দেবেন্দ্রনাথ হেম্ব্রম, তমলুকঃ- আদিবাসী কো জাত লৗইতে রড় মাগাল ইদিকাতে মিৎ মারাং আঁদোড় ডাহাররে ভারত জাকাত মাঝি পারগানা মহল। অনা সাঁওতে বিদ্যাসাগর ইউনিভার্সিটি আর সবং কলেজ বাং ঠৗউকৗ মাহা হৗবিচ্ এসেদ দহ রেনাঃ এ হহ কেদা। মহল পাহটা খন অভিযোগ বাংমা সবং কলেজ রেন অধ্যাপিকা পাপিয়া মান্ডি জৗত লৗইতে রড় মাগাল সাঁওতে মানসিক ভাবতেহঁ উনি চেতান নাহাচার হুয় আকানা মেনতে নংকান অভিযোগ গে রাকাব আকানা অনা কলেজ রেনগে আর মিৎ প্রফেশর নির্মল বেরা বিরুধরে।
বাডায় আকানা বাংমা আডি দিন খনগে সান্তাড় জৗতি লৗইতে আয়মা লেকান
অপমান অচোওয়াকানায় পাপিয়া মান্ডি। নোওয়া ঘটন ইদিকাতে আয়মা ধাও আদিবাসী সংগঠন সাঁওতে
ভারত জাকাত মাঝি পারগানা মহল পাহটা খন বিদ্যাসাগর ইউনিভার্সিটি আর সবং কলেজ রেন উপাচার্য
ঠেন অলবেল তালাতে বাডায় অচো হুয় লেনা, মেনখান নিৎ ধৗবিচ্তে নির্মল বেরা বিরুধরে কলেজ
পাহটা খন চেৎ লেকান বন্দেজ হঁ বাং হাতাও আকানা মেনতে মহলাঃ দাবী।
অনাবেগর পারমেন ১৯ অক্টোবর, তেমাথানিরে ডাহার জাঁগে দারাম তালাতে
সবং থানা রেহঁ অলবেল তালাতে অভিযোগ বাডায় অচো হুয় লেনা আদিবাসী সংগঠন পাহটা খন। কায়ধিয়াঃ
শাসেৎ রেনাঃ এক্টোরসিটি এক্ট-১৯৮৯ ধারাতে অভিযোগ বাডায় অচো হুয় লেনা মেনতে আদিবাসি
সংগঠন আঃ দাবী। ইনৗহিলোঃ বাংমা প্রশাসনিয়ৗ পাহটা খন যথাত তলাশ কাতে কৗয়ধি শাসেৎ এম
রেয়াঃ কাথা বাডায় অচো হুয় লেনা আদিবাসি সংগঠন কোঠেন। মেনখান ঞেল ঞেলতে মিৎ চাঁদ পারম
কাতেহঁ কৗয়ধি বিরুধরে প্রশাসনিয়ৗ চেৎ বন্দেজ হঁ বায় হাতাও আকাদা মেনতে মহলাঃ অভিযোগ।
অনাতে দারায় কান ১৩ ডিসেম্বর ভারত জাকাত মাঝি পারগানা মহল পাহটা
খন বিদ্যাসাগর ইউনিভার্সিটি আর সবং কলেজ বাং ঠৗউকৗ মাহা হৗবিচ্ এসেদ দহ রেনাঃ কৗমিহরা
কো হহ কেদা আদিবাসী সংগঠন ক। ইনৗহিলঃ সানাম কো দোমেল দোমেল সহর লৗগিৎ নেঁহর হঁক দহ
আকাদা।
.webp)
