“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
১।।
ᱠᱚᱨᱚᱱᱟ
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱫᱤᱞᱟᱹᱭ ᱫᱤᱞᱟᱹᱭ ᱫᱤᱞᱟᱹᱭ
ᱦᱩᱭᱩᱜ ᱠᱟᱱᱟᱭ ᱞᱟᱹᱞᱟᱹᱭ
ᱟᱸᱡᱚᱢ ᱯᱮᱥᱮ ᱦᱟᱯᱮ
ᱟᱯᱮ ᱠᱮᱱᱮ ᱠᱚᱛᱮ
ᱠᱳᱵᱷᱤᱰ ᱠᱷᱟᱹᱛᱤᱨ ᱯᱟᱛᱟ
ᱵᱚᱸᱫᱚᱜ ᱟᱨᱟᱜ ᱪᱷᱟᱛᱟ
ᱢᱮᱫ ᱢᱚᱪᱟ ᱵᱮᱵᱮᱫᱽ
ᱞᱩᱛᱩᱨ ᱨᱮᱭᱮᱢ ᱨᱮᱵᱮᱫᱽ
ᱧᱟᱧᱟᱢ ᱟᱡᱟᱨ ᱠᱚᱨᱚᱱᱟ
ᱮᱠᱟᱞ ᱵᱟᱭᱮᱢ ᱯᱷᱟᱨᱱᱟᱜ ᱿
ᱦᱩᱭᱩᱜ ᱠᱟᱱᱟᱭ ᱞᱟᱹᱞᱟᱹᱭ
ᱟᱸᱡᱚᱢ ᱯᱮᱥᱮ ᱦᱟᱯᱮ
ᱟᱯᱮ ᱠᱮᱱᱮ ᱠᱚᱛᱮ
ᱠᱳᱵᱷᱤᱰ ᱠᱷᱟᱹᱛᱤᱨ ᱯᱟᱛᱟ
ᱵᱚᱸᱫᱚᱜ ᱟᱨᱟᱜ ᱪᱷᱟᱛᱟ
ᱢᱮᱫ ᱢᱚᱪᱟ ᱵᱮᱵᱮᱫᱽ
ᱞᱩᱛᱩᱨ ᱨᱮᱭᱮᱢ ᱨᱮᱵᱮᱫᱽ
ᱧᱟᱧᱟᱢ ᱟᱡᱟᱨ ᱠᱚᱨᱚᱱᱟ
ᱮᱠᱟᱞ ᱵᱟᱭᱮᱢ ᱯᱷᱟᱨᱱᱟᱜ ᱿
᱿᱿====== ᱛ ======᱿᱿
২।।
ᱪ ᱮᱬ ᱮ ᱠᱚ
ᱜᱳᱯᱮᱥᱣᱚᱨ ᱢᱟᱱᱰᱤ
ᱟᱞᱮ ᱵᱟᱲᱜᱮ ᱫᱟᱨᱮ ᱨᱮ
ᱥᱮᱛᱟᱜ ᱛᱚᱨᱟ ᱪᱮᱬᱮ ᱠᱚ
ᱦᱚᱢᱚᱨ ᱟᱲᱟᱝ ᱫᱤᱱᱳᱢ ᱾
ᱥᱮᱛᱟᱜ ᱛᱚᱨᱟ ᱪᱮᱬᱮ ᱠᱚ
ᱦᱚᱢᱚᱨ ᱟᱲᱟᱝ ᱫᱤᱱᱳᱢ ᱾
ᱟᱴᱮᱫ ᱨᱮᱜᱤᱧ ᱡᱟ.ᱯᱤᱫ ᱛᱟᱸᱦᱮᱱ
ᱵᱮᱲᱟ ᱱᱟᱥᱮ ᱨᱟᱠᱟᱵ ᱛᱮᱜᱮ
ᱦᱚᱦᱚ ᱵᱮᱨᱮᱫ ᱟᱠᱚ ᱾
ᱵᱮᱲᱟ ᱱᱟᱥᱮ ᱨᱟᱠᱟᱵ ᱛᱮᱜᱮ
ᱦᱚᱦᱚ ᱵᱮᱨᱮᱫ ᱟᱠᱚ ᱾
ᱢᱤᱛᱟ.ᱧ ᱟᱠᱚ ᱵᱮᱨᱮᱫ ᱢᱮ
ᱵᱮᱲᱟᱭ ᱨᱟᱠᱟᱵ ᱟᱠᱟᱱ
ᱟᱵ ᱦᱩᱛᱩᱢᱚᱜ ᱢᱮ ᱾
ᱵᱮᱲᱟᱭ ᱨᱟᱠᱟᱵ ᱟᱠᱟᱱ
ᱟᱵ ᱦᱩᱛᱩᱢᱚᱜ ᱢᱮ ᱾
ᱥᱤᱸᱜᱮ ᱢᱟᱦᱟ ᱦᱤᱞᱳᱜ ᱪᱷᱩᱴᱤ
ᱮᱠᱟᱞ ᱵᱟᱝ ᱠᱚ ᱵᱩᱡᱽ
ᱦᱚᱦᱚ ᱮᱵᱷᱮᱱ ᱟᱠᱚ ᱾
ᱮᱠᱟᱞ ᱵᱟᱝ ᱠᱚ ᱵᱩᱡᱽ
ᱦᱚᱦᱚ ᱮᱵᱷᱮᱱ ᱟᱠᱚ ᱾
ᱟᱫᱚ ᱞᱚᱜᱚᱱ ᱤᱧ ᱵᱮᱨᱮᱫ
ᱟᱵ ᱦᱩᱛᱩᱢ ᱜᱚᱫ ᱠᱟᱛᱮ
ᱚᱞᱚᱜ ᱤᱧ ᱫᱩᱲᱩᱵ ᱾
