ᱫᱟᱲᱮᱜᱮ ᱫᱷᱚᱱ(ᱜᱟᱭᱟᱱ) ᱪ ᱮᱛ ᱟ ᱱ ᱛ ᱚ ᱡ ᱽᱵ ᱤᱡᱽ
(ᱵᱟᱨ ᱟᱱᱟᱜ ᱩᱪᱷᱟ.ᱱ - ᱑᱙᱘᱙ ᱯᱚᱛᱚᱵ ᱠᱷᱚᱱ ᱯᱳᱭᱞᱳ ᱩᱪᱷᱟ.ᱱ - ᱑᱙᱖᱖)
ᱛᱚ ᱡᱽᱵ ᱤᱡᱽ
ᱨᱮ- ᱥᱨᱤᱠᱟ ᱱᱛᱚ ᱥᱚᱨᱮᱱ
( ᱑)
ᱥᱟᱶᱦᱮᱫ ᱨᱮ ᱢᱤ-ᱢᱤᱫ ᱚᱱᱚᱞᱤᱭᱟ.
ᱟᱜ ᱢᱤ-ᱢᱤᱫ ᱞᱮᱠᱟᱱ ᱜᱩᱱ ᱧᱮᱞ ᱧᱟᱢᱚᱜ-ᱟ᱾ ᱟᱨ ᱵᱟᱝᱠᱷᱟᱱ ᱢᱤᱫ ᱵᱟᱨ ᱚᱱᱚᱞᱤᱭᱟ. ᱟᱜ , ᱟᱭᱢᱟ ᱞᱮᱠᱟᱱ
ᱜᱩᱱ ᱧᱮᱞ ᱧᱟᱢᱚᱜ-ᱟ᱾ ᱯᱚᱱᱰᱮᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱢᱤᱫᱴᱟᱝ ᱜᱩᱱᱳᱭᱟᱞᱟ ᱚᱱᱚᱞᱤᱭᱟ. ᱫᱚᱭ ᱵᱟᱝ
ᱠᱟᱱᱟ᱾ ᱱᱩᱭ ᱫᱚ ᱥᱟᱶᱦᱮᱫ ᱵᱟᱜᱳ-ᱟᱱ ᱨᱮᱱᱟᱜ ᱟᱭᱢᱟ ᱡᱟᱭᱜᱟ ᱠᱚᱨᱮ ᱢᱟ.ᱱ ᱥᱟᱞᱟᱜ ᱮ ᱫᱟᱲᱟ ᱟᱠᱟᱫᱟ᱾ ᱚᱞ
ᱞᱤᱠᱤ ᱥᱤᱨᱡᱚᱱ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱜᱟᱭᱟᱱ, ᱥᱮᱨᱮᱧ, ᱜᱤᱫᱨᱟ ᱥᱟᱶᱦᱮᱫ ᱟᱨ ᱫᱷᱚᱨᱚᱢ ᱨᱮ; ᱦᱟᱯᱮᱱ ᱫᱤᱱ
ᱞᱟ.ᱜᱤᱫ ᱫᱷᱩᱠᱤ ᱜᱷᱟᱥ ᱞᱮᱠᱟᱱ ᱤᱛᱟ.ᱭ ᱮᱨ ᱦᱚᱴᱚ ᱟᱠᱟᱫᱟ᱾ ᱱᱩᱭ ᱟᱜ ᱢᱤ-ᱢᱤᱫᱴᱟᱝ ᱜᱟᱭᱟᱱ ᱜᱮ
ᱢᱤ-ᱢᱤᱫᱴᱟᱝ ᱰᱤᱦᱟ. ᱵᱟ.ᱛᱤ ᱥᱚᱢᱟᱱ᱾ ' ᱵᱤᱫᱩ ᱪᱟᱸᱱᱫᱟᱱ ' ᱜᱟᱭᱟᱱ ᱡᱮ ᱞᱮᱠᱟ ᱯᱟ.ᱴᱷᱩᱭᱟ. ᱠᱚᱣᱟᱜ
