আবোওয়া ডিজিটাল ডেস্ক- পারমেন ১৯ অক্টোবর, বাঁকুড়া জিলৗ রেনাঃ খাতড়া- জিবনপুররে সিলি পাথাম আঃ সৗহিজুহিতে মিৎ সানতাড়ি সাঁওহেৎ-লেগচার হেলমেল হুয়েনা। আখড়ারে বৗইসি লেকাতে তাঁহেলেনায় ‘সিলি’ পাথাম শিরৗ সাসাপড়াওয়িচ্ মানতান কলেন্দ্রনাথ মান্ডি।
আখড়ারে মারাং পেড়া লেকাতে সেটের এ তাঁহেকানা পুছিম বাংলা সরকার আঃ জমা সারভার হৗটিঞ রেন মন্ত্রী মানতৗনিয়ৗ জ্যোৎস্না মান্ডি। নেঁওতা পেড়া লেকাতে সেটেরকিন তাঁহেকানা সেরেঞ বাডোহি লাংতিতি কিস্কু আর অনড়হিঁয়ৗ অনুপ্রেরনা মাঝি। অনাবেগর সেটের কো তাঁহেকানা ডঃ জলধর কর্মকার, প্রফেশর শ্রীপতি টুডু, সারদা প্রসাদ কিস্কু (খে.বৗ.), উত্তরবঙ্গ রেন ঞুতুমান সাঁওহেদিয়ৗ মানতান দিলীপ কিস্কু, অনড়হিঁয়ৗ দাশরথি মাঝি, প্রমিলা হেম্ব্রম, বাপ্পাদিত্য বেসরা এমান।
সেরেঞ বাডোহি লাংতিতি কিস্কু উঢৗও সেরেঞ কেদায়। আখড়া এতহব রেগে সৗগুন দারাম বাঁখেড় দহ কেদায় সিলি ঘারঞ্জ রেন রৗসিয়ৗ আর বাঁকুড়া বিশ্ববিদ্যালয় রেন প্রফেশর মানতান অঞ্জন কর্মকার। সানতাড় আরিচৗলি যতন জগাও রে তিরলৗ কোওয়া এনেম- নোওয়া সাতাম লৗইতে অড়ে অড়পাত এ গালচ কেদা ডঃ জলধর কর্মকার। সানতাড় রান-মুরগৗন আর সানতাড়ি অনড়হেঁ ইদিকাতেহঁ গৗহির গাপালমারাও হুয় আকানা।
বাডায় আকানা আখড়ারে ১০ গটাং পুঁথি উছৗন আকানা। এহব খন মুচৗৎ হৗবিচ্ আডি নাপায়তে আখড়ায় চাচলাও ইদি কেদা মানতান সুরেন্দ্রনাথ মান্ডি।
.webp)
.webp)