ᱟᱵ ᱦᱩᱛᱩᱢ ᱜᱚᱫ ᱠᱟᱛᱮ
ᱚᱞᱚᱜ ᱤᱧ ᱫᱩᱲᱩᱵ ᱾
᱿᱿====== ᱛ
======᱿᱿
৩।।
ᱦ ᱚᱲᱚ ᱦ ᱚᱲᱚ ᱠᱟ ᱢᱤ
ᱨᱟᱢᱞᱟᱞ
ᱴᱩᱰᱩ
ᱚᱞᱚᱜ ᱟᱭ
ᱚᱞᱼᱮ ᱯᱩᱛᱷᱤ
ᱪᱟᱸᱫᱽᱨᱟᱭ ᱾ ᱫᱟᱥᱚᱨᱚᱛᱷᱤ ᱾
ᱜᱩᱯᱤᱭᱟᱭ ᱡᱳᱞᱼᱮ ᱵᱟᱹᱛᱤ
ᱥᱟᱜᱽᱨᱟᱭ ᱿ ᱫᱷᱚᱱᱚᱯᱚᱛᱤ ᱾᱾
ᱪᱟᱸᱫᱽᱨᱟᱭ ᱾ ᱫᱟᱥᱚᱨᱚᱛᱷᱤ ᱾
ᱜᱩᱯᱤᱭᱟᱭ ᱡᱳᱞᱼᱮ ᱵᱟᱹᱛᱤ
ᱥᱟᱜᱽᱨᱟᱭ ᱿ ᱫᱷᱚᱱᱚᱯᱚᱛᱤ ᱾᱾
ᱥᱤᱭᱳᱜ ᱟᱭ
ᱤᱨᱼᱮ ᱜᱷᱟᱸᱥ
ᱫᱷᱟᱱᱨᱟᱭ ᱾ ᱨᱟᱢᱫᱟᱥ ᱾
ᱟᱯᱷᱚᱨᱟᱭ ᱫᱟᱹᱞᱼᱮ ᱪᱟᱥ
ᱵᱷᱚᱡᱽᱨᱟᱭ ᱿ ᱥᱤᱵᱽᱫᱟᱥ ᱿
ᱫᱷᱟᱱᱨᱟᱭ ᱾ ᱨᱟᱢᱫᱟᱥ ᱾
ᱟᱯᱷᱚᱨᱟᱭ ᱫᱟᱹᱞᱼᱮ ᱪᱟᱥ
ᱵᱷᱚᱡᱽᱨᱟᱭ ᱿ ᱥᱤᱵᱽᱫᱟᱥ ᱿
ᱛᱩᱲᱤᱭ ᱫᱟᱞ
ᱧᱟᱢᱮ ᱵᱟᱛ
ᱦᱤᱯᱤᱞᱟᱞ ᱾ ᱡᱟᱹᱫᱩᱱᱟᱛ ᱾
ᱡᱟᱺᱲᱤᱭ ᱪᱷᱟᱞ ᱡᱩᱛᱼᱮ ᱠᱟᱸᱛ
ᱦᱟᱹᱵᱩᱞᱟᱞ ᱿ ᱨᱟᱹᱜᱷᱩᱱᱟᱛ ᱿
ᱦᱤᱯᱤᱞᱟᱞ ᱾ ᱡᱟᱹᱫᱩᱱᱟᱛ ᱾
ᱡᱟᱺᱲᱤᱭ ᱪᱷᱟᱞ ᱡᱩᱛᱼᱮ ᱠᱟᱸᱛ
ᱦᱟᱹᱵᱩᱞᱟᱞ ᱿ ᱨᱟᱹᱜᱷᱩᱱᱟᱛ ᱿
ᱦᱚᱨᱼᱮ ᱞᱟᱹᱭ
ᱨᱤᱫᱽᱼᱮ ᱨᱟᱱ
ᱦᱩᱞᱥᱟᱹᱭ ᱾ ᱴᱤᱠᱟᱹᱨᱟᱢ ᱾
ᱮᱢᱼᱮ ᱨᱟᱹᱭ ᱫᱷᱚᱱᱼᱮ ᱫᱟᱱ
ᱡᱤᱛᱨᱟᱹᱭ ᱿ ᱛᱷᱟᱹᱛᱩᱨᱟᱢ ᱿
ᱦᱩᱞᱥᱟᱹᱭ ᱾ ᱴᱤᱠᱟᱹᱨᱟᱢ ᱾
ᱮᱢᱼᱮ ᱨᱟᱹᱭ ᱫᱷᱚᱱᱼᱮ ᱫᱟᱱ
ᱡᱤᱛᱨᱟᱹᱭ ᱿ ᱛᱷᱟᱹᱛᱩᱨᱟᱢ ᱿
᱿᱿====== ᱛ ======᱿᱿
ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (᱑᱓)
ᱥᱨᱤᱠᱟᱱᱛᱚ ᱥᱚᱨᱮᱱ
ᱥᱮᱛᱟᱜ-ᱥᱮᱛᱟᱜ ᱮᱵᱷᱮᱱᱚᱜ ᱢᱮ᱾ ᱥᱮᱛᱟᱜ ᱨᱮ ᱥᱤᱧ ᱪᱟᱸᱫᱳ
ᱫᱤᱱᱟ.ᱢ ᱡᱚᱦᱟᱨ ᱟᱭ ᱢᱮ᱾ ᱟᱭᱳ-ᱵᱟᱵᱟ ᱦᱚ ᱡᱚᱦᱟᱨ ᱟ.ᱠᱤᱱ ᱢᱮ᱾ ᱚᱲᱟᱜ-ᱫᱩᱭᱟ.ᱨ ,ᱨᱟᱪᱟ ᱥᱟᱱᱟᱢᱟᱜ ᱥᱟᱯᱷᱟ
ᱵᱚᱱ ᱫᱚᱦᱚᱭᱟ᱾ ᱜᱩᱨᱤᱡ ᱢᱟᱸᱫᱮ ᱫᱚ ᱚᱲᱟᱜ ᱥᱳᱨ ᱨᱮ ᱵᱟᱝ ᱵᱚᱱ ᱫᱚᱦᱚᱭᱟ᱾ ᱚᱲᱟᱜ ᱼᱫᱩᱭᱟ.ᱨ, ᱵᱟᱲᱜᱮ ᱱᱚᱣᱟ
ᱠᱚᱦᱚ ᱥᱟᱯᱷᱟ ᱫᱚᱦᱚ ᱞᱟ.ᱜᱛᱤ ᱠᱟᱱᱟ᱾ ᱦᱚᱲᱢᱚ ᱠᱚᱦᱚ ᱥᱟᱯᱷᱟ ᱵᱚᱱ ᱫᱚᱦᱚᱭᱟ᱾ ᱥᱟᱯᱷᱟ ᱛᱟᱸᱦᱮ ᱞᱮᱱ ᱠᱷᱟᱱ,
ᱟᱡᱟᱨ ᱠᱚ ᱵᱟᱝ ᱧᱟᱧᱟᱢᱟ᱾
ᱥᱮᱛᱟᱜ ᱨᱮ ᱯᱟᱲᱦᱟᱜ ᱫᱩᱲᱩᱵ ᱢᱮ᱾ ᱢᱤᱫ ᱢᱚᱱᱮᱛᱮᱢ ᱯᱟᱲᱦᱟᱣ ᱞᱮᱱ
ᱠᱷᱟᱱ,ᱫᱤᱥᱟ. ᱛᱟᱸᱦᱮᱱᱟ᱾ ᱯᱟᱲᱦᱟᱣ ᱥᱟᱶᱛᱮ ᱚᱞᱦᱚ ᱚᱞ ᱢᱮ᱾ ᱮᱲᱮ ᱠᱟᱛᱷᱟ ᱟᱞᱚᱢ ᱞᱟᱹᱭ ᱻᱟ᱾ ᱮᱲᱮ ᱠᱟᱛᱷᱟᱢ
ᱞᱟᱹᱭ. ᱞᱮᱠᱟᱱ,ᱪᱟᱸᱫᱳ ᱵᱚᱸᱜᱟ ᱵᱟᱭ ᱤᱠᱟ. ᱢᱮᱭᱟ᱾ ᱟᱭᱳ-ᱵᱟᱵᱟᱭᱟᱜ ᱠᱟᱛᱷᱟ ᱟᱸᱡᱚᱢ ᱢᱮ᱾ ᱢᱟᱪᱮᱫ ᱠᱚᱭᱟᱜ
ᱠᱟᱛᱷᱟ ᱞᱮᱠᱟᱛᱮ ᱯᱟᱲᱦᱟᱜ ᱢᱮ᱾ ᱟᱛᱳᱨᱮᱱ ᱥᱟᱱᱟᱢ ᱦᱚᱲᱥᱟᱶ ᱱᱟᱯᱟᱭ ᱥᱟ.ᱜᱟ.ᱭ ᱫᱚᱦᱚᱭ ᱢᱮ᱾ ᱢᱟᱡᱟᱱ ᱵᱮᱲᱟ
ᱰᱟ.ᱦᱤ ᱨᱮ ᱵᱚᱞ ᱠᱷᱮᱞ ᱢᱮ᱾ ᱵᱚᱞ ᱠᱷᱮᱞ ᱞᱮᱠᱷᱟᱱ, ᱦᱚᱲᱢᱚ, ᱛᱤ , ᱡᱟᱸᱜᱟ ᱯᱷᱟᱨᱱᱟᱻᱟ᱾ ᱦᱚᱲᱢᱚ ᱨᱮ
ᱫᱟᱲᱮ ᱥᱟᱨᱥᱟᱜ ᱻᱟ᱾ ᱚᱠᱛᱚ ᱨᱮ ᱡᱚᱢ- ᱧᱩ ᱞᱮᱠᱷᱟᱱ ᱱᱟᱯᱟᱭ ᱦᱚᱲᱢᱚ ᱜᱚᱦᱚᱱᱚᱜᱻᱟ᱾ ᱦᱚᱲᱢᱚ ᱱᱟᱯᱟᱭ ᱛᱟᱸᱦᱮ
ᱞᱮᱱ ᱠᱷᱟᱱ, ᱠᱟ.ᱢᱤ ᱨᱮ ᱢᱚᱱᱮ ᱜᱟ.ᱰᱭᱟ.ᱜᱻᱟ᱾
(ᱛᱳᱜᱮ ᱻᱟ...)
᱿᱿====== ᱛ
======᱿᱿
ভুচুং
সারি ধরম হাঁসদা
কালহা কুচুং অৗলসৗ ভুচুং
পানতে গিতিচ কাটা।
হড়ম মাতায় অঁজরা গেতায়
বহঃ পেরেজ জাটা।
পানতে গিতিচ কাটা।
হড়ম মাতায় অঁজরা গেতায়
বহঃ পেরেজ জাটা।
দুড়ুব কঃ আয়
পৗড়হৗ গঁসায়
উসুল পিঁডৗয় চেডেয়।
ঝারনা ডৗডি লেওডা গিডি
ফারচা দাঃ এ বডেয়।
উসুল পিঁডৗয় চেডেয়।
ঝারনা ডৗডি লেওডা গিডি
ফারচা দাঃ এ বডেয়।
হাঁডেন কাথা
নাডেয় জুতা
পসরা পৗসির অকতা।
অনাতে এনহঁ চেৎ কৗমিহঁ
বাংগে তিঁগুন পকতা।
পসরা পৗসির অকতা।
অনাতে এনহঁ চেৎ কৗমিহঁ
বাংগে তিঁগুন পকতা।
হড়মা বাক কুসিঃ।
তিসরে বাচয় বৗডিজ রেঁহয়
আজগে হানেয় দুসিঃ।
আতো ডিরে
ঞুম ভেগারে
হড় ক মেতায় ভুচুং।
আরহঁ সাসেৎ সামাং আয় ক
তি মকাতে উচুং।
হড় ক মেতায় ভুচুং।
আরহঁ সাসেৎ সামাং আয় ক
তি মকাতে উচুং।
᱿᱿====== ᱛ
======᱿᱿
চাষ কৗমি
গাতে টুওয়ৗর
মিৎ জড় কাটকম
নুকিন গে দামকম
পারকম দ আড়গম
আড়ে হঁ কিন সাড়গম ।
নুকিন গে দামকম
পারকম দ আড়গম
আড়ে হঁ কিন সাড়গম ।
তয়ো মামায় সিয়ঃ
দাকাগে বায় বিয়ঃ
নাহেলগে বাং বৗয়ঃ
মারাং চৗষিয় লৗয়ঃ ।
দাকাগে বায় বিয়ঃ
নাহেলগে বাং বৗয়ঃ
মারাং চৗষিয় লৗয়ঃ ।
চাষ কৗমি সারাদিন
পুসি এরা কৗমিন
বৗইহৗড়রে দাঃ লিঁগিন
দাকায় ইদি তিকিন ।
পুসি এরা কৗমিন
বৗইহৗড়রে দাঃ লিঁগিন
দাকায় ইদি তিকিন ।
ঘামাঘৗমি চাষ কৗমি
বাং ঢং আয় কঁঃ মৗমি
বাকিন গড় ঢেংকা চৗমি
চিকৗ রাকাব চাষ কৗমি ?
বাং ঢং আয় কঁঃ মৗমি
বাকিন গড় ঢেংকা চৗমি
চিকৗ রাকাব চাষ কৗমি ?
