সিঁগি মাহা রেনাঃ সাকাম ‘চেরেচ্ আড়াং’ লেখা- ৭৪

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com । 

 

তেহেঞাঃ আখড়ারে যাঁহায় কো সেলেদ্‌ আকান- ᱥᱩᱵᱩᱫᱤᱭᱟᱹᱢᱩᱨᱢᱩ,   ᱨᱟᱢᱞᱟᱞ ᱴᱩᱰᱩ,  ᱥᱨᱤᱠᱟᱱᱛᱚ ᱥᱚᱨᱮᱱ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ,  ᱜᱟᱛᱮ ᱴᱩᱣᱟ.ᱨ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  বাড়তাঙ সরেন, দুগাই টুডু, দুর্গাচরণ মুরমু, সীতেনমান্ডি , দুলৗড় বিটি।

 

 

১।।

ᱯᱤᱴᱷᱟᱹ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱢᱟᱢᱟ  ᱟᱭᱳᱭ
ᱦᱤᱡᱩᱜ  ᱠᱟᱱᱟᱭ
ᱫᱤᱯᱤᱞ ᱠᱟᱛᱮ ᱯᱤᱴᱷᱟᱹ ᱿

ᱛᱤᱠᱤᱱ   ᱛᱤᱠᱤᱱ
ᱯᱟᱨᱚᱢ    ᱮᱫᱟᱭ
ᱢᱟᱨᱟᱝ ᱜᱚᱰᱟ ᱵᱤᱴᱷᱟᱹ ᱿

ᱜᱩᱲ    ᱯᱤᱴᱷᱟᱹ
ᱡᱤᱞ    ᱯᱤᱴᱷᱟᱹ
ᱜᱷᱮᱸᱴᱨᱮ   ᱢᱮᱱᱟᱜ  ᱞᱮᱴᱚ ᱿

ᱟᱜᱩ    ᱛᱚᱨᱟᱹᱧ
ᱡᱚᱢ    ᱦᱚᱫᱟ
ᱯᱤᱴᱷᱟᱹ  ᱠᱚᱦᱩᱧ  ᱠᱚᱴᱚᱜ ᱿

ᱵᱚᱞᱚ   ᱠᱟᱛᱮ
ᱨᱟᱪᱟ    ᱨᱮᱜᱮ
ᱨᱟᱲᱟ   ᱠᱮᱫᱟᱭ  ᱰᱩᱸᱵᱩᱜ ᱿

ᱡᱚᱢ    ᱡᱚᱢᱛᱮ
ᱤᱧᱢᱟ   ᱱᱚᱜᱚᱭ
ᱱᱤᱛᱢᱟ  ᱟᱸᱵᱟᱜ  ᱩᱸᱵᱩᱜ  ᱿

 

======== ᱛ ========

 ২।।

ᱞᱮᱸᱜᱽᱲᱟ ᱦᱟᱲᱟᱢ

ᱨᱟᱢᱞᱟᱞ ᱴᱩᱰᱩ

 

 

  ᱠᱟᱨᱟᱢ ᱜᱷᱩᱴᱩ ᱠᱟᱹᱨᱩ ᱥᱚᱨᱮᱱ

            ᱞᱮᱸᱜᱟᱛᱤ ᱜᱮᱭ ᱞᱟᱦᱟᱭ ,

  ᱚᱱᱟ ᱠᱷᱟᱹᱛᱤᱨ ᱵᱟᱦᱱᱟ ᱧᱩᱛᱩᱢ

            ᱞᱮᱸᱜᱽᱲᱟ ᱫᱚᱠᱚ ᱢᱮᱛᱟᱭ ᱾

 

  ᱯᱟᱨᱠᱚᱢᱮ ᱜᱟᱜᱽ ᱞᱮᱸᱜᱟᱛᱤ ᱛᱮ

              ᱞᱮᱸᱜᱟ ᱫᱷᱟᱨᱮᱭ ᱟᱛᱨᱮ ,

  ᱢᱮᱛᱟᱭ ᱨᱮᱫᱚᱢ ᱛᱷᱤᱨ ᱛᱷᱩᱠᱩᱢ

              ᱟᱡ ᱫᱚ ᱠᱟᱛᱷᱟᱭ ᱟᱛᱨᱮ ᱾

 

