হৗতি লেবেৎ তেয় সরগপুরিয়েনায় আযোদিয়ৗ টঠারেন মিৎ জৗজিলমান কড়া

আবোওয়াঃ ডিজিটাল ডেস্ক-  আযোদিয়ৗ বুরু টঠারেন শঙ্কু সরেন ঞুতুমান মিৎ জৗজিলমান কড়া হৗতি লেবেৎ তেয় সরগপুরিয়েনা মেনতে বাডায় আকানা। উমের দ হুয় লেন তায়া ২৮ বছর। আপাৎ ঞুতুম দ মোহন সরেন।

উনিদ পুরুলিয়া জেলা বাগমুন্ডি থানা রেনাং আযোদিয়ৗ অঞ্চলরে মেনাঃ বাঁসাড়ে আতো রেন এ তাঁহেকানা। বাড়ায় আকানা হলা ঞুহুম সেন বাংমা কাডা মাহরায় চালাও লেনা আর উন অক্‌তগে বির গাজাড় সেনখন আচকাগে মিৎটাং হৗতি কুদৗও হেচ্‌ কাতে লেবেৎ তাড়গম হচোয়েনতেগে নংকান বে-বাড়িচ্‌ঘটন দ হুয় আকানা।

 

নংকান খবর পাসনাও এনখান বির দপ্তররেন কৗমিয়া কো, পুলিস আতে গচ্‌ হড়ম কো রাকাব আগু কেদা। নিয়ৗ ঘটন আঁজম কাতে বির পাকাড় টঠা রেন সানাম হড়ক  ঞুৎ-ঞিদৗ বতরতে চুমুল চুমুল গেক আটকার এদা। এলাকা কহঁ নিৎ সানসুন আকানা। বাড়ায়ঃ কানা বাংমা উনি আচ্‌রেন বারয়া কৗটিচ্‌ কৗটিচ্‌ গিদরৗয় বৗগি অট আৎ কিনৗ। সংসার রেন ঞেঞেলিয়ৗ লেকাতেহঁ কাথায় উনি সুমুং গেয় তাঁহেলেনা। নওয়া ডগর আঁজম কাতে গটা আযোদিয়ৗ বুরু এলেকারেন হড় অৗডি গৗহির দুক ক সদর আকাদা মেনতে বাডায় আকানা। নঁতে বির-বুরু দপ্তর পাহটা খনহঁ নিৎ এলাকারেন হড় লৗগিৎ সনতর তাঁহেন কো জৗরি আকাদা।