᱿᱿====== ᱛ ======᱿᱿
কৗমিহড়
বাড়তাঙ সরেন
তালা বৗইহৗড় লল সিতুং
খেত হাসা দ তেয়ার কাতে
রহয় হোড়ো থার থার।
খেত হাসা দ তেয়ার কাতে
রহয় হোড়ো থার থার।
জৗপুৎ জৗড়ি বাচম দিশৗয়
বাম বতরাঃ হুডুর
লসৎ রেগেম জবে কঃআ
রেয়াড় লুকুর লুকুর ।
বাম বতরাঃ হুডুর
লসৎ রেগেম জবে কঃআ
রেয়াড় লুকুর লুকুর ।
কৗমি দুলৗড় হিড়িঞ কাঃ আম
সানাম রেঙ্গেচ তেতাং
রৗস্কৗ মনে উড়ুচ সুপুচ
বাম দিশৗয়া রাবাং।
সানাম রেঙ্গেচ তেতাং
রৗস্কৗ মনে উড়ুচ সুপুচ
বাম দিশৗয়া রাবাং।
এর আফরাম বছর বছর
সোনা হোড়ো লৗগিৎ
ঘারঞ্জ তালা আনেচ ধানেচ
তিরপিত মনেম জৗপিৎ।
সোনা হোড়ো লৗগিৎ
ঘারঞ্জ তালা আনেচ ধানেচ
তিরপিত মনেম জৗপিৎ।
বাম দহয়া মনে
চেটের ঞুরুঃ দুড়ুম দুড়ুম
কৗমিরেগে হানে ।
হয়দ হালায় হালায়
ধৗরতী তালা দিশম লৗগিৎ
জিউয়ী দয়েম আলায় !
᱿᱿====== ᱛ
======᱿᱿
মিদ্ ডরজন মিদ্ টাঙ বৗউলী
সেঁগেলমারমার
1. সেবেচ্ সেবেচ্ দাগ্
রটে চাগ্ এ রাগ্
উদে কানায় বিঞ
তিকিন তারাসিঞ।
রটে চাগ্ এ রাগ্
উদে কানায় বিঞ
তিকিন তারাসিঞ।
দমেয় আড়ি
ঝিপির ঝিপির ঝাগ্
বাবু সনা
দমেয় দন্আ
চৗড়ুব চৗড়ুব চাগ্।
তায়াঙ মাগাড় তায়াঙ
লাকব কোওয়াম জিয়ৗলিক
উদ্ তাকোওয়াম মায়াঙ।
অকা খনেম হিজূগ্
দৗড় হদ্ মে চাঁড়তে
বাঙ খানেম গুজুগ্।
5. এঁগাঞ তিঞদ আডি মজ
মেটাও তিঞৗয় সানাম খজ
চগ্ চেরেচতেয় দুলৗড় ইঞা
রাগ্ লেখান দয় হবর কাঞা।
মেটাও তিঞৗয় সানাম খজ
চগ্ চেরেচতেয় দুলৗড় ইঞা
রাগ্ লেখান দয় হবর কাঞা।
6. কৗটিচ্ কৗটিচ্ মৗই বাবু
বাহাকক সিদ্ আ
বাড়গে কচা করে
পহাকক বিদ্ আ।
বাহাকক সিদ্ আ
বাড়গে কচা করে
পহাকক বিদ্ আ।
7.
চাঁদু মামা চাঁদু মামা
দেন তওয়া দাকা
আলে বাবুয় জম্ গদ্ আ
বাঙক মেতায় বকা।
দেন তওয়া দাকা
আলে বাবুয় জম্ গদ্ আ
বাঙক মেতায় বকা।
8.
হেরমেদ্ কাতেদ্ ঠিলি
অকাম চালাঃ হিলি
তায়ম তায়ম চিলি
পাঁজায়েদ্ মেয়ায় ভুলি।
অকাম চালাঃ হিলি
তায়ম তায়ম চিলি
পাঁজায়েদ্ মেয়ায় ভুলি।
9.