  ᱡᱟᱹᱯᱤᱫ ᱮᱵᱷᱮᱱ ᱚᱱᱚᱲᱦᱮᱸᱭ ᱚᱞ

                ᱞᱮᱸᱜᱟᱛᱤ  ᱨᱮ  ᱱᱚᱱᱚᱞ ,

  ᱯᱟᱲᱦᱟᱣ ᱠᱟᱛᱮᱢ ᱦᱟᱦᱟᱲᱟᱜᱚᱜ

                ᱱᱩᱱᱟᱹᱜ ᱫᱟᱱᱟᱢ ᱚᱱᱚᱞ ᱾

 

  ᱞᱮᱸᱜᱟᱛᱤ ᱛᱮᱭ ᱯᱷᱮᱛᱟᱝ ᱛᱩᱢᱫᱟᱹᱜ

                 ᱞᱮᱸᱜᱟᱛᱤ  ᱛᱮᱭ  ᱵᱟᱱᱟᱢ ,

  ᱵᱟᱢ  ᱜᱟᱱ  ᱠᱷᱟᱱ  ᱴᱟᱢᱟᱠ  ᱨᱩᱻ ᱨᱩ

                ᱞᱮᱸᱜᱟᱛᱤ ᱛᱮᱭ ᱛᱷᱟᱯᱟᱢ ᱾

 

  ᱫᱟᱠᱟᱭ  ᱡᱚ ᱡᱚᱢ  ᱞᱮᱸᱜᱟᱛᱤ  ᱛᱮ

              ᱞᱮᱸᱜᱟᱛᱤ ᱛᱮᱭ ᱨᱚᱦᱚᱭ ,

  ᱟᱥᱟᱲ  ᱥᱟᱱ  ᱨᱚᱦᱚᱭ  ᱫᱤᱱ  ᱫᱚ

             ᱥᱤᱢᱨᱟᱜ ᱠᱷᱚᱱᱮ ᱦᱚᱦᱚᱭ ᱾

 

  ᱱᱮᱛᱟᱨ ᱢᱟᱛᱚ ᱩᱢᱮᱨ ᱠᱷᱟᱹᱛᱤᱨ

              ᱠᱳᱡᱳ ᱠᱳᱡᱳᱭ ᱛᱟᱲᱟᱢ ,

  ᱯᱷᱚᱜᱽᱲᱟ ᱰᱟᱴᱟ ᱵᱚᱦᱚᱜ ᱯᱟᱺᱰᱩ

              ᱢᱮᱱᱟᱭ ᱞᱮᱸᱜᱽᱲᱟ ᱦᱟᱲᱟᱢ ᱾

 

 ======== ᱛ ========

 ৩।।

ᱡᱤᱭᱚᱱ ᱵᱷᱟᱵᱱᱟ

ᱥᱨᱤᱠᱟᱱᱛᱚ ᱥᱚᱨᱮᱱ

ᱩᱱᱟ.ᱜ ᱪᱮᱦᱨᱟ ᱫᱷᱟ.ᱨᱛᱤᱯᱩᱨᱤ
             ᱩᱱᱟ.ᱜ ᱪᱮᱦᱨᱟ ᱡᱤᱭᱚᱱ
ᱯᱟᱸᱡᱟᱭ ᱢᱮᱥᱮ ᱢᱤᱫ ᱢᱚᱱᱮᱛᱮ
             ᱦᱟ.ᱨᱩᱭᱟ.ᱜ ᱜᱮᱭᱟᱭ ᱢᱚᱨᱚᱱ᱾

ᱦᱟᱥᱟ ᱨᱮᱜᱮ ᱢᱮᱱᱟᱜ ᱟᱠᱟᱫ
            ᱵᱟᱧᱪᱟᱶ ᱨᱮᱱᱟᱜ ᱨᱮᱦᱮᱫᱽ
ᱥᱤ ᱠᱟᱛᱮ ᱫᱮᱵᱚᱱ ᱨᱚᱦᱚᱭ
             ᱥᱤᱨᱡᱚᱱ ᱟᱵᱚᱱ ᱥᱟᱸᱦᱮᱫ᱾

ᱫᱟᱨᱮ ᱥᱟᱠᱟᱢ ᱵᱤᱨᱵᱩᱨᱩ
            ᱟᱵᱚ ᱠᱚᱨᱮᱱ ᱜᱟᱛᱮ
ᱡᱚᱛᱚᱱ ᱟᱵᱚᱱ ᱫᱩᱞᱟ.ᱲ ᱟᱵᱚᱱ
             ᱛᱟᱸᱦᱮ ᱱᱟᱵᱚᱱ ᱢᱤᱫᱛᱮ᱾

ᱵᱟᱦᱟ ᱵᱟᱜᱚᱭᱟᱱ ᱵᱮᱱᱟᱣ ᱠᱟᱛᱮ
              ᱥᱟᱲ ᱟᱵᱚᱱ ᱵᱟᱦᱟ
ᱯᱤᱯᱤᱲᱡᱟᱝ ᱟᱨ ᱞᱩᱛᱤ ᱠᱚᱣᱟᱜ
            ᱥᱚᱨᱚᱜᱯᱩᱨᱤ ᱡᱟᱦᱟ᱾ 

ᱚᱲᱟᱜ- ᱫᱩᱭᱟ.ᱨ ᱥᱟᱶᱛᱟ ᱥᱚᱥᱱᱚᱜ
               ᱜᱤᱫᱟ.ᱨ ᱠᱚᱭᱟᱜ ᱥᱚᱦᱚᱫ
ᱱᱚᱣᱟ ᱠᱚᱨᱮ ᱛᱤᱥᱦᱚ ᱯᱟᱞᱮᱱ
              ᱟᱞᱚ ᱠᱚ ᱧᱟᱸᱢ ᱢᱟ ᱛᱚᱦᱚᱫ᱾

ᱢᱤ ᱼ ᱢᱤᱫᱴᱟᱝ ᱢᱟᱱᱚᱭᱟ ᱡᱤᱭᱚᱱ
          ᱥᱚᱸᱫᱷᱟᱲ- ᱥᱚᱸᱫᱷᱟᱲ ᱵᱟᱦᱟ
ᱥᱟᱶᱛᱟ ᱠᱚᱨᱮ ᱥᱟᱲ ᱠᱚᱜ ᱻᱢᱟ
           ᱡᱩᱜᱽ- ᱡᱤᱭᱟ.ᱲ ᱢᱟᱦᱟ᱾

  

======== ᱛ ========

৪।।

ᱟᱡᱳᱫᱤᱭᱟᱹ  ᱵᱩᱨᱩ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱵᱤᱨᱵᱩᱨᱩ ᱛᱟᱞᱟ ᱫᱷᱟᱨᱮ ᱠᱚᱨᱮ
 ᱢᱟᱨᱟᱝ ᱢᱟᱨᱟᱝ ᱦᱮᱱᱟᱜ ᱫᱟᱨᱮ
 ᱟᱹᱛᱷᱟᱹᱱ ᱫᱤᱱ ᱨᱮᱱᱟᱜ ᱢᱟᱨᱮ
 ᱯᱟᱱᱛᱮ ᱛᱤᱜᱩ ᱛᱷᱟᱨᱮ ᱛᱷᱟᱨᱮ   ᱾

ᱵᱩᱨᱩ ᱪᱮᱛᱟᱱ ᱵᱩᱨᱩ ᱢᱮᱱᱟᱜ
ᱜᱟᱡᱟᱲᱨᱮ ᱵᱚᱛᱚᱨ ᱦᱮᱱᱟᱜ
ᱪᱟᱴᱟᱱ ᱫᱷᱤᱨᱤ ᱚᱵᱚᱨ ᱴᱷᱮᱱᱟᱜ
ᱦᱚᱲ ᱫᱚᱠ ᱦᱤᱡᱩᱜ ᱥᱮᱱᱟᱜ ᱾


