সিঁগি মাহা রেনাঃ সাকাম ‘চেরেচ্ আড়াং’ লেখা- ৬৬

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com । 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু,  ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, গাতে টুওয়ৗর, সুচাঁদ হাঁসদা, বাড়তাঙ সরেন, দুগাই টুডু, সীতেন মান্ডি, সমর লাল টুডু।

 

রিলৗমালা মুরুমু, ক্লাস- IV
জেলা - পুরুলিয়া

 

১।।

ᱦᱚᱯᱚᱱ ᱢᱟᱹᱭ ᱟᱜ ᱵᱟᱦᱟ ᱵᱟᱵᱟᱲᱜᱮ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱦ ᱚ ᱯ ᱚ ᱱ  ᱢ ᱟᱹᱭ ᱟ ᱜ ᱵ ᱟ ᱦ ᱟ ᱵ ᱟ ᱲᱜ ᱮ
ᱚᱠᱚᱭ ᱫᱚᱯᱮ ᱱᱤᱥᱩᱱ ᱠᱮᱫᱟ,
ᱪᱮᱬᱮ ᱪᱤᱯᱨᱩᱡ ᱛᱮᱨᱚᱢ ᱯᱤᱯᱤᱲ
ᱵᱟᱝ ᱜᱮᱪᱚ ᱠᱚ ᱟᱸᱫᱳᱲ ᱮᱫᱟ ᱾

 

ᱥᱩᱠ ᱫᱚ ᱵᱟᱹᱱᱩᱜ ᱦᱚᱯᱚᱱ ᱢᱟᱹᱭ ᱟᱜ
 ᱢᱩᱞᱤᱱ ᱢᱮᱫ ᱫᱟᱜ ᱯᱮᱬᱮ ᱯᱮᱬᱮ,
ᱥᱤᱧ ᱥᱤᱠᱬᱤᱡ ᱨᱚ ᱡᱩᱡᱩᱦᱩᱡ
 ᱛᱮᱛᱨᱟᱣ ᱮᱠᱚ ᱨᱮᱬᱮ ᱨᱮᱬᱮ ᱾

 

ᱛᱟᱞᱟ ᱛᱮᱧᱟᱝᱻᱮ  ᱥᱟᱵ ᱟᱹᱜᱩᱭᱮ
 ᱵᱟᱦᱤ ᱯᱤᱰᱤᱡ ᱡᱟᱝ ᱥᱚᱥᱨᱚᱡ,
 ᱢᱚᱱᱮ ᱢᱚᱠᱚᱡ ᱡᱟᱝ ᱥᱚᱥᱨᱚᱡ
 ᱜᱤᱛᱤᱡ ᱠᱳᱜᱼᱟᱭ ᱱᱮ ᱛᱚᱡ ᱛᱚᱡ ᱾

 

                  ( ২)

 

ᱪᱟᱴᱱᱟ ᱯᱩᱥᱤ

 

ᱯᱩᱥᱤᱭ ᱢᱮᱱᱟᱻ ᱦᱟᱹᱥᱳᱧ ᱠᱟᱱᱟ
                      ᱪᱟᱴᱱᱟ ᱪᱟᱴᱚᱜ ᱟᱞᱟᱝ,
ᱛᱮᱦᱮᱧ ᱠᱷᱚᱱᱫᱚᱻ ᱵᱟᱹᱧ ᱩᱭᱩᱝᱻᱟ
                      ᱞᱚᱞᱚ ᱛᱳᱭᱟ ᱪᱮᱞᱟᱝ ᱾

 

ᱥᱟᱹᱨᱤ ᱱᱟᱥᱮᱻ ᱟᱸᱡᱚᱢ ᱠᱟᱛᱷᱟ
                  ᱰᱟᱹᱦᱤ ᱯᱤᱰᱤᱡ ᱡᱟᱝ ᱥᱚᱥᱨᱚᱡ               
ᱪᱟᱴᱱᱟ ᱪᱟᱴᱚᱜᱻ ᱨᱮᱥᱟᱬ ᱯᱩᱥᱤ
                          ᱫᱟᱱᱟᱝ ᱵᱟᱲᱟᱭ 'ᱫᱚᱭᱚᱜ' ᱾