কুটকুট বিস্কুট
জম্ আয় বাবু
গিডিয়ায় হরলিক্স
বেচ্ কাঃ আয় সাবু।
জম্ আয় বাবু
গিডিয়ায় হরলিক্স
বেচ্ কাঃ আয় সাবু।
10. ঠুড়কি তাকোরেন সিম সাঁডি
তৗসিল গেয়ায় আডি
তবাগ্ তবাগ্ কডচ্ কেদায়
মিদ্ টুকুচ্ মাডি।
তৗসিল গেয়ায় আডি
তবাগ্ তবাগ্ কডচ্ কেদায়
মিদ্ টুকুচ্ মাডি।
11. হাতম অড়াগ্ রেদ
আডি দুলৗড় যতন
জিলকুটি হাকুকুটি
তিনৗঃ মনের মতন।
আডি দুলৗড় যতন
জিলকুটি হাকুকুটি
তিনৗঃ মনের মতন।
12. দেলা দেলা মিরু চেঁড়ে
আলে অড়াঃ
সনাবাবুয় এনেচ্ জঙ আ
আম সালাঃ।
আলে অড়াঃ
সনাবাবুয় এনেচ্ জঙ আ
আম সালাঃ।
13. কাড়ুঙ ডাবুঙ আগ্ বাপলা
সিকড়িচ্ দঙক এনেচ কান
চেরচেটেচ্ মা চেটে চেটে
হাহাল এ ধুরৗও আকান।
সিকড়িচ্ দঙক এনেচ কান
চেরচেটেচ্ মা চেটে চেটে
হাহাল এ ধুরৗও আকান।
᱿᱿====== ᱛ ======᱿᱿
বাচক
সুচাঁদ হাঁসদা
মানাও
গুনৗও
কম
বাবু
,
লৗটু কৗটিচ সেঁড়া ৷
লৗই আকোমে ঝঁড়ে ঝাবু ,
এড়ে বাকো রড়া ৷
লৗটু কৗটিচ সেঁড়া ৷
লৗই আকোমে ঝঁড়ে ঝাবু ,
এড়ে বাকো রড়া ৷
বাকো
সেঁড়ায় ওকো
কুঁমড়ু ,
লৗই আয়মে দৗড়ূ ৷
বাকো লৗয়ৗ কাথাহঁ এড়ে ,
লৗই আয়মে ঝঁড়ে ৷
লৗই আয়মে দৗড়ূ ৷
বাকো লৗয়ৗ কাথাহঁ এড়ে ,
লৗই আয়মে ঝঁড়ে ৷
বাকো
ঞুয়ৗ
বিড়ি
চুটি
,
লঃ আম বাংখান লুটি ৷
এ বাবু দুলৗড় ভুটি ,
হড়ম নাসাঃ খাঁটি ৷
লঃ আম বাংখান লুটি ৷
এ বাবু দুলৗড় ভুটি ,
হড়ম নাসাঃ খাঁটি ৷
বৗড়িচ আঃদ
আল
আতাম
,
আমরে খনেম অচক ৷
নওয়া কগে নিয়ৗ বেড়া ,
আম ঠেনদ বাচক ৷
আমরে খনেম অচক ৷
নওয়া কগে নিয়ৗ বেড়া ,
আম ঠেনদ বাচক ৷
᱿᱿====== ᱛ
======᱿᱿
খিকড়ি
দুগাই টুডু
আডি মারাং ঝুড়গে আদ
ঞেলগে ঞামঃ কানা,
অনা রেগে মিৎ টাং খিকড়ি
বলে হেনায় আনা।
ঞেলগে ঞামঃ কানা,
অনা রেগে মিৎ টাং খিকড়ি
বলে হেনায় আনা।
হাঁডে নাডে জমে পাঁজায়
ডঁঢর করে অকা,
মিৎগে দিনে সোরগে এনা
একাল আতো নাখা।
ডঁঢর করে অকা,
মিৎগে দিনে সোরগে এনা
একাল আতো নাখা।
চিকৗ তেকো
ঞামগে কেদি
অঁডে আয়মা সেতা,
বোগে তেদো লাগায় ইদি
ঢুমবৗ আতে গোটা।
অঁডে আয়মা সেতা,
বোগে তেদো লাগায় ইদি
ঢুমবৗ আতে গোটা।
অনে গেদ দৗড়গে কেদা
বতর জালা তেমা,
দমে গেয়ে চিডির এদা
কুদৗও বাড়া রেমা।
বতর জালা তেমা,
দমে গেয়ে চিডির এদা
কুদৗও বাড়া রেমা।
হানে উনি গাজাড় রেগে
এনায় হৗনি ওকো
মলং ভালে বাঞ্চাও এনা
সুঁদুচ্ কাতে চোকো।
এনায় হৗনি ওকো
মলং ভালে বাঞ্চাও এনা
সুঁদুচ্ কাতে চোকো।
᱿᱿====== ᱛ ======᱿᱿
আলেরেন হাড়াম বুডহি
সনাতন
টুডু
হলা সেতাঃ গড়ম বুডহি
হাড়ামে এগের লেদে,
বাড়গে রেনাঃ ঝত মৗরিচ
হাড়ামে এগের লেদে,
বাড়গে রেনাঃ ঝত মৗরিচ
রৗগি খনাঃ হাড়ামাঃ মা
বুডহি নঁতে আকপাকাওয়েন
চেদ্-এ আগু আয়া।
বুডহি নঁতে আকপাকাওয়েন
চেদ্-এ আগু আয়া।
সুজুগ বুঝৗও কাতেদ্ হাড়াম
পৗরুয়ৗ ছৗড়িজ্ বাং মারকতঃ
পৗরুয়ৗ ছৗড়িজ্ বাং মারকতঃ
বুডহি আদ চেৎ-এ চিকৗয়
রৗগি আড়িস বৗগি কাতেদ্
রৗগি আড়িস বৗগি কাতেদ্
᱿᱿====== ᱛ ======᱿᱿
সুলুক সৗগৗই
কানন হাঁসদা
ঝিপির দাঃ এ জৗড়ি
ললোঃললোঃসড়েদাকা
পুঁঠি হাকো লাদ !