ᱜᱟᱰᱟ ᱡᱷᱟᱨᱱᱟ ᱫᱟᱜ ᱞᱤᱜᱤᱱ
ᱥᱤᱧ ᱧᱤᱫᱟᱹ ᱟᱭᱩᱯ ᱛᱤᱠᱤᱱ

 ᱵᱤᱨ ᱪᱮᱲᱮ ᱨᱮᱨᱚᱵᱮᱨ ᱛᱮᱠ
 ᱫᱟᱨᱮ ᱰᱟᱹᱨᱨᱮ ᱮᱱᱮᱡ ᱟᱠᱳ  ᱾


ᱟᱴᱟᱞ ᱵᱟᱦᱟ ᱞᱟᱸᱫᱟᱭ ᱞᱮᱠᱟ
 ᱱᱟᱲᱤ ᱟᱠᱟᱱ ᱡᱷᱟᱢᱠᱟ ᱡᱷᱟᱠᱩᱨ
ᱫᱟᱱᱟᱝ ᱨᱮᱫ ᱡᱩᱨᱤ ᱯᱚᱛᱟᱢ
 ᱟᱸᱡᱚᱢ ᱦᱤᱡᱩᱜ ᱜᱷᱟᱜ ᱜᱷᱟᱠᱩᱨ  ᱾


ᱥᱚ ᱢᱚᱦᱚᱠ ᱦᱚᱭᱛᱮ ᱚᱴᱟᱝ
ᱜᱚᱴᱟ ᱵᱤᱨᱵᱩᱨᱩ ᱴᱚᱴᱷᱟ ᱠᱚᱨᱮ
ᱵᱷᱟᱣᱭᱟᱨ ᱨᱟᱥᱟ ᱫᱚᱠ ᱡᱟᱴᱟᱝ
ᱦᱟᱣ ᱰᱚᱰᱟ ᱫᱟᱸᱲᱟᱱ ᱡᱚᱨᱮ   ᱾


ᱵᱤᱨ ᱯᱟᱠᱟᱲᱮ ᱨᱮᱭᱟᱲ ᱦᱚᱭ
 ᱡᱤᱭᱟᱹᱲ ᱢᱚᱡᱜᱮ ᱵᱩᱡᱷᱟᱜ
ᱛᱤ ᱦᱚᱲᱚᱢ ᱥᱤᱦᱨᱟᱣ ᱚᱪᱚᱭ
 ᱧᱮᱧᱮᱞ ᱥᱟᱱᱟᱜᱮ ᱨᱤᱡᱷᱟᱜ   ᱾

ᱡᱷᱩᱲ ᱜᱟᱡᱟᱲ ᱠᱩᱪᱤᱫ ᱦᱚᱨ
ᱰᱟᱦᱟᱨ ᱟᱝᱠᱩᱲ ᱵᱟᱝᱠᱩᱲ
ᱧᱮᱞᱚᱜ ᱪᱚᱨᱚᱠ ᱢᱚᱱᱮᱭ ᱚᱨ
ᱫᱮᱡᱚᱜ ᱛᱷᱟᱠᱟᱲ ᱛᱷᱩᱠᱩᱲ ᱾


ᱵᱤᱨ ᱡᱩᱲᱨᱮ ᱢᱮᱱᱟᱜ ᱠᱚᱳᱭᱟ
 ᱡᱤᱵ ᱡᱤᱭᱟᱞᱤ ᱩᱢᱩᱞ ᱨᱮᱫ
ᱥᱤᱧ ᱢᱟᱨᱥᱟᱞ ᱫᱟᱸᱲᱟᱱ ᱦᱮᱣᱭᱟ
 ᱟᱫᱚᱢ ᱠᱚ ᱧᱮᱞ ᱧᱟᱢᱚᱜ ᱜᱮᱫ  ᱾



