দেবেন্দ্রনাথ হেম্ব্রম, তমলুক- প্রফেশর পাপিয়া মান্ডি চেতান জৗত ইদিকাতেৎ বে-বৗড়িচ্ রড় খৗতির তেহেঞ ২৪ জানুয়ারী,‘২২ সেতাঃ বেড়া সেন আয়াঃ অড়াঃ খন পুলিশ কো পাকড়াও কেদেয়া প্রফেশর নির্মল বেরা। বাডায় আকানা আয়মা দিন খন গে পছিম মেদিনীপুর রেনাঃ বিদ্যাসাগর বিশ্ববিদ্যালয় রে হেনাঃ সজনীকান্ত কলেজ রেন প্রফেশর পাপিয়া মান্ডি চেতান জৗত ইদিকাতে রড় আর মানসিক নাহাচার নোওয়া অভিযোগ খৗতির গে প্রফেশর বেরা দক পাকড়াও কেদেয়া। তেহেঞ কোর্ট খনগে মিৎ দিন লৗগিৎ পুলিশ হেফাজত রেকো দহ আকাদেয়া। গাপা ২৫ জানুয়ারী আরহঁ কোর্ট রেকো রাকাবেয়া মেনতেহঁ বাডায় আকানা।
নোওয়া ইদিকাতে বাং হৗটিঞ মিদিনপুর জিলৗ ভারত জাকাত মাঝি পারগানা মহল সাঁওতে আয়মা সংগঠন গে ডঃ নির্মল বেরা বিরুধ রেকো রড়দারাম আর আদোড় আগুওয়াকাদা। অনারেনাঃ গে অর্জ তেহেঞ ঞেল ঞামেনা মেনতে মহল পাহটা খন কো দৗবীয়াকাদা।
নঁতে আরহঁ আঁদোড়িয়ৗ কো কুকলি কো রাকাব গৎ আকাদা বাংমা দসার কৗয়ধি অনা কলেজ রেন প্রিন্সিপাল তপন দত্ত দ চেদাঃ বাংকো পাকড়াও লেদেয়া? চেদাঃসে উনি হঁ মিৎ ধারা রেগে অভিযুক্তয় তাঁহেকানা। উনি লৗইতেহঁ অৗডিগান অভিযোগ রেনাঃ সৗবুদ্ মেনাঃ আকাদা মেনতে আঁদোড়িয়ৗকো দৗবীকো রাকাব গৎ আকাদা। অনাতে উনিহঁ লগন পাকড়াও রেনাঃ দৗবী হঁক দহ আকাদা। আরহঁ বাডায় আকানা বাংমা দারায় কান ৪ ফেব্রুয়ারী হিলোঃ প্রফেশর পাপিয়া মান্ডি যাতে নাপায় বিচৗর এ ঞাম অনা লৗগিৎ ইনৗহিলঃ আদালত সামাংরে মিৎ থিরথার রড়দারাম হঁক জৗরি দহয়া আঁদোড়িয়ৗকো।
.webp)