 

======== ᱛ ========

২।।

ᱫᱤᱥᱚᱢ ᱯᱮᱲᱟ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱫᱤᱥᱚᱢ ᱯᱮᱲᱟ ᱫᱤᱥᱚᱢ ᱯᱮᱲᱟ

ᱚᱠᱟ ᱠᱚᱨᱮ ᱛᱟᱺᱜᱤ ᱛᱟᱸᱲᱟᱜ ᱿

ᱦᱤᱡᱩᱜ ᱟᱯᱮ ᱱᱮᱰᱟ ᱢᱟᱦᱟ

ᱥᱮᱛᱟᱜ ᱥᱚᱛᱟᱜ ᱞᱟᱦᱟ ᱞᱟᱦᱟ ᱿

ᱵᱟᱦᱟ ᱵᱚᱸᱜᱟ ᱠᱩᱭᱞᱤ ᱠᱩᱦᱩ

ᱱᱟᱶᱟ ᱦᱚᱲ ᱱᱟᱶᱟ ᱵᱟᱦᱩ ᱿

ᱡᱚᱦᱟᱨ ᱵᱮᱣᱦᱟᱨ ᱧᱮᱞ ᱧᱮᱯᱮᱞ

ᱡᱤᱣᱤ  ᱢᱚᱱᱮ  ᱪᱮᱦᱮᱞ ᱪᱮᱯᱮᱞ ᱿

ᱱᱟᱶᱟ ᱯᱮᱲᱟ ᱚᱲᱟᱜ ᱡᱚᱲᱟᱜ

ᱥᱟᱺᱜᱤᱧ  ᱥᱟ.ᱜᱟᱹᱭ ᱥᱩᱨᱚᱜ ᱚᱲᱟᱜ ᱿

======== ᱛ ========

 ৩।।

ᱡᱮᱰᱮᱨ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱯᱩᱥ ᱢᱟᱜᱷ ᱨᱟᱵᱟᱝ ᱫᱤᱱ
ᱨᱮᱭᱟᱲ ᱟ.ᱰᱤ ᱵᱩᱡᱷᱟ.ᱜ,
ᱥᱮᱛᱟᱜ ᱛᱚᱨᱟ ᱵᱮᱲᱟ ᱛᱟᱨᱟᱥ
ᱦᱚᱲᱢᱚ ᱞᱟ.ᱜᱤᱫ ᱨᱤᱡᱷᱟ.ᱜ |

 

ᱪᱮᱬᱮ,ᱪᱩᱯᱨᱤ,ᱡᱤᱵ,ᱡᱤᱣᱟ.ᱞᱤ
ᱡᱮᱰᱮᱨ ᱠᱚ ᱯᱟ'ᱡᱟᱭ,
ᱟᱯᱚᱱ ᱫᱟᱲᱮ ᱦᱟ'ᱰᱮ ᱱᱟᱰᱮ
ᱥᱤᱛᱩᱝ ᱴᱷᱟᱶ ᱚ'ᱡᱟᱭ |

 

ᱜᱩᱲ ᱜᱚᱛᱚᱢ ᱛᱟᱱᱟᱜ ᱞᱮᱠᱟ
ᱥᱤᱵᱤᱞ ᱟ.ᱰᱤ ᱜᱮ,
ᱢᱚᱱᱮ ᱡᱤᱣᱤ ᱡᱤᱭᱟ.ᱲ ᱨᱩᱣᱟ.ᱲ
ᱱᱟᱯᱟᱭ ᱵᱩᱡᱷᱟ.ᱜ ᱜᱮ |

 ======== ᱛ ========

 ৪।।

ᱠᱷ ᱮᱞᱳ ᱰ  ᱰ ᱟ.ᱦᱤ

 ᱠᱤᱥᱠᱤᱱᱫ ᱷ ᱟ   ᱢᱩᱨᱢᱩ

 