ᱢᱚᱱᱮᱭ ᱠᱤᱥᱟ.ᱲ -ᱟ ; ᱚᱱᱠᱟᱜᱮ ᱱᱚᱣᱟ ' ᱫᱟᱲᱮᱜᱮ ᱫᱷᱚᱱ ' ᱦᱚ ᱟᱵᱚ ᱥᱟᱱᱟᱢ ᱠᱚᱭᱟᱜ ᱫᱟᱲᱮᱭ ᱥᱟᱨᱥᱟᱶ
ᱻᱟ᱾ ᱜᱟᱭᱟᱱ ᱨᱮᱱᱟᱜ ᱡᱮ ᱞᱮᱠᱟ ᱧᱩᱛᱩᱢ (Title) , ᱚᱱᱠᱟᱜᱮ ᱩᱨᱦᱟ.ᱨ-ᱵᱷᱟᱵᱱᱟ ᱟᱨ ᱚᱱᱠᱟᱜᱮ ᱞᱤᱠᱷᱚᱱ᱾ ᱯᱮ
ᱜᱮᱞ ᱠᱷᱚᱱ ᱰᱷᱮᱨ ᱪᱟ.ᱨᱤᱛ ᱟᱛᱮ ᱚᱞ ᱟᱠᱟᱱ, ᱱᱚᱣᱟ ᱜᱟᱭᱟᱱ ᱨᱮᱱᱟᱜ ᱢᱟ.ᱱ ᱫᱚ ᱮᱴᱟᱜ ᱡᱟᱭᱜᱟ ᱨᱮ᱾
ᱥᱤᱠᱷᱱᱟ.ᱛ ᱟᱨ ᱵᱮᱥᱤᱠᱷᱱᱟ.ᱛ , ᱵᱟᱱᱟᱨ ᱞᱮᱠᱟᱱ ᱦᱚᱲᱟᱜ ᱜᱮ ᱱᱚᱣᱟ ᱜᱟᱭᱟᱱ ᱟ.ᱰᱤᱜᱮ ᱡᱟ.ᱨᱩᱲᱟ ᱾ ᱱᱚᱣᱟ
ᱜᱟᱭᱟᱱ ᱛᱟᱞᱟᱛᱮ ᱢᱟᱱᱳᱭᱟ ᱠᱚ, ᱡᱩ-ᱟ.ᱱ ᱠᱚᱲᱟ-ᱠᱩᱲᱤ ᱠᱚ ᱱᱟᱯᱟᱭ ᱡᱤᱭᱚᱱ ᱰᱟᱦᱟᱨ ᱠᱷᱟᱸᱰᱟᱶ ᱨᱮᱱᱟᱜ
ᱢᱤᱫᱴᱟᱝ ᱟᱥ ᱥᱤᱨᱡᱟ.ᱜ ᱛᱟᱠᱚᱭᱟ᱾
᱑᱕᱒ ᱜᱚᱴᱮᱡ ᱥᱟᱠᱟᱢ ᱟᱨ ᱓᱐
ᱡᱚᱠᱷᱮᱡ ᱛᱮ ᱚᱞ ᱟᱠᱟᱱ, ᱱᱚᱣᱟ ᱫᱚ ᱢᱤᱫᱴᱟᱝ ᱞᱟ.ᱴᱩ ᱜᱟᱭᱟᱱ᱾ ᱜᱟᱭᱟᱱ ᱨᱮᱱᱟᱜ ᱧᱩᱛᱩᱢ ᱟᱸᱡᱚᱢ ᱨᱮᱜᱮ,
ᱯᱟ.ᱴᱷᱩᱭᱟ. ᱠᱚᱭᱟᱜ ᱢᱚᱱᱮ ᱨᱮ ᱢᱤᱫ ᱞᱮᱠᱟᱱ ᱛᱮᱛᱟᱝ ᱥᱤᱨᱡᱟ.ᱜ ᱛᱟᱠᱚᱭᱟ᱾ ᱱᱚᱣᱟ ᱨᱮ ᱟᱭᱳ-ᱵᱟᱵᱟ ᱟᱜ
ᱵᱟᱪᱚᱠ ᱨᱮᱱᱟᱜ ᱡᱮ ᱞᱮᱠᱟ ᱢᱟ.ᱱ ᱫᱚᱦᱚ ᱟᱠᱟᱱᱟ ᱚᱱᱠᱟᱜᱮ ᱢᱟ.ᱱᱢᱤ ᱥᱚᱛ ᱛᱟᱸᱦᱮ ᱠᱟᱛᱮ ᱡᱤᱭᱚᱱ ᱨᱮ
