সাহিত্য অ্যাকাডেমি যুব-২০২০ শিরপৗ আঁজলেতে আতাং কেদায় অঞ্জলি

আবোওয়া ডিজিটাল ডেস্ক- সাহিত্য অ্যাকাডেমি যুব-২০ শিরপৗয় ঞাম কেদা অনড়হিঁয়ৗ অঞ্জলি কিস্কু। পারমেন সিঁগি মাহা হিলোঃ ব্যাঙ্গালোর রেনাঃ ভারতীয় বিদ্যাভবন রে দিল্লী সাহিত্য অ্যাকাডেমি হতেচ্‌তে সাপড়াও লেন মিৎ আখড়ারে অ্যাকাডেমি পাহটা খন অঞ্জলিয়াঃ তিরে অনা শিরপৗ কো এম চাল আদেয়া। 

নোওয়া শিরপৗ ঞাম কাতে অঞ্জলি আডি কুশি-রৗস্কৗয় সদর আকদা। বাঁকুড়া জিলৗ ওন্দা থানা রেনাঃ ধানারডি আতোরেন অঞ্জলি লৗই আকাদায়- ২০১৮ সাল রেনাঃ অনড়হেঁ পুথি ‘আঁজলে’ খৗতির নোওয়া শিরপৗ ক এমা দেয়া। যাঁহারে ৯০ গটাং অনড়হেঁ মেনাঃ আকাদা।

বাডায় আকানা অঞ্জলি কিস্কু দ অনা জিলৗ রেনাঃ গে বিষ্ণুপুর ভড়া কৗটিয়াবাবা জেগেত বিরদৗগাড় রেন সান্তাড়ি হৗটিঞ রেন প্রফেশর। আরহঁ নংকাগে হাপেন নাওয়া নাওয়া পুথি সানতাড়ি সাঁওহেৎ রে সার সাদলেয় মেনতেহঁ বাডায় আকানা।