ᱡᱚ ᱵᱤᱞᱤ ᱦᱚ ᱜᱚᱡᱷᱟ ᱜᱚᱡᱷᱟ
ᱧᱟᱢᱚᱜ ᱴᱷᱤᱠ ᱞᱮᱠᱟ ᱚᱠᱚᱛᱨᱮ
ᱡᱤᱭᱟᱹᱞᱤ ᱟᱥᱩᱞᱚᱜ ᱵᱟᱪᱷᱟ

 ᱵᱟᱱᱪᱟᱣ ᱛᱟᱸᱦᱮᱱ ᱵᱤᱨᱵᱩᱨᱩᱨᱮ  ᱾

 

======== ᱛ ========

৫।।

ᱯ ᱩᱛ ᱩᱞ ᱮᱱᱮᱡ

ᱜᱟᱛᱮ ᱴᱩᱣᱟ.ᱨ

  

ᱱᱩᱠᱤᱱ ᱛᱚᱨᱟᱱ ᱵᱟᱨᱭᱟ ᱯᱩᱛᱩᱞ

ᱱᱩᱠᱤᱱ ᱠᱚᱸᱫᱟ ᱠᱩᱸᱫᱤ,

ᱟᱢ ᱴᱷᱮᱱᱦᱚᱸ ᱵᱟᱨᱭᱟ ᱯᱩᱛᱩᱞ

ᱩᱱᱠᱤᱱ ᱵᱷᱚᱸᱫᱟ ᱵᱷᱩᱸᱫᱤ ᱾

 

ᱠᱚᱸᱫᱟ ᱵᱷᱚᱸᱫᱟ ᱨᱩᱭᱟᱠᱤᱱ

ᱠᱩᱸᱫᱤ ᱵᱷᱩᱸᱫᱤ ᱠᱤᱱ ᱮᱱᱮᱡ,

ᱨᱟᱜ ᱨᱟ.ᱜᱤ ᱟ.ᱲᱤᱥᱨᱮ 

ᱯᱩᱛᱩᱞ ᱡᱤᱣᱤ ᱨᱟᱲᱮᱡ᱾

 

ᱟᱞᱟᱝ ᱞᱮᱠᱟ ᱜᱟᱛᱮ ᱜᱟᱛᱮ 

ᱩᱱᱠᱩ ᱦᱚᱸᱠᱚ ᱠᱷᱮᱞᱚᱜ,

ᱟᱞᱟᱝ ᱡᱩᱫᱤ ᱢᱮᱞᱚᱜ ᱟᱞᱟᱝ

ᱩᱱᱠᱩ ᱦᱚᱸᱠᱚ ᱢᱮᱞᱚᱜ ᱾

 

ᱜᱳᱻ ᱜᱳᱻᱜᱳ ᱨᱮ.ᱻᱨᱮ.ᱻᱨᱮ.

ᱯᱩᱛᱩᱞ ᱠᱚᱣᱟᱜ ᱵᱟᱯᱞᱟ,

ᱟ.ᱰᱤ ᱨᱟᱹᱥᱠᱟ. ᱵᱩᱡᱷᱟ.ᱜ ᱠᱟᱱᱟ

ᱵᱟᱝ ᱵᱩᱡᱷᱟ.ᱜ ᱠᱟᱱ ᱮᱠᱞᱟ ᱾

 

======== ᱛ ========

৬।।

ᱢᱟ ᱦ ᱟ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱥᱤ'ᱜᱮ ᱢᱟᱦᱟ ᱪᱷᱩᱴᱤ

ᱤᱥᱠᱩᱞ,ᱠᱚᱞᱮᱡ ᱠᱷᱟ.ᱴᱤ |

 

        ᱚᱛᱮ ᱢᱟᱦᱟ ᱠᱷᱩᱞᱟ.ᱜ

        ᱚᱞᱚᱜ ᱞᱟ.ᱜᱤᱫ ᱪᱷᱩᱴᱟ.ᱜ |

 