  ᱦ ᱩᱰ ᱤᱧ ᱵ ᱟ ᱵ ᱩ ᱢᱟᱹᱭ ᱛᱟ ᱠᱚ
  ᱜᱟ ᱛᱮ ᱜᱟ ᱛᱮ ᱦᱤᱡᱩᱜ ᱟ ᱠᱚ
 ᱡᱚᱠᱷᱚᱪ ᱧᱩᱦᱩᱢ ᱵ ᱮᱲᱟᱨᱮ
  ᱫ ᱟᱹᱲ ᱮᱱᱮᱡ ᱜᱚ ᱫ ᱰ ᱟᱹᱦ ᱤᱨᱮ   ᱾

        

   ᱡᱚᱛᱚ ᱠᱚᱛᱮ ᱩᱨᱟᱹᱢᱟ ᱞᱟ ᱜ
  ᱨᱟᱹᱥᱠᱟᱹ  ᱨᱚᱢᱚᱡ  ᱥᱟ ᱞᱟ ᱜ
  ᱟ ᱫᱚᱢ   ᱠᱚᱫᱚᱠᱳ   ᱧᱮᱞᱟ
  ᱠᱷ ᱮᱞᱳᱰ  ᱰ ᱟ ᱹᱦᱤ   ᱛᱟ ᱞᱟ ᱾᱾

         

  ᱦᱟᱸᱥᱩᱨ ᱵ ᱮᱲᱟ ᱡᱚᱦᱚᱜ
 ᱨᱚᱲᱛᱮ  ᱟᱹᱵ ᱤ ᱟᱸᱫᱳᱲᱚᱜ
 ᱥᱮᱴᱮᱨᱚᱜ  ᱜᱟ ᱫᱮᱞ ᱩᱱᱨᱮ
 ᱦ ᱟ ᱨᱮᱯ ᱷ ᱟ ᱨᱮ ᱰ ᱟ ᱦᱤᱨᱮ  ᱾

     

   ᱜᱳᱞ  ᱜᱟ ᱨᱡᱟ ᱳ  ᱦ ᱚᱦᱚᱭ
   ᱡᱤᱨᱟ ᱳ ᱫᱚ ᱵ ᱟ ᱠ ᱫᱚᱦᱚᱭ
   ᱞᱟᱸᱱᱜᱟ ᱛᱷᱟ ᱠᱟ ᱳ ᱫ ᱷᱟᱹᱵ ᱤᱡ
   ᱨᱤᱠᱟᱹᱭ   ᱩᱨᱤᱡ  ᱥᱟᱸᱦᱤᱡ ᱿

     

 ᱫᱟᱹᱲ  ᱫᱚᱱᱚᱜ  ᱟ ᱠᱳ
 ᱟᱹᱰ ᱤ ᱠᱩᱥᱤᱜ ᱫᱚᱠᱳ
 ᱟᱹᱨᱤ ᱢᱮᱱᱟ ᱜ ᱛᱟ ᱠᱳ
  ᱵ ᱟ ᱛᱟ ᱳ ᱜᱚᱫ ᱟ ᱠᱳ  ᱾

        

  ᱵ ᱮᱲᱟ ᱭ ᱦᱟᱸᱥᱩᱨ ᱪᱟ ᱞᱟ ᱜ
  ᱦᱟᱹᱱᱤ ᱧᱟ ᱞᱟ ᱜ ᱧᱟ ᱞᱟ ᱜ
  ᱠᱷᱮᱞ   ᱵ ᱟ ᱠᱳ   ᱞᱤᱛᱟᱹᱲ
   ᱡᱮᱡᱟ ᱦᱟ ᱨ ᱟ ᱫᱚ ᱨᱩᱭᱟᱹᱲ ᱾

======== ᱛ ========

৫।।

বতর

গাতে টুওয়ৗর

 

ভূতাঃ কাথা বতরগে
ডৗনাঃ কাথা চুমুল
অনা খনাঃ আরহঁ বতর
নিজে রেনাঃ উমুল ।

 

অৗথৗওড়িতে জুদিম বরঃ
ঞেল কাতেগেম ভেঁওনাঃ
নিজের উমুল বাম দিসৗয়া
লৗয়াম চেলে তানাঃ ।

 

ডৗন ভুতদ অকারেচ
বতর মনেয় জজম
দেনে বানার লাহা তায়ম
চেৎ কচম আঁজম ।

 

বতর তিনরেম সাহায়া
তবে আমেম লাহাঃ
বাং খানদ বতর তেগে
আরহঁম সাহা সাহাঃ ।

 