ললোঃললোঃসড়েদাকা
পুঁঠি হাকো লাদ !
আমড়া কটেচ ! সিরৗসরঃ
সিড়ুব ঠাঃ ঠাঃ
চাপু জুড়ু বৗনু রেহঃ
চেদাঃ, এম রাঃ !
সিড়ুব ঠাঃ ঠাঃ
চাপু জুড়ু বৗনু রেহঃ
চেদাঃ, এম রাঃ !
হাড়ামবা দই ককয় কানা
দেন গড়ম ,জুটিচ
গড়া দুয়ৗর ,ঝিচ গেয়া
ভিডি বুদৗই উটিচ !
দেন গড়ম ,জুটিচ
গড়া দুয়ৗর ,ঝিচ গেয়া
ভিডি বুদৗই উটিচ !
গাড়দা —গুড়দৗ হাড়ামবা দোয়
সেন্দেরা কানাই ঠেঙা
বানচাও ইঞ পে ,বানচাও ইঞ পে
জোহার চাঁদো বোঙা !
সেন্দেরা কানাই ঠেঙা
বানচাও ইঞ পে ,বানচাও ইঞ পে
জোহার চাঁদো বোঙা !
আমড়া ঠৗবু ,সিড়ুব খৗতির
লান্ডরিরে ঢাং এ না
গড়ম কুড়ি ,গড়ম কুড়ি দাঃ
দেন সে ,এ_____না!
লান্ডরিরে ঢাং এ না
গড়ম কুড়ি ,গড়ম কুড়ি দাঃ
দেন সে ,এ_____না!
দাঃ এ য়ুই ,ঢকচ ঢকচ
লাজরে আমড়া ঠৗবু
সড়ম দ সড়ম গে___য়া ,মেনখান
গাপা গে থুড়ৗ ! কৗবু !
লাজরে আমড়া ঠৗবু
সড়ম দ সড়ম গে___য়া ,মেনখান
গাপা গে থুড়ৗ ! কৗবু !
গড়ম বুডিই ফুগড়া গিয়াই
রড় দ হয়ং খৗলি
মিৎ এম মেতাই ,মিত এ আজম
লুতুর তায় মা কৗলি !
রড় দ হয়ং খৗলি
মিৎ এম মেতাই ,মিত এ আজম
লুতুর তায় মা কৗলি !
রাঙ্গাও তায় মা,সেঙ্গেল মারমার
দৗড়ি ! কুককু ডুবুড়
গড়ম সৗগৗই, সিকিড় বিকিড়
আলো পে হিজু সুর !
দৗড়ি ! কুককু ডুবুড়
গড়ম সৗগৗই, সিকিড় বিকিড়
আলো পে হিজু সুর !
জৗড়ি দাঃ এ আসুড় কেদায়
লল চুলহৗ আড়িচ
এগের দাল ,সৗগৗই মিনাঃ
আলোঃ মনেম বৗড়িচ ।
লল চুলহৗ আড়িচ
এগের দাল ,সৗগৗই মিনাঃ
আলোঃ মনেম বৗড়িচ ।
᱿᱿====== ᱛ
======᱿᱿
ডডে
কিস্কিন্ধ্যা মুরমু
সেতাঃ তরা জাপাঃ
জেরেৎ
সৗঁজি খন লাহায় বেরেৎ ;
কিতৗ হহ বেরেৎ এ কিয়ৗ
সেতাঃ খনগে খেলঃ হিনৗনিয়ৗ ।
সৗঁজি খন লাহায় বেরেৎ ;
কিতৗ হহ বেরেৎ এ কিয়ৗ
সেতাঃ খনগে খেলঃ হিনৗনিয়ৗ ।
অল পাড়াহাঃ তুপন
জম
মিৎতেকিন তাঁহেন যত খন ;
যুদৗ একাল বৗকিন তা়ঁহেন
খিলডু সিডৗং বৗকিন মেপেন ।
মিৎতেকিন তাঁহেন যত খন ;
যুদৗ একাল বৗকিন তা়ঁহেন
খিলডু সিডৗং বৗকিন মেপেন ।
যাঁহা কৗমিগে ডডে
জং
মানা কাথা বৗকিন আঁজম চং ;
দিনৗম গেচং নংকা তাকিন
এনেচ সেরেঞ খেলোড আকিন ।
মানা কাথা বৗকিন আঁজম চং ;
দিনৗম গেচং নংকা তাকিন
এনেচ সেরেঞ খেলোড আকিন ।
গাতেঃ লৗগিৎ পাঁজা
বাড়াঃ
আড় পুড়সি অড়াঃ অড়াঃ ;
বৗকিন ঞাপাম উসৗৎ বাড়ায়
ঞেপেল তরা দৗড় দাঁড়ায় ।
আড় পুড়সি অড়াঃ অড়াঃ ;
