মায়াম দান, মিৎ সনত্ কৗমি
 |
| ডাঃ সুরেন্দ্রনাথ মান্ডি |
১৪ জুন, ‘ধৗরতি
জাকাত মায়াম দান মাহা’ দিসৗ কাতে, মিৎ বার কাথাঞ আঁড়তিয়েৎ তাবোনা। জিয়ন রে নানাহুনার
কৗমি-কৗসনি তালারে ‘দান’ সে বেগর গনং তে এমঃ দ মিৎ নাপায় ,সনত্ কৗমি কানা; অনা দ যাঁহা
দান গে অচওয়াঃ সে - উপৗস-রেঁগেচ্ ইঞ জমাঃ
এম, আসরা বাং অৗনিচ্ আসরা এম, দাঃ তেতাং ইচ্ ঞুয় দাঃ এম,নিজোরিচ্ গড় সপহৎ এম, এমান
এমান। দা্ন সে বেগর গনং তে যাঁহান এমঃ মৗহিমা
রেনাঃ দ মুচৗৎ বৗনুঃ আ। এনতেরেহঁ মায়াম দান দ ঝতম খন মহত্ ,সনত্ নাপায় কৗমি কানা।
মৗনমি কোওয়াঃ নেহর আড়াং হঁ অনাতে- মায়াম দান কাতে জিউয়ি বোন বাঞ্চাও মা।
আবো দিনৗম হিলো
যাঁহা জমাঃ-ঞুওয়াঃ বোন জম-ঞুয়েদা, অনা ক কান গেয়া হড়মরে মায়াম সারসাও রেনাঃ ফেডাৎ দ।
আবোওয়াঃ হড়মরে দিনৗম দিন লৗগ্তি খনহঁ কিছু মায়াম বৗড়তি মায়াম সারসাও আর সাঞ্চাও আকান
গে তাঁহেনা আর নষ্ট হঁ নষ্ট আ। যাঁহাতিন রেগে যাঁহা অজেতেগে হড়ম খন মায়াম অডক গিডি আ উন দ হড়ম’রে তাঁহেন বৗড়তি সাঞ্চাও
মায়াম গে অনা ঘৗটতি দয় পুরুনা। হড়ম,বৗড়তি সাঞ্চাও মায়ামতে মায়াম-ঘৗটতি পুরুন রেয়াঃ
দাড়েয় আৎ লেখান উনদ হড়ম’রে বাহ্রে খন মায়াম সারভার রেনাঃ লৗগতি হোয়োঃআ। মেনখান মৗনমি-মায়াম
আতেগে মৗনমি হড়ম’রে মায়াম রেয়াঃ অ-কুলিয়ৗন
দ পুরুন গানঃআ। মায়াম অ-কুলিয়ৗন তে লহ জৗরিয়াকান মৗনমিয়াঃ যাঁহা থক্ (Group- A.
B. AB আর O) রেয়াঃ মায়াম হড়ম ভিতরি রে লিঁগিনা, অনা থক্ রেয়াঃ সুমুং মায়াম গে এমায়
গানঃআ। [নাহাঃদ অবশ্য Modern Technology বেওহার কাতে যাঁহা থক্ সে Group রেয়াঃ মায়াম
খনগে লৗগতিয়ান উপাদান ক হাতাও কাতে মায়াম এম গানঃকানা। তবে নাসেনাঃ টেঁকঝঁক্ মেনাঃ
আকাদা।
দাড়মাকাড়, সাঁওয়ার
হড়ম খন, উমের ১৮ খন ৬৫ সেরমা ভিতরি, হড়ম হামাল কম সে কম ৪৫ কেজি হোয় লেনখান যাঁহায়
গে ( আয়ো হড় কোওয়াঃ দ চাঁদ বাহা ঞেলঃ বাদ কাতে) মিৎ ধাও রে ২৫০ সিসি. মায়ামে দান দাড়েয়াঃ। নোওয়াতে হড়ম রেয়াঃ যাঁহান খুতি দ বাং
হোয়োঃআ। মিৎ হাপ্তা ভিৎ রিরেগে অনা দান মায়াম রেনাঃ ঘৗটতি দ পুরুনঃআ। মেনখান সানাম দান-মায়াম গে সাঁও সাঁওতে লৗগতিয়ান হড়াঃ হড়মরে এমঃ দ
সম্ভব বাং কানা। আর অনাতে দান মায়াম কদ মায়াম মুৗরই (Blood Bank) রে রাখা দহ রেনাঃ
লৗগতি হোয়োঃআ। অনাতায়ম বাছনাও হোয়োআ- মায়াম
রেনা; গ্রুপ আর ম্যালেরিয়ৗ, হেপাটাইসিস, সিফিলিস,এইড্স এমান আজার করেনাঃ মায়ামরে অরসং তেৎ। তায়ম সানামাঃ নাপায়, মেন মা মায়াম ম্যাচিং
হোয় লেনখান অৗনিচ, আর মিৎ মায়াম লৗগতিয়ান হড়াঃ হড়ম রে মায়াম সারভার গানঃ আ।
মায়াম দান তে
হড়ম ড়ে বাং হাসোওয়া, মায়াম দান ৪০/৪৫ মিনিট তায়ম গে আপনারাঃ অড়াঃতেম রুওয়ৗড় দাড়েয়াঃআ।
মায়াম দান লেখান ঞামঃআ জৗতিয়ৗরি চিন্হৗ আনা মিৎটেন ব্যাজ আর মায়াম দান ইচ্আঃ ঞুতুম
সাঁওতে মায়াম রেনাঃ গ্রুপ, উল্লেখ তাঁহেন মিৎটেন ক্রেডিট কার্ড বাংখান সার্টিফিকেট, লৗগ্তিয়ান রে
যাঁহা উদুঃ লেখান মিৎ সের্মা ভিতরিরে মিৎটাং ব্যাগ, মেনমা মিৎ ইউনিট মায়াম মজুত তাঁহেন
খান / ব্লাড ব্যাঙ্ক খন বেগর গনং তে ঞামঃআ অহ বোন লৗই দাড়ে কেয়া, অকয়াঃ তিনরে মায়াম
লৗগতি হোয় দাড়েয়াঃআ। ধরম সেনতে, জাত সেনতে মায়াম রেনাঃ ভেপেগেৎদ বৗনুঃ আকাদা।
তবে সৗরি কাথা
দ নোওয়া, মায়াম দান লৗগিৎ তে এটাঃ সমাজ রেন যুওয়ৗন ক লেকা দ আদিবাসী সমাজ রেন যুওয়ৗন
কদ অনকা মাছা অৗওরি বো লাহাঃ হিজুঃআ আর নোওয়া রেনাঃ অজেদ কানা মায়াম দান ইদিকাতে ঞুৎরে
তাঁহেন, মেনমা বে-বাডায় আর বতর।
.webp)
.webp)