ᱵᱟᱞᱮ,ᱥᱟ.ᱜᱩᱱ ᱥᱟ.ᱨᱫᱤ

ᱢᱟᱦᱟᱭ ᱧᱩᱢ ᱟ.ᱫᱷᱤ |

 

           ᱡᱟ.ᱨᱩᱢ,ᱧᱩᱦᱩᱢ ᱫᱷᱟ.ᱵᱤᱡ

           ᱮᱭᱟᱭ ᱢᱟᱦᱟ ᱦᱟ.ᱵᱤᱡ |

 

ᱟ.ᱪᱩᱨ ᱵᱤᱦᱩᱨ ᱫᱟᱨᱟᱭ

ᱫᱷᱟ.ᱨᱛᱤ ᱞᱮᱠᱟ ᱫᱟᱬᱟᱭ |

  

======== ᱛ ========

৭।।

পায়রাঃ

বাড়তাং সরেন

 

হাকো কোদ বিয়োল বয়ল 

                    দাঃ তালারে পায়রাঃ

গিদরৗকোদ পায়রাঃ আকো 

                 সাঁওতে ডিঙ্গি কায়রা।

 

বোয়াড় হাকো টিরৗম হাকো

                     হাকো নানা পারকান

উডুচ ডুবুজ পায়রা আকো

                    অকয় মা দাঃ চেতান।

 

অকয়কোদ পুখরী তালা, 

                   অকয় গাডা দাঃরে

অকয়কোদ চেহেল  চেপেল 

                     দরয়া তালা দাঃরে।

 

দাঃ তালারে পায়রা লৗগিৎ 

                    দিল দাড়ে মা লৗকতি

লৗটু খনদ  গিদরৗকোগে

                  পায়রাঃ আকো বৗড়তি।

 

পায়রা রেমা রৗস্কৗ রমজ

                     একাল আডি মজগে

পায়রা যুদি  বাম বাডায়া

                      দাঃ তালারে বাংগে। 

 

গৗখুড় কোকো মেমেন কানা

                 পায়রা খেলোড কানা

দাঃ তালারে পায়রা সৗরি

                  হড়মো সাঁওয়ার কানা।

 

সজহে জিয়ৗং পায়রা তিনৗঃ

                   হানে আয়মা লেকান

অকয়কোদ ডুবুজ আতে

                  বাম ঞেলেয়া চেতান।

 

পায়রা চেচেৎ জৗরুড় গেয়া

                 হড়মো সাঁওয়ার লৗগিৎ

জিয়ন গাডা পায়রা পারম

                 জিউয়ি বাঞ্চাও লৗগিৎ।

 

======== ᱛ ========

৮।।

ট্রাফিক সিগনাল বৗতি 

দুর্গাচরণ মুরমু

 

পে-পঅ পে-পঅ পিই পিই

বাইক বাস ট্রাক গৗডি,

দৗড়া কানা বাজার তালা

সিঞ ঞিদৗ মিৎ গে অৗডি।

 

জুপুক্‌ জাপাক্‌ জুপুক্‌ জাপাক্‌ 

জুলুঃ ট্রাফিক সিগনাল বৗতি,

টাউন বাজার চাংড়া ডাহার 

যেমন সুড় তুল হৗতি।

 

হৗড়িয়ৗর সাসাং আরাঃ বৗতি

জুলুঃ কানা আলা পৗলি,

ট্রাফিক আইন মানাও কাতে

হড়কো পারোমঃ উতৗ হৗলি।

 

অডেঁয় তাহেন ট্রাফিক পুলিশ

মেনাঃ তায় মচারে সুড়সুড়ি,

হান্তে নাতে কয়ঃ কাতে

অরং গদায় আচকা তুড়িঘুড়ি।

 

সুট বুট ফিট ফাইন

বহঃ রেতায় পুলিশ টুপি,

বানার তিতেয় ইসৗরা আকো

হড় গৗডি জত্‌ বহুরূপী।

 

