মিশন শায়কাড়া অলচিকি অনলাইন তালাতে সাপড়াও কেদায় অল ইতুন

আবোওয়াঃ ডিজিটাল ডেস্ক- সানতাড়ি পৗরশিরে অলচিকিতে সানামকো সেচেদঃ লৗগিৎ গে মিশন শায়কাড়া অলচিকি অনলাইন তালাতে সাপড়াও কেদায় অল ইতুন। বাডায় আকানা মিশন ২০২৫ শায়কাড়া অলচিকি ভিতরিতে সানামকো অলচিকিতে সেচেদঃ লৗগিৎ নানাহুনৗর কৗমি হরায় এহব আকাদা। নোওয়া ইদিকাতে আয়মা ক্লাব, গাঁওতা, সংগঠন আয়মা লেকান পান্থা হঁক হাতাও আকাদা।

অনকাগে বাডায় ঞাম আকানা অল ইতুন সারভার রেন লৗউড়িয়ৗ মানতান অনন্ত কিস্কু আর মানতান দুলৗড় কিস্কু গোমকে তৗকিন আবোরেন খবরিয়ৗ কিন বাডায় অচো আকাদেয়া বাংমা অন লাইন ভিডিয়ো তালাতে সানামকো অলচিকিতে সেচেদঃ লৗগিৎ কিন বন্দেজ আকাদা। 

নোওয়া কোর্স হাতাও কাতে সানামকো অলচিকিতে কো সেচেদ্‌ দাড়েয়াঃআ মেনতেহঁ আঁশ কিন দহ আকাদা। নোওয়া অন লাইন কোর্স তালাতে বাডায় আকানা চিকি উরুম, চিকি হৗটিঞ, চিকি গালাং , রনড়, এলখা সাঁওতে আরহঁ আয়মা লেকান হৗটিঞ কো বাডায় ঞাম দাড়েয়াঃ। নোওয়া কোর্স রেনাঃ গৗহির বুটৗ ঞাম লৗগিৎ Olitun.com ওয়েব সাইট সার্চ লেখান আরহঁ বাডায়ঃ আ মেনতে মানতান গোমকে তৗকিন লৗই সদর আকাদাকিন।