======== ᱛ ========

৬।।

গেলবার চাঁদো 

    ( লাহা উছৗন তায়ম )

সুচাঁদ হাঁসদা

 

ভাদর তায়ম চাঁদো তাবন ,
আবো আঃ দ দাঁসায় ৷
হড় আতোরে আঁজমঃআ ,
সেরেঞ দ হায়রে হায়   ৷

 

দাঁসায় তায়ম মেনাঃ তাবন ,
চাঁদো ঞুঁতুম সহরায় ৷
নোওয়া চাঁদোবন নেওতা কোওয়া ,
হপন এরা মিস এরা আর ,
দেও ভৗগিন জাঁওয়ায় ৷

 

সহরায় তায়ম আবো আঃ দ ,
চাঁদো ঞুঁতুম আঁঘাড় ৷
নোওয়া চাঁদো দ গুনি গরিব ,
জমাঃতে কিঁসৗড় বাঁধাড় ৷

 

চাঁদো রেনাঃ মুচৗত ঞুঁতুম ,
আবো আঃ দ পুস ৷
হাড়াম বুঢি গিদৗর পিদৗর
রাবাংতে খাঁস খুঁস  ৷

 

======== ᱛ ========

৭।।

কলম

বাড়তাং সরেন

 

কলম ইঞাঃ সাপাপ্ কানা
                কলম ইঞাঃ দাড়ে
কলম ইঞাঃ সারা জিয়ন
                তিরে তাঁহেন বাড়ে।

 
কলম তেগে অলঃ পাড়হাও
                 কলম তেগে সেচেৎ
কলম তেগে তেয়ারাকো
                মারাং মারাং মাচেৎ।

 

কলম খৗতির ডাক্তার উকিল
                     কলম তেগে আপিস
কলম তেগে বিডৗও হুয়ুঃ
                 অকয় তিনৗ তৗপিস।

 

কলম তেগে দিশম চালাঃ

                   কলম তেগে পনত 
কলম তেগে মনে তেয়ার
                  একাল আডি সনত।
 
কলম যুদি যাঁহায় চালাও 
                আডি নাপায় নাপায়
আকিল হুদিশ কৗওডি ঞুতুম
                সানাম উনিয় এমায়।

 

কলম তেগে বেরেৎ রাকাপ
                    সাঁওতা রিলৗমালা 
কলম তেগে সাহা গানোঃ
                  রেঙ্গেচ তেতাং জালা।

 

কলম তেগে অলঃ কানা
                অনড়হেঁ পৗরসী রড়
তেয়ারাকো নানাহুনৗর
                  কৗহনী দিশম হড়।

 

কলম তেগে জাঙ্গে দারাম
                   বৗইরী বৗড়িচ কৗমি
কলম দাড়ে তাঁহেন রেদ
               আমগে সরেশ মৗনমী।

 

কলম খৗতির তেয়ার লেনা
                 মৗনমী কোওয়াঃ নাগাম
কলম যুদি বাং তাঁহেনা
              চেকাম তেয়ার আগাম ?

======== ᱛ ========

৮।।

রেভারেন্ড পি.ও. বোডিং

দুগাই টুডু

 

আঁজম গদঃ কাথায় অনে
    মিৎটাং সাহেব কাথা,
ঞুতুম পল ওলাফ বোডিং
     বাডায় গেকো গোটা।

 

জানাম জজনমিক হুডিঞ বাজার
       গজাভিক অকা মেনা,
নরওয়ে দিশম রেগে মেনগে
       একাল বলে হেনাঃ।

 

ধরম সাচার হেচ্‌ লেনা
    হানে সাঁওতাল পরগনা,
নাহাঃ ঝাড়খন্ড পনৎ রেয়াঃ
       বেনা গৗড়িয়া অনা।

 

বাডায় লৗগিৎ উনরে উনি
        সানতাড়ি এ চেৎ লেদা,
মিশন প্রেস খনগে আদয়
         ভৗলৗই হুদিশ কেদা।

 

‘হড় হপন রেন পেড়া হড়’ গে
        উছৗন ধুরৗও লেনা,
মারে কৗহনি কুদুম তুমাল
         হড়গে আতো খনাঃ।

