগৗল নাগরিয়ৗ লেকাতে মৗনৗন মাহা কানা। সার্বভৌম সমাজতান্রিক ধর্মনিরপেক্ষ গনতান্রিক সাধারণতন্র লেকাতে সানাম কঠেন সেটেরাকো সাঁওতে সামাজিক অর্থনৈতিক রাজনৈতিক ন্যায়বিচার লেকাতে চিন্তা রেয়াঃ অভিব্যক্তি পৗতিয়ৗউ ধরম সাঁওতে উপৗসনা ফুরগৗল তাঁহেন রেনাঃ পদমর্যাদা সুযোগ সুবিধা লাভ নিহৗৎগে ঞাম। যাঁহালেকাতে সানাম ক তালারে ব্যক্তি মর্যাদা আর জাতীয় ঐক্য আর সংহতি রেয়াঃ এনেম সানাম কঠেন নাপায়তে বেওহার হুয়ুঃ। নওয়া দিসৗ উইহৗর কাতেগে ভারত দিশম রেনাঃ সংবিধানরে কার্যকর কাতে নৗয় নাপায়তে তাড়াম এতহপ লেনা দিসুয়ৗরি মাহা ২৬ জানুয়ারী ১৯৫০ সাল খন।
ভারত দিশম ফুরগৗল কাতে আয়মা সেরমা বিতৗও পলম পারম আকানা। নে-হালেগে পারমেনা এয়ায় গেল পে সেরমা দিসুয়ৗরি মাহা সে প্রজাতন্ত্র দিবস। মানাও পালাও কেদাক দিশম পনত জিলৗ ব্লক সাঁওতে সরকারি বেসরকারি আফিস কাছারি তালমা আর আয়মা ক্লাব গাঁওতা ফোরাম লেকান সমাজিয়ৗ সংগঠন। নাগরিয়ৗ লেকাতে দিশম পনত রেন সানাম ক গরব সাঁওতে মানাও পালাও কেদা আপনারাঃ গটা বুটৗ ঠাঁওরে।
কেরমে কেরমে তে আয়মা সেরমা পলম পারম আকানা, তিয়ৗঃ আকাদায় এযায় গেল পে সেরমারে। ১৯৪৭ সাল রেনাঃ ১৫ আগস্ট দিশম ফুরগৗল আকানা। রাজমৗচিরে আডিগান রাজা রাজকৗমি চাবা কাতে কো জিরৗও আকানা । দিশম ফুরগৗল তায়নম খন আদিবাসী কোওয়াঃ জিয়ন নিরৗয় ,শিখনৗৎ,নাপায়তে বানচাও তাঁহেন ,রড় এনেচ সেরেঞ লাকচার নেমাচার তরাও রাকপ লৗগিৎ আয়মা উৎনৗও পনথা সাপড়াও কুরুমুটু হুয় আকানা। সরকারি বে সরকারি সংঘ,সংগঠণ ক তায়নম আকান জৗত বিরৗদৗলি লাহা সামাং তরাও রাকাপকো লৗগিৎ উৎনৗও কৗমিহরা সাপ আকাদা। মেনখান ....সৗরি উতৗর গেকি নুনৗং সেরমা আনাঃ সৗগুন দিসুয়ৗরি মাহারে তিগু কাতে আদিবাসী কোওয়াঃ আনাট আঝাট সলহে আকানা? জিয়ন নিরৗয় শিখনৗৎ সাঁওতে রড় জম ঞুয় লৗগিৎ তিনৗঃ ফুরগৗল অৗইদৗরি ঞাম আকাদাকো আদিবাসী ??
সার্বভৌম সমাজতান্রিক ধর্মনিরপেক্ষ গনতান্রিক সাধারনতন্র লেকাতে সামাজিক,অর্থনৈতিক,রাজনৈতিক ন্যায়বিচার ঞাম আকাদকো কি ?? তেঁহেঞ আদিবাসী হন হপন চেতান যেলেকা বে-বৗড়িজ বেওহার হুয় চালাঃ ঞেলঃ কানা বুঝৗঃ ঞামঃ কানা আদিবাসী কো নাপায় বৗনুঃ কোওয়া।
নিৎ হঁ মত প্রকাশ রেনাঃ অৗইদৗর লেকাতে আঁজমঃআ উমুক সে তমুক খবরিয়ৗ পুলিস ঠেন গ্রেপতার আকানায়।তেঁহেঞা দিনরে আয়মা আতু টোলা রেগে শিক্ষনৗৎ ইদি কাতে তিনৗঃ গান লাহান্তি হুয় গৎ আকানা। ফুরগৗল দিশমরে আদিবাসী কোওয়াঃ ন্যায় বিচৗর ঞাঞাম লৗগিৎ তাহলে নুনৗং আঁনদোড় লাগাও-আ চেদাঃ?
তাহলে আঁঙ্গচ মা নিৎ হঁ ভারত দিশম রেনাঃ প্রস্তাবনা লেকাতে হক দ উকুর অকারে ? জানাম পৗরসিতে অলঃ পাড়াও রেহঁ অকারে পতব বাকো ঞামা। শিখনৗৎ লেকাতে মাচেৎ বৗনুঃ কোওয়া। মাচেৎ মেনাঃ ক খান উনকুয়াঃ মান উন্নয়ণ দ খাট গেয়া। পৗঠুওয়ৗ কঠেন খন হোস্টেলরে তাঁহেন বাবৎ বিন তাঁহেতে কৗউডি হাতাওয়েৎ তাকোওয়া । অকারেদ কৗওডি বাং খান বই বাং। তুংখি তলাস লেখান ঞামঃ আ আয়মা চৗকরি বিনিড করে আদিবাসী (এস.টি ) কোওয়াঃ ঠাঁওরে অ-আদিবাসী ককো হামেট এদা। রাখা বাখরা জুড়ু খন রেজ হচোঃ কানা। নুনাং সেরমা তায়নম হঁ আদিবাসীগে আদিবাসীয়াঃ অৗইদৗর লৗগিৎ লৗড়হৗয় কানাকো। শাসনিয়ৗ গাতক রেন বাক কয়ঃ ঠৗওকৗয়েতে আপনারতে আপনারাঃ হক আরজাও লৗগিৎ ডান্ডা কেটেজ কাতে লৗড়হৗয় আঁনদোড় ডৗহিরে।
উত্তরপ্রদেশ ,গুজরাট,ত্রিপুরা ,আসাম সেন কয়ঃ লেখান ঞেলঃ আ দলিত সংখ্যালঘু আদিবাসী কোদ অৗডি আনাট আঝাট তালারে মেনাঃ কোওয়া। চৗকরি কৗমি ঠাঁও রেহঁ নিৎ হঁ আদিবাসী ঞুতুমতে রড় মাগালেৎ বনা। নতে দেউচা পাঁচামি ,আযোদিয়ৗ ঠুড়গৗ প্রজেক্ট আদিবাসী হন হপন লাগা ডিগলৗও রেনাঃ পন্থা সাপ আকাদাকো শাসনিয়ৗ। যে লেকা উরিচ গৗডিয়াও ঞেলঃ কানতে ফুরগৗল এয়ায় গেল পে সেরমা দিসুয়ৗরি মাহা তায়নম আদিবাসী তিনৗঃ নাপায় মেনাঃ কোওয়াঃ ? ভারত দিসম রেনাঃ অৗন অৗরি লেকাতে তিনৗ সামাজিক রাজনৈতিক ধর্মীয় লেকাতে ফুরগৗল মেনাঃ কোওয়াঃ আ-দি-বা-সী ??
.webp)
.webp)