ᱢᱤᱫᱴᱟᱝ ᱱᱟᱯᱟᱭ ᱢᱟ.ᱱᱮ ᱦᱟᱢᱮᱴ ᱫᱟᱲᱮᱭᱟᱜᱻᱟ - ᱱᱚᱝᱠᱟᱱ ᱢᱤᱫᱴᱟᱝ ᱱᱟᱯᱟᱭ ᱠᱟᱛᱷᱟ ᱦᱚᱭ ᱯᱷᱳᱴᱮᱞ
ᱟᱠᱟᱫᱟ᱾ ᱯᱚᱱᱰᱮᱛ ᱟᱭᱟᱜ ' ᱚᱱᱚᱲ ' ᱥᱟᱠᱟᱢ ᱨᱮᱭ ᱚᱞ ᱟᱠᱟᱫᱟ , "... ᱠᱚᱲᱟ ᱠᱚ ᱠᱩᱲᱤ
ᱠᱚ ᱥᱚᱛ ᱪᱩᱨᱤᱛ ᱨᱮᱭᱟᱜ ᱫᱟᱲᱮ ᱧᱮᱞ ᱚᱪᱚ ᱵᱟᱲᱟᱭ ᱚᱪᱚ ᱞᱟ.ᱜᱤᱫ ᱱᱚ-ᱟ 'ᱫᱟᱲᱮᱜᱮ ᱫᱷᱚᱱ '
ᱠᱷᱤᱞᱚᱸᱰ ᱤᱧ ᱚᱞ ᱠᱮᱫ ᱟ ᱾"
ᱵᱤᱫᱩ ᱪᱟᱸᱱᱫᱟᱱ ᱜᱟᱭᱟᱱ ᱞᱮᱠᱟ
ᱱᱚᱣᱟ ᱜᱟᱭᱟᱱ ᱦᱚ ᱥᱮᱨᱮᱧ ᱟᱛᱮ ᱮᱛᱚᱦᱚᱵ ᱟᱠᱟᱱᱟ ᱟᱨ ᱢᱩᱪᱟ.ᱫ ᱟᱠᱟᱱᱟ ᱥᱮᱨᱮᱧ ᱛᱟᱞᱟᱛᱮ᱾ ᱜᱟᱭᱟᱱ ᱨᱮᱱᱟᱜ
ᱟᱫᱷᱟ ᱦᱟ.ᱵᱤᱪ ᱫᱚ ᱥᱚᱢᱚᱛᱚᱞ ᱡᱟᱭᱜᱟ ᱨᱮ ᱱᱟ.ᱭ ᱫᱟᱜ ᱟ.ᱛᱩ ᱞᱮᱠᱟ ᱜᱷᱚᱴᱚᱱᱟ ᱠᱚ ᱜᱷᱚᱴᱟᱶ ᱟᱠᱟᱱᱟ᱾
ᱢᱮᱱᱠᱷᱟᱱ ᱜᱟᱭᱟᱱ ᱨᱮᱱᱟᱜ ᱯᱟᱨᱚᱫ ᱵᱟ.ᱭ-ᱵᱟ.ᱭᱛᱮ ᱪᱮᱛᱟᱱ ᱥᱮᱫ ᱨᱟᱠᱟᱵ ᱟᱠᱟᱱᱟ, ᱫᱩᱜᱤ ᱢᱟ.ᱭ ᱟᱜ ᱥᱟᱨ-ᱥᱟ.ᱜᱩᱱ
ᱮᱛᱚᱦᱚᱵ ᱠᱷᱚᱱ᱾ ᱥᱟᱨ-ᱥᱟ.ᱜᱩᱱ ᱞᱟ.ᱜᱤᱫ ᱥᱮᱴᱮᱨ ᱞᱮᱱᱟᱭ ᱥᱟᱨᱚᱢ ᱯᱟᱨᱜᱟᱱᱟ ᱯᱟᱨᱟᱶ᱾ ᱢᱮᱱᱠᱷᱟᱱ ᱩᱱᱠᱩᱭᱟᱜ
ᱦᱚᱨᱚᱜ-ᱵᱟᱸᱫᱮ ,ᱠᱤᱥᱟ.ᱲ ᱜᱚᱨᱚᱵ ᱮᱢᱟᱱ ᱠᱚ ᱫᱩᱜᱤ ᱢᱟ.ᱭ ᱮᱠᱟᱞ ᱵᱟᱭ ᱠᱩᱥᱤ ᱟᱠᱟᱫ ᱛᱟᱠᱚᱭᱟ᱾ ᱚᱱᱟᱛᱮ
ᱩᱱᱤᱫᱚ ᱩᱱᱠᱩ ᱞᱮᱠᱟ ᱵᱟᱝ ᱥᱟᱡᱟᱶ ᱠᱟᱛᱮ, ᱩᱱᱠᱩᱭᱟᱜ ᱜᱚᱨᱚᱵ ᱨᱟ.ᱯᱩᱫ ᱞᱟ.ᱜᱤᱫ ᱟᱭᱟᱜ ᱟᱥᱚᱞ ᱨᱩᱯ ᱩᱫᱩᱜ