 

পুথি তিতেয় অলাঃ আয়মা
     বিলৗত ইদি আনা,
অসলো জেগেৎ বিরদৗ গাড়
    জাওরা কাতে মেনাঃ।

 

মাইক্রোফ্লিম আতে গেচো
       দিসম আগু এনা,
খঁদ রঁদ কৗমি করে নেতার
      লাগাঃ আডি তেনাঃ।

 

‘এ সান্তাল ডিকশনারী’ রেদ
       মঁড়ে হৗটিঞ গেদ,
পৗরসি সাঁওহেৎ হারা বুরু
        লৗকতি গনং আদ।

কৗমি এনেম হেনাঃ তায়গে
      সাঁওতা তালা মালা,
যায় যুগগে সানতাড় কদ
      উইহৗর ইদিয়ে ভালা।

======== ᱛ ========

 ৯।।

সৗগৗই

 সীতেন মাণ্ডি

 
বয়হা সৗগৗই যুদা গেয়া
   ধৗরতি তালারে
তাপাম তুপুঃ বাবন সিরজৗও
     মৗনমি তালারে।

 

আয়ো কুখি রেম সাহব লেনা
    থপে জ বিলি লেকা
হসর ঞুর এনাম ধৗরতি রে
   নিত দ বাম সাহব চেকা?

 

হৗটিঞ মেনাঃ মায়ায়্ আমাঃ
  সহাগ দুলৗড় গ বাবা আঃ
এনহ চেদাঃ বয়হা বয়হা
   তাঁহেন আব সাহা সাহা?

 

বাং হিজুঃ আ দিশৗ অনা
      মিৎ বৗটি রে জম
বয়হা দয় হুডিঞ গেয়া
     বৗঞ এমায়া কম।

 

মিৎ ঘৗড়িচ বাম ঞেলেরে
  হড়েম কুলি কোওয়া
 ইঞ বকঞ এ অকায়েনা
    অকয় পে বাড়ায়া?

 

কৗটিচ রেদ মনে হঁ কৗটিচ
 এনহ তাহেঁ কান মারাং
মারাং কাতে অনাগে চেদাঃ
   দারে লুমৗং লেকা?

======== ᱛ ========

১০।।

কৗপিল  গৗই

সমরলাল  টুডু

 

সেতাঃ  সিমরাঃ   ভুরকৗ  ইপিল
পুরুব   নাখারে   বৗতিয়   দিপিল
গিদরৗ  চেঁঘাওক  লৗগিৎএ আপিল
ভুরকৗ  ইপিল   গৗই    কৗপিল    ।

 

চেঁড়ে   চিপরুৎ   জিনতি   পিপড়ি
ঞিঁদা   আয়োওয়াঃ তনল  সিকড়ি
ঢাকা  সাহাকাতে মেৎরেনাঃ আঁকড়ি
বেরেৎ   এনাক   জজম দাকাসৗকড়ি ।

 

মাঝি  কুরিন   ঢুলকি    ঢিংকি
এঃহবেনে  রারাঃ   খিপি  কুংকি
তগজ্   এদায়    হুড়ু    টুংকি
হাটাঃতেয় এওয়ের কাড়মিকুড়ি রুংকি ।

 

সিঁঞ   চাঁদোওয়াঃ   আরাঃ   রাঁত্
তুকুজ   এদায়    অড়াঃ   কাঁত
রুকুই    তুলুজ্    বুরু   মাৎ
চিরগৗল্  এদকয়  মৗনমি  জৗত্  ।

 

দিকু   পুসি    ঝাড়্  ঝাড়্
বোটোঃ  মৗলি   বাহা  সাড়্
ছুৗটও এনকো হারেফারে দাড়
আমদ  খেরোওয়াল বাম্ চাঁড় ।

 

ভুরকৗ   ইপিল   কৗপিল   গৗই
ঠৗকরৗন্  আয়ো  মারাং   দৗই
গট্  পুজা  টাঁডিরেদয়    লৗই
উম্  চেঠাঃপেসে   বাবু   মৗই  ।
 

=*=*=*= মুচৗৎ = *=*=*=