বৗকিন ঞাপাম উসৗৎ বাড়ায়
ঞেপেল তরা দৗড় দাঁড়ায় ।
᱿᱿====== ᱛ ======᱿᱿
তাড়াম
সীতেন মাণ্ডি
কৗহু দ কা কা
কুইলি কুহু কুহু
আল বাবুম রাগা
কাকাঃ এমা আয়ু।।
কুইলি কুহু কুহু
আল বাবুম রাগা
কাকাঃ এমা আয়ু।।
সিম দ তি তি
মেরম মে মে
এনাং রে সেতাঃ আকান
দে বেরেৎ মে।।
মেরম মে মে
এনাং রে সেতাঃ আকান
দে বেরেৎ মে।।
ভেড়িক রাগ ভে ভে
মিহু হাম্বা হাম্বআ
কদঃ কদঃ আসেন মেয়ায়
আম গড়ম বা।।
মিহু হাম্বা হাম্বআ
কদঃ কদঃ আসেন মেয়ায়
আম গড়ম বা।।
মারাঃ মাক পেহড় পেহড়
কিসনি চেরবের
গিতিচ্ তেমা আম সাঁও
অকয় হঁ বাক জড়।।
কিসনি চেরবের
গিতিচ্ তেমা আম সাঁও
অকয় হঁ বাক জড়।।
হহয়েদাক গাতে কমা
কুলহি এনেচ লৗগিৎ
চাঁড়ে চাঁড়ে হারাঃ মেসে
তিসেম তাড়াম আ।।
কুলহি এনেচ লৗগিৎ
চাঁড়ে চাঁড়ে হারাঃ মেসে
তিসেম তাড়াম আ।।
᱿᱿====== ᱛ ======᱿᱿
দাঃ দারাম চেঁড়ে
বিভূতি ভূষণ সরেন
নিরণ ধরণ
সিঙৗড় বেড়া
মিরুই কয়গ্
চট সেন
কান ক দাঃ দারাম চেঁড়ে ।
কান ক দাঃ দারাম চেঁড়ে ।
ঞেল তেদ
কৗপি লেকা
দাঃ রিমিল হিজুঃ মাড়াং
᱿᱿====== ᱛ ======᱿᱿
পুসিয়াঃ পলসি
দুলৗড়
বিটি
সেটেরেনায় পুসি,
গায়াং গুয়ুং মিয়ুং মিয়ুং
মনেরে তিনৗঃ কুসি।
জেল-হাকো সিঁড়িজ্ শ’তে
বৗই বৗইতেয় সুরঃ,
চুপি লাড়াও আলাং অডক
ঞেল্তে আমেম ছুরঃ।
বৗই বৗইতেয় সুরঃ,
চুপি লাড়াও আলাং অডক
ঞেল্তে আমেম ছুরঃ।
সুর সুরতে পেটের বাডায়
চাটঃগ্ তায়া লুটি,
আম আমতে এমঃ সানামে
মিৎ বারয়া কুটি।
চাটঃগ্ তায়া লুটি,
আম আমতে এমঃ সানামে
মিৎ বারয়া কুটি।
᱿᱿====== ᱛ
======᱿᱿
হপন বাবুয়াঃ বেনাও চিতৗর
বাবলু সরেন
হপন বাবুদ আয়াঃ খাতারে মিৎটাং চিতৗর বেনাওকাতেঃ আয়চ আয়ুয় কুলি কেদেয়া- মাসে আয়ু নওয়া চিতৗর ঞেল কাতেঃ লৗয় ইঞমে চেৎ লেকা হুয় আকান তিঞৗ?
আচ্ আয়ুয় মেনকেদা - নওয়া মা মারাং ,থরিরে সাজাও লাডুলেকা ঞেলঃকানা। অনা তায়ম হপনবাবুদ
আচ্ বাবায় উদুঃ আদেয়া আরে কুলিকেদেয়া - মাসে বাবা নওয়া চিতৗর ঞেলকাতেঃ লৗই ইঞমে চেৎ লেকা হুয় আকানা ? আচ্ বাবায় মেনকেদা - নওয়া মা পাতড়া পিঠৗরেয়াঃ জিলকুটি লেকা ঞেলঃকানা।
হপন বাবুয় মেনকেদা - বাবা য়ু নওয়াদ লৗডুহঁ বাংকানা আর জিলকুটিহঁ বাংকানা। অনে থৗরিলেকা ঞেলঃকান অনাদ ইঞৗ লিল সেরমাতিঞ আর নঁঅয় লৗডু সে জিল কুটিলেকা ঞেলঃকান উনকুদ সেরমারেন সাঙ্গে ইপিল।
- ) মুচৗৎ
(-
.webp)
