আবোওয়াঃ ডিজিটাল ডেস্ক- টাকা বাংখান বই হঁ বাং- নংকান হুকুম জৗরি আদম স্কুল কোওয়াঃ রাকাব হেচ্ এনা। খবররে বাডায় আকানা বাংমা তেহেঞ বার সেরমা ধরিয়ৗ আদিবৗসী হোস্টেল বন্ধ মেনাঃ রেহঁ পৗঠুওয়ৗ কো টাকা এমঃ হোয়োঃ কান তাকোওয়া। যাঁহায় কো বাংকো এমঃ খান ওনকোদ সরকারি পাড়হাঃ বই হঁ বাংকো ঞামা। নংকান হুকুম কো জৗরি আকাদা পুরুলিয়ৗ জিলৗ রেয়াঃ বান্দোয়ান ডাঃ অমরনাথ ঝা হাই স্কুল (উমা) রেন চাচালাওকো। উপৗয় বাং তে আদম পৗঠুওয়ৗ কদ বার (২০০০/- ) হাজার কাতেৎ টাকা কো এম আকাদা মেনতেঁহ বাডায় আকানা।
নোওয়া বিরুধরে ১৯ জানুয়ারী,২২ পশ্চিমবঙ্গ আদিবাসী কল্যাণ সমিতি পুরুলিয়ৗ জিলৗ চাঁগা পাহটা খন বান্দোয়ান রেন বি.ডি.ও সাহেব ঠেন মিৎ দৗবী সাকাম কো চাল আকাদা। তবে এখেন ডাঃ অমরনাথ ঝা হাই স্কুল সুমুং দ বাং পুরুলিয়ৗ জিলৗ রেনাঃ আয়মা স্কুল করেগে নংকা কাতে আদিবৗসী হোস্টেল রেন পৗঠুওয়ৗ ঠেন খন টাকা কো হাতাও এদা মেনতে নোওয়া অভিযোগ হঁয় রাকাব আকাদা পশ্চিমবঙ্গ আদিবাসী কল্যাণ সমিতি। অনাকো স্কুল করেহঁ সমিতি লগন গে রড়দারামায় মেনতে সমিতি পাহটা খন বাডায় আকানা।
আয়মা গৗলিম পাহটা খন নংকান অভিযোগ রাকাব কানা বাংমা আয়মা স্কুল করেগে আদিবৗসী অভিভাবক প্রতিনিধি মেনাঃ করেহঁ নোওয়াক ইদিকাতেৎ দ চেৎ কাথা গে বাংকো রড়া। অভিযোগ রাকাব কানা আদিবৗসী পৗঠুওয়ৗ চেতান রেগে নংকান অবিচার দ চেদাঃ ?
তবে অভিযোগ রাকাব খৗতির মুচৗৎ হৗবিচ্ তে বাডায় ঞাম আকানা বাংমা পৗঠুওয়ৗ কোঠেন খন হাতাও লেৎ টাকা রুওয়ৗড় কাঃ কো গটা আকাদা মেনতে স্কুল চাচালাও পাহটা খন বাডায় ঞাম আকানা।
.webp)
