বৗইসি লেকাতে "আতো বাড় সে দিশম বাড় দ শুধরৗও রেনাঃ মিৎ হরা" অৗগিল হাপড়াম কোওয়াঃ সাঁওতা অৗরি লেকাতে নংকান বাড় রেনাঃ লৗগতি মেনাঃ আ সে লৗগতি বৗনুঃ আ-

অল তালাতে কাথা রাপাচাঃ-

সাতাম- বৗইসি লেকাতে "আতো বাড় সে দিশম বাড় দ শুধরৗও রেনাঃ মিৎ হরা" অৗগিল হাপড়াম কোওয়াঃ সাঁওতা অৗরি লেকাতে নংকান বাড় রেনাঃ লৗগতি মেনাঃ আ সে লৗগতি বৗনুঃ আ-

বাং পাহটা- লৗগতি বৗনুঃ আ

নিতাই টুডু

হানে তিস্ সেদায় রেচ সান্তাড় সমাজ হাপড়াম কক বেনাও হটলেদা অনাদ অকয়হঁ বুটৗ সৗঁহিজ বাংবন মেন দাড়েয়াঃ আ। চেদাঃ সে পৗহিল দ নাপায়তে সুলুক-সৗগৗই তাঁহেন লৗগিদ তে মচা মচা তেগে অৗন অৗরি ক তল হট লেদা। যাঁহা দ অল আকার তেদ বাং তাঁহে কানা। হাপড়াম ক অকাক কাথা ক মেন হট হাকাদ বনা, অনাক কাথা ক আবরিন পপংড়াকবন মেন হট হাকওয়া। অনকা গে পৗহিল খন হেজ্ হিজুঃ কানা। চেদাঃ সে আবদ বংগা হপন কানাবন। আবওয়াঃ রড়দ বঙ্গা রড় কানা। অনাতে আবওয়াঃ রড় আড়াং তেগে আবরিন বঙ্গাবুরু কক আঁড়গনা। অনাতে আবওয়াঃ কাথাদ সৗরি কাথা কানা। মেনখান মিৎটাং কাথা উইহৗর দহ লৗকতি মেনাঃ আ -- মৗনমি সালাঃ বঙ্গা হাঃ ফারাকদ অকারে? মৗনমিকদ মাঝে মাঝে এড়ে কাথাক মেন গেয়া। মেনখান বঙ্গাদ এড়ে কাথা তিস হঁ বাংক মেনা।

তেহেঞাঃ যাঁহা সাতাম মেনহাকানা অনাদ নংকান গেয়া, যেলেকা বঙ্গা বুরুদ অৗন অৗরিদ বাংক তল হাকাদা। মেনখান আব বাঞ্চাও তাঁহেন লৗগিদ হাপড়াম কক অৗন অৗরি ক তল হট হাকাদা।

অনাতে যাঁহাকরে বিচৗর ক হুয়ুঃ আ , অঁডে যাঁহায় বিচৗরক তাঁহেনা উনকু দ বিচৗর ভাবনা কাতেৎ ,চিন্তা ভাবনা কাতেৎ যাহানাঃ গে সিদ্ধান্ত ক হাতাও আ। চেদাঃ সে বিচারক কদ বাস্তব সালাঃ সৗগৗই দহ কাতেৎ সিদ্ধান্ত ক হাতাও আ। অনকানাঃ গে মিৎটাং সিদ্ধান্ত "আতো বাড়সে দিশম বাড়দ " তাঁহে দরকারঃ সে বাং? ইঞাঃ মেনদ, আতো বাড়সে দিশম বাড়দ লৗকতি বৗনুঃ আ। চেদাঃ লৗকতি বৗনুঃ আ অনাদ লাতার রে মিদ্ মিদ্ তিঞ মেন এদা :---

1) যাঁহায় হড়, সে যাঁহায়াঃ পরিবার যাহানাঃ ক কৗই হাকাদা অনাকদ আব সানাম হড় দুপুড়ুব কাতেৎ বিচৗর বিবেচনা কাতেৎ ভৗগি সিদ্ধান্ত হাতাও গে ভৗগিয়া। চেদাঃ সে যাঁহায় গে যাঁহানাঃ এ কৗই হাকাদা অনাদ পুইলু ধাওদ ওয়ারনিং এম রেনাঃ লৗকতি দরকার । যুদি , যাঁহায় সে যাঁহায় পরিবার বাংক শুধরৗঃ আ উনকু দ মুচৗদ্ ওয়ারনিং এম দরকার। তাহলে মিদ্ দিন দ ভুল দ শুধরৗঃ গেয়া। অনাতে একাঘুরিয়ৗ লৗকতি বৗনুঃ আ। চেদাঃ সে যাঁহায় ক একাঘুরিয়ৗ হচঃ আ উনকু হঁত মৗনমি কানাক। এমনহঁ হুয় দাড়েয়াঃ যে যাঁহায় ক একাঘুরিয়ৗ লেকান সিদ্ধান্ত ক সমর্থনেঃ দ উনকু হঁকি মিদদিন বাং মিদদিন বাং নংকান এঁটকেটঁড়ে বাং হুয়ুঃ আতো? নিয়ৗহঁ ভৗবিত রেনাঃ দরকারঃ কানা।

2) যাঁহায় সে যাঁহায় পরিবার বন একাঘুরিয়ৗ কওয়া, উনকু মিৎদিন বাং মিৎদিন জমঞুক বাং ঞাম কাতেৎ ,কিংবা মনে অৗড়িস কাতেৎ সরগপুরি তেক মহডা দাড়েয়াঃ আ । এছাড়া মনেরে (Psychology) রে অৗডি মারাং আঘাত ক ঞামা, অনাতে পাগলা হঁক পাগলা দাড়েয়াঃ আ। উনঅক্ত মাঝিবাবা সে যাঁহায় গৗলিম ক তাঁহেনা অনা রেনাঃ দায়ভারক হাতাও আত? অনাতে একাঘুরিয়ৗ দ লৗকতি বৗনুঃ আ।

4) নেতার দ বিজ্ঞান ক অৗডিগান গে উন্নতি হুয় হাকানা। অনাতে আবহঁ নাহাঃ যুগরে তাল মিলৗও কাতেৎ কিছু কিছু জিনিস অৗরু ফেরাও হুয়ুঃ তাