করোনা ভাইরাস আজার খন সনতর তাঁহে রেয়াঃ হর ডাহার

করোনা ভাইরাস আজার (COVID 19 ) দ করোনা ভাইরাস (SARS COV 2) খৗতির হুয়ু আ। আবোওয়াঃ হড়ম রে করোনা ভাইরাস বলন লেন খান করোনা আজার হুয়ুঃ আ। করোনা ভাইরাস আজার দ আজার আকান মৗনমি ঠেন খন বেশ হড় ঠেন উচৗড়ো: আ । করোনা ভাইরাস আজার আকান মৗনমি কওয়াঃ খুঃ আর আঁছিম তালা তে করোনা ভাইরাস দ বেশ হড় ঠেন উচৗড়ো আ।

করোনা ভাইরাস আজার আকান মৗনমি কওয়াঃ খুঃ আর আঁছিম তালা তে করোনা ভাইরাস হানডে নানডে ক আপ্ ও আ । আর অনকা হানডে নানডে আপ্ আকান করোনা ভাইরাস ক জটেদ লেখান ভাইরাস আবওয়াঃ হড়ম রে লাঠা আ , আর আবওয়াঃ হড়ম রে লাঠা আকান অনা ভাইরাস আবওয়াঃ মেৎ মু মচা রে বলন লেন খান করোনা ভাইরাস আজার হুয়ু আ।

করোনা ভাইরাস আজার রেয়াঃ ঠিক লেকা রান মুরগৗন নিত্ হঁ বাং পাঁজা ঞাম আকানা। করোনা ভাইরাস আজার আবো কোওয়াঃ আলো হুয়ুঃ তাবন মা অনা গে কুরুমুটু লাগাও বনা। সাবান আতে 40 সেকেন্ড তি জাঙগা হড়ম ভাগে ঠিক ঘাসাও কাতে দাঃ তে আবুক লেখান তি জাঙগা হড়ম রে লাঠা আকান করোনা ভাইরাস ক গুজু আ। 60% খন জৗসতি এলকোহল মেনা আ অনকা হ্যানড স্যানিটাইজার তে জদ্ লেখান তি, কলম , মোবাইল ফোন রে লাঠা আকান করোনা ভাইরাস ক গুজু আ। লুগড়িচ্ ক জমাঃ ক সেঁগেল রে হেডেচ্ লেখান অনাকরে লাঠা আকান করোনা ভাইরাস ক গুজু আ।

দিসৗ দহয় মা বন -

1) লৗগতি বাং তাঁহে রে অড়াঃ বাহরে রে আল বন দাঁড়ান মা ।

2) অড়াঃ খন ওডোক লৗগতি হুয় লেন খান -

(ক) মাস্ক ( জালাম) তে মু মচা ভাগে ঠিক বেদ্ হুয়ু আ । মাস্ক হরঃ তায়ম মাস্ক রেয়াঃ সামাং সেচ্ আল বন জটেদ্ মা । সাঁহেদ খৗতির মাস্ক রেয়াঃ সামাং রে বাং ঞেলো আ অনকা অৗডি লেকানাঃ অজরা ঝৗলি আ।

(খ) অড়াঃ বাহরে হড় ক খন 2 মিটার ফারাক রে বন তাঁহেন মা ।

(গ) সাবান আতে তি বাং সাফা কাতে মেৎ, মু, মচা আল বন জটেদ মা ।

(ঘ) আবো সাঁও তে হ্যানড স্যানিটাইজার বন দহয় মা । সাবান আতে তি সাফা বাং ঞামঃ রে হ্যানড

স্যানিটাইজার আতে তি ঘাসাও কাতে তি সাফা গানো আ । মেনখান সাবান আর দাঃ আতে তি আবুকঃ গে যত খন নাপায় । কৗউডি হাতাও কাতে দহ তায়ম তি সাফা লৗগতি । মোবাইল ফোন সাব লাহা তি সাফা লৗগতি।

(ঙ) অড়াঃ বাহরে রে যাঁহা নাঃ বাং জম গে নাপায় ।

3. বাহরে খন রুওয়ৗড় কাতে অড়াঃ বলন লাহা-

(ক) তি জাঙগা সাবান আতে ভাগে ঠিক আবুকঃ হুয়ু আ । সাবান অজঃ কাতে তুপু লেখান অৗডি গে নাপায় ।

(খ) যাঁহা লুগড়িচ্ আর পৗনাহি হরঃ কাতে বাহরে বন সেন লেনা অনা ক ডিটারজেন্ট দাঃ তে সাফা হুয়ু আ। কুলুপ খৗড়ি উরমাল চশমা ক দ ডিটারজেন্ট দাঃ তে সাফা হুয়ু আ ।

(গ) তি জাঙগা আবুকঃ সে তুপু তায়ম সাফাসৗফি লুগড়িচ্ তে পালাটঃ হুয়ু আ ।

(ঘ) মোবাইল ফোন হ্যানড স্যানিটাইজার আতে জদ্ সাফা লৗগতি ।

(4) (ক) গিডি আকান থু খন আজার পাসনাও দাড়ে য়া আ । খৈনি , গুটখা দক্তা, জর্দা, গুড়াখু রেয়াঃ থু খন আজার পাসনাও দাড়ে য়া আ ।

(খ) মিৎটাং চুটি গে হৗটিং কাতে ঞু লেখান আজার পাসনাও দাড়ে য়া আ ।

(5) (ক) জম লাহা সাবান আতে তি আবুকঃ লৗগতি ।

(খ) ইসিন এহব লাহা সাবান আতে তি আবুকঃ লৗগতি ।

(গ) জমাঃ ক লু লাহা সাবান আতে তি আবুকঃ লৗগতি ।

(ঘ) দাঃ এম লাহা সাবান আতে তি আবুকঃ লৗগতি ।

(ঙ) দাঃ সেচ্ আবুকঃ তায়ম সাবান আতে তি আবুকঃ লৗগতি ।

( 6) আপনার অড়াঃ হড় ঠেন গে উপ্ গেৎ অচো লেখান গে যত খন নাপায় ।

আপনারাঃ দৗড়ি আপনার গে হয়ঃ লেখান গে যত খন নাপায় ।

হাপতা রে মিৎ ধাও রামা গেদঃ লৗগতি ।

(7) পুখরি গাডা ডভাঃ ক রে আঁড়গ কাতে দাঃ সেচ্ আবুকঃ বাং ঠিক কৗমি । নানা হুনৗর আজার পাসনাও দাড়ে য়া: আ । অড়াঃ রে গে দাঃ সেচ্ অড়াঃ (শৌচাগার) বেনাও কাতে অঁডে গে দাঃ সেচ্ গে যত খন নাপায়।

আবওয়াঃ লৗড়হৗই দ আজার সাঁও । আজার আকান মৗনমি আর উনকু অড়াঃ হড় সাঁও দ বাং। COVID 19 আজার আকান মৗনমি চেতান নাহাচার দ বাং ঠিক কৗমি । আপনার সনতর তাঁহে কাতে COVID 19 আজার আকান হড় গড় আকো হুয়ু আ , আজার খন বেশঃ লৗগিৎ তে । অকো বাড়ায় হাপেন দিন রে ইঞ আম হঁ লাং অতা অচো দাড়েয়াআঃ COVID 19 আজার ঠেন ।

দেলা - আব হঁ বন সনতরঃ মা।

আব রেন আপনার হড় , আতু হড় , সাঁওতা হড় ক হঁ বন সনতর ক মা ।

……উছৗন রে…….

ওয়েস্ট বেঙ্গল আদিবাসী ডক্টরস এসোসিয়েশন । পুরুলিয়া চাঁগা ।