সামাং নাখা আরাঃ বৗতি

জুলু রেদ তিঙ্গুয় মেতাকো,

হৗড়িয়ৗর বৗতি জুলু জখাচ্‌

লেগেম লেগেম লাহায় মেতাকো।

 

জুনু জুনু সাসাং বৗতি

জুলুঃ ট্রাফিক থুম্‌বি চেতান,

পারোমঃ মে ঞেল কাতে

বাংখান পুলিশে দাল এমান।

 

======== ᱛ ========

 ৯।।

রাবাং দিন

দুগাই টুডু

 

 পুস মাঘ চাঁদ খানগে দিশৗ

      রাবাং দিনগে কানা,

উত্তর নাখা হয়গে বুজুঃ

       সুয়ুড় সুয়ুড় অনা।

 

নিয়ৗ অক্‌ত করে গেচো

      রিতিৎ রেয়াড় বাড়া,

গিদ্‌রৗ আলে জৗবুন তেদ

     থারগে থারাও লাড়াঃ।

 

উনরে আদ আয়ো বাডায়

       জত ঘৗড়িচ্‌ এতে,

জোরোঃ কাতে রাবাং লাগায়

       একাল সানাম কতে।

 

অৗয়ুপ এনসে কিদুপ আতে

      পাঁজায় গিতিচ্‌ জাগা

উড়গু পুড়গু পটম জৗপিৎ

      দমে হড়ম লাঁগা।

 

চেঁড়ে চুপরুৎ চেরো বেরয়

      হানে আঁগা তরা,

গিদ্‌রৗ দলে এভেন বেরেৎ

       অনে সেতাঃ বেড়া।

 

নংকা তেলে বিতৗও পারম

       রেয়াড় রাবাং ভালা,

অৗডি গেদ দিসৗ তাঁহেন

        মনে অন্তর তালা।

    ======== ᱛ ========

১০।।

সিরজন নৗড়ি

সীতেন মাণ্ডি

 

অকারেচম তাঁহে কানা

    হয় দাঃ রিমিল রে

সিরজনিয়ৗয় সিরজন কেৎ মে

গ বাবাওয়াঃ দুলৗড় তালাতে।

 

এ আয়ো সনা বিটি

তিনৗঃ এম চরক আ

নোওয়া অড়াঃ দুয়ৗর বিটি

আমগেম মারশালা।

 

অলঃ পাড়হাও সেঁড়ায়মেয়ো

অৗকিল জ্ঞান আরজাও মে

পুলিশ ডাক্তার মাচেৎ কাতে

   দিশম সুসৗর কৗমি মে।

 

খেল টাঁডি রে খেলোঃ তিঞ মে

কড়া গিদৗর লেকা

মনে আলম হুডিঞ তামা

চাঁদ সিরজৗও তিরলৗ জনম মা।

 

আম রেগে সানাম দাড়ে

নোওয়া কাথা বাং এড়ে

সাঁওতা রেনাঃ মান মহৎ

সেপেঞ মেনাঃ ,আলম লেবেৎ লটম।

 

তিরলৗ রেগে তল মেনাঃ

মৗনমি সিরজন নৗড়ি

সিরজন বাঞ্চাও দহয় লৗগিৎ

আমগে যত খনেম ভৗগি।

 

======== ᱛ ========

১১।।

অভাব রেনাঃ সাকরাত

দুলৗড় বিটি

 

 

নেশ সাকরাত অকালেকা পারমেনা

         বাংলে বাডায় লেদা,

অভাব জালা ইঞ বাবা

         সুনুম বায় আগুলেদা।

 

ছং গড়্‌ গড়্‌ গুড় পিঠৗ

        হড়’কো বেনাও কেদা,

সুনুম অভাবতে ইঞ আয়ো

      বায় ছাকাও লেদা।

 

বাডায় কেদাঞ রেঁগেচ্‌ জালা

     অৗডি মারাং জালা,

বাং কুড়ৗঃ, বাং জুটৗঃ খান

     সাহাও হোয়োঃ জালা।

 

=*=*= মুচৗৎ = *=*=