অল তালাতে কাথা রাপাচাঃ-
সাতাম- বৗইসি লেকাতে "আতো বাড় সে দিশম বাড় দ শুধরৗও রেনাঃ মিৎ হরা" অৗগিল হাপড়াম কোওয়াঃ সাঁওতা অৗরি লেকাতে নংকান বাড় রেনাঃ লৗগতি মেনাঃ আ সে লৗগতি বৗনুঃ আ-
পাহটা- লৗগতি মেনাঃ আ
কাঁসৗই কুঁওয়ৗরি
জোহার,
নোওয়া ‘আবোওয়াঃ কাথা’ Digital Desk রে- অক্ত নৗপিৎ যুদৗ যুদৗ
সাতাম আতে কাথা রাপাচাঃ দহ খৗতির পোয়লোরে সাসাপড়াওয়িচ্ গোমকে সারহাও ইঞ চাল আয় কানা।
সারহাও ইঞ চাল আবোন কানা যাঁহায়কো দিনৗম দিনগে নংকান ওয়েব পেজ্ বন Follow এৎ।
আডি হড় গেবন বাডায় আকাদা মিৎটাং সানতাড় আতো হালেগে মহল বাবাকো
মহল বৗইসি তালাতে মহল বাড় লেকাতে কো উছৗন আকাদা। অনা তায়নম খনগে নংকান অৗরি লৗইতে আডি লেকান কাথা কো রাকাব হিজুঃ কানা।
সাঁওতা রৗপুদঃ কানা, Human Right রৗপুদঃ কানা, সংবিধান বিরোধ কানা, বৗড়িচ্ হড়াঃ কৗমি
কানা, এমান এমান মেন গানঃ ‘বাড়’ ঞুতুম আন কাথাতে সাঁওতা সৗড়িম ধুইলৗ ফায়লা গৎ আকানা।
সাঁওতারেন সানাম মৗনমি ঠেন আডি মারাং কুকলি- সাঁওতা তেহেঞ অকা ডাহারতে ? অকয় ক গে বাং
সাঁওতা সাগাড়রেন লৗউড়িয়ৗ ?
নংকান মিৎ খাঁগট রে তিঁগু কাতে মিৎ মাঝি হপন লেকাতেঞ মেনা নোওয়া
ডিজিটাল যুগ রেহঁ আবোওয়াঃ সাঁওতারে মাড়াং লেকাগে বাড় প্রথারেনাঃ লৗকতি মেনাঃ আ মেনতেঞ
মনেয়া।
অকত বদলঃ সাঁও সাঁওগে
সানামাঃগে অৗরুঃ কানা, মৗনমি মনেহঁ বদলঃ কানা। আবো সাঁওতা রেনাঃ রায় রীত্ হঁ
মাড়াং খন আডিগান অনতে নঁতে আকানা। আরহঁ তায়ম দারাম বদলঃ গেয়া, নওয়াগে সৗরি কাথা। তবে
নিয়ৗ হঁ সৗরি কাথা কানা, মৗনমি যাঁহা নাপায় কো মনে আকাদা অনাদক জগাও জতন আকাদা, যাঁহা
অৗরু কো মনে আকাদা অনাদক অৗরু আকাদা আর যাঁহা বাদ লেকানাঃ অনা দক বাদ উতৗর আকাদা। অনালেকাতেঞ
মেনা নিৎ হঁ সাঁওতারেন মৗনমি বাড় তালাতে মৗনমি শুধরৗও আনা মনে এৎ তেগে মেনাঃ আ। অনাতে
ইঞৗ মেন নিত্হঁ সাঁওতারে বাড় লৗকতি মেনাঃ আ।
দশার দঞ মেনা- সানতাড় দ সাঁওতৗরি মৗনমি কানাবন। আতোরেনাঃ সানাম
কৗমি জেলেকা ছুত্ ফেডাও, হয়ঃ রুওয়ৗড়, ছৗটিয়ৗর, বাপ্লা, ভাঁডান,আতোরেনাঃ ধরম করম এমান
এমান হানে তিস সেদায় খন আডি নাপায় তেগে হুয় হিজুঃ কানা। অনকাগে আতোরে নিয়ৗও-ঝগড় হুয়
লেনখান হঁ আতো মাঝি, মঁড়ে মাপাজি গুনি গুরিব কো সানাম কোতে দুড়ুপ কাতে রড়-রপড় তালাতেগে
সালা গটায়া।
অকত বদলঃ সাঁও সাঁওতারেনাঃ রায়-রীত্ অৗরু আকান সাঁওতা কাঠামো-দ
নিৎহঁ ঠাম ঠাম কেটেজ গেয়া, যাঁহারে এটাঃ জৗতিরেন হড়াঃ সাঁওতা দ অৗরু আদ্ উতৗর আকানা।
নোওয়া রেনাঃ অজে ক পাঁজা লেখান ঞেলঃ আ ‘বাড়’ লেকান কিছু অৗরি তাঁহেন খৗতিরগে আবোওয়াঃ
সাঁওতা সজহে মেনাঃ আ। ইঞৗ মেনদ আতোরেনাঃ এপের-হেঁডেচ্ রে গাপাল-মারাও দুড়ুপ লেন হড়
ঠেন এটাঃ ডাহার বাং তাঁহে লেনখান গে শুধরৗ-আয় নংকা মেন কাতেগে বাড় লেকাতেকো ছৗটিয়ৗর
এয়া। নংকান গাপালমারাওরে সে ঠাড় গটারে বাং কুশি তাঁহেন খান পড়শি বাবা তাকোয় বাডায় অচো
দাড়ে আকোওয়া। কাথা হুয়ুঃ কানা নংকান অৗরিবন হৗপিদা, চেৎ হোয়োঃ আ ? ইঞাঃ মেনদ আতো দুড়ুপ
রেনাঃ লৗকতি আদ আ, নংকান এপের হেঁডেচ্ রে সানাম কোগে কোর্টরে চালাঃ হোয়োঃ আ। আর অনকা
অনকাতে মিৎ দিন এটাঃ জৗতিরেন সাঁওতা লেকা আবোওয়াঃ সনৎ সাঁওতাহঁ আদ্ সারি-আ।
তেশার দঞ মেনা- দোষী হড় বাড় তালাতেগে গাপাল মারাও আর দুড়ুপ
তিঁগু জম ঞু তেগে শুধরাও রেনাঃ দাও এ ঞামা। মেনখান কোর্ট রেদ হাজার হাজার টাকা খরচ
কাতে দোষী হড় শুধরাঃ আয় নোওয়া কাথা অল হট কাঃ হোয়োঃ আ।
মুচৗৎ রেঞ মেনা- শুধরৗও রেনাঃ ‘বাড়’ নানাহুনৗর অজুহাত উদুঃ কাতে বাদ কাঃ লেখান সাঁওতা কাঠামো টেঁহাড় তাঁহেনা থ ? সাঁওতারেনাঃ আন-অৗরি অকয়ে তেয়ার আ?
-জোহার
.webp)
.webp)
