আবোওয়াঃ ডিজিটাল ডেস্ক- হিজুঃ কান -২৪/১০/২০২১ মৗহিত্, সিঁগিমাহা হিলোঃ বার মেদিনীপুর আর ঝাড়গ্ৰাম জেলা রেনাঃ পোয়লো সেরমা পশ্চিমবঙ্গ আদিবাসী কল্যান সমিতি আঃ "কর্মীসভা" সাপড়াও আকানা ।
জৗতিয়ৗরী গনতান্তিক দিশম রে সংবিধান লেকাতেগে চাঃ চালাও রেনাঃ কাথা বিচকম নিতঃ দিসম সেৎ কয়ঃ লেখান ইস্কুল,কলেজ, জেগেৎ জাকাত বিরদৗগাড় রে চৗকরি বৗকরি লেকান হুদৗরে Merit list করে এসটি তৗলিকা রে ঞেলঃ গঃ কানাকো- বিশ্বাস, মল্লিক, মন্ডল, চক্রবর্তী, প্রামানিক, সেখ, সুলতানা, হালদার, দাস, রায়, কর্মকার, মাহাত, ভৌমিক এমান এমান পদবী ক । পশ্চিমবঙ্গ আদিবাসী কল্যান সমিতি মনে আকাদায় বাংমা নংকান পদবী আন কদ সানাম গে ফেক এসটি। আর ওনকো বিরুধ রেগে সমিতি মিৎ লেতাড় গে রড়দারাম ইদিয়েদায়। অনাকো রড়দারাম যাতে আরহঁ কাজাকঃ আর কৗমিয়ৗ কো যাতে আরহঁ উদ্গৗও কো ঞাম সাঁওতে রড়দারাম রেনাঃ পান্থা কো আরহঁ লাসেরঃ এমান কো আতেৎ গে নংকান "কর্মীসভা" সাপড়াও আকাদায় মেনতে সমিতি পাহটা খন বাডায় আকানা।
অনা লেকাতে সমিতি পাহটা খন বার মেদিনীপুর আর ঝাড়গ্ৰাম জেলা রেন কৗমিয়ৗকো আতে ঝাড়গ্রাম রেনাঃ মহকুমা জনশিক্ষা প্রসার সমিতি, রঘুনাথপুর-ঝাড়গ্রাম (বলাকা রঙ্গ মঞ্চ ) রে মিৎ "মিৎ জৗড়ুরান গালচ আখড়া" সাপড়াও আকানা। অনা গালচ আখড়ারে গালচিয়ৗ লেকাতে সেটের ক তাঁহেনকানা - বালকরাম সরেন – ( পারসেৎ, পঃবঃ আ. ক. স. ) , পার্শাল কিস্কু ( সুতরেৎ পঃ বঃ আ. ক. স.), মিতান চন্দ টুডু (একজিকিউটিভ সহেদ পঃবঃ আ. ক. স.), প্রদীপ কুমার সরেন (আডভোকেট কোলকাতা হাইকোট) আর অনা সভারে যুগ্ম পারসেৎ লেকাতে তাঁহেন কানাকিন বৈদ্যনাথ হাঁসদা আর বিনয় মুরমু ।
অনা সভারে ফেক এসটি বিরুধরে লৗড়হৗই রেনাঃ লৗকতি মেনাঃ আ মনে আতে সানাম আদিবাসীকো সহর সেটেরঃ লৗগিৎ সমিতি আরদাশ এ দহ আকাদা।
.webp)
.webp)