ᱨᱮᱱᱟᱜ ᱮ ᱩᱭᱦᱟᱨ-ᱵᱷᱟᱵᱱᱟ ᱞᱮᱫᱟ᱾
ᱚᱱᱟᱛᱮ ᱩᱱᱤᱫᱚ ᱯᱟᱴᱥᱟ.ᱲᱤ
,ᱢᱚᱦᱚᱨ ᱮᱢᱟᱱ ᱠᱚ ᱵᱟᱝ ᱦᱚᱨᱚᱜ ᱠᱟᱛᱮ, ᱞᱚᱴᱟ ᱫᱟᱜ ᱟᱛᱮᱜᱮ ᱡᱚᱦᱟᱨᱟᱫ ᱠᱚᱭᱟᱭ᱾ ᱯᱮᱲᱟ ᱠᱚ ᱵᱟᱝ ᱠᱩᱥᱤ
ᱠᱟᱛᱮ,ᱢᱟ.ᱡᱷᱤ ᱵᱟᱵᱟ ᱫᱩᱥᱟ.ᱶ ᱠᱟᱛᱮ ᱜᱚᱨᱚᱵ ᱛᱮᱠᱚ ᱚᱴᱟᱝ ᱟᱠᱟᱱᱟ᱾
ᱫᱤᱱᱩ ᱫᱚ ᱨᱮᱸᱜᱮᱡ ᱚᱲᱟᱜ ᱨᱮᱱ ᱢᱤᱫ ᱡᱩ-ᱟ.ᱱ ᱠᱚᱲᱟ᱾ ᱠᱟᱥᱢᱟᱨ
ᱨᱤᱱᱤᱪ ᱢᱟᱸᱜᱚᱞ ᱢᱟ.ᱡᱷᱤᱭᱟᱜ ᱚᱲᱟᱜ ᱨᱮ ᱵᱟᱲᱦᱳᱭ ᱞᱮᱠᱟᱛᱮᱭ ᱠᱟ.ᱢᱤᱭᱟ᱾ ᱱᱩᱭ ᱟᱜ ᱜᱩᱱ,ᱠᱟ.ᱢᱤ ᱟᱨ ᱢᱮᱫ
ᱢᱩᱴᱷᱟ.ᱱ ᱨᱮ ᱢᱤᱫ ᱞᱮᱠᱟᱱ ᱥᱚᱸᱫᱷᱟᱲ ᱥᱚ ᱢᱮᱱᱟᱜ ᱻᱟ᱾ ᱱᱚᱣᱟ ᱥᱚᱸᱫᱷᱟᱲ ᱥᱚ ᱫᱚ, ᱢᱟᱡᱷᱤ ᱦᱚᱯᱚᱱ ᱮᱨᱟ
ᱫᱩᱜᱤ ᱢᱟ.ᱭ ᱮ ᱧᱟᱢ ᱞᱮᱫᱟ᱾ ᱚᱱᱟᱛᱮ ᱫᱩᱜᱤ ᱢᱟ.ᱭ ᱫᱚ ᱟᱭᱟᱜ ᱢᱚᱱᱮ ᱠᱚᱴᱷᱟᱨᱮ , ᱫᱤᱱᱩ ᱫᱚ ᱛᱷᱟ.ᱭᱤ
ᱴᱷᱟᱶ ᱮ ᱦᱟᱢᱮᱴ ᱞᱮᱫᱟ᱾ ᱟᱨ ᱫᱤᱱᱩ ᱫᱚ ᱜᱩᱡᱩᱜ ᱞᱟᱦᱟ, ᱟᱡ ᱵᱟᱵᱟ ᱟᱜ ᱞᱟ.ᱭ ᱦᱚᱴᱚ ᱵᱟᱪᱚᱠ ᱠᱟᱛᱷᱟ
ᱫᱤᱥᱟ. ᱠᱟᱛᱮ; ᱠᱩᱲᱭᱟ. ᱚᱲᱟᱜ ᱠᱷᱚᱱ ᱜᱮ ᱥᱩᱠᱷ ᱨᱮᱱᱟᱜ ᱠᱩᱠᱢᱩ ᱧᱮᱞ-ᱧᱮᱞᱛᱮ ᱡᱤᱭᱚᱱᱮ ᱠᱷᱟᱸᱰᱟᱶ
ᱤᱫᱤᱭᱮᱫ ᱛᱟᱸᱦᱮ ᱾
(ᱛᱳᱜᱮ ᱻᱟ...)
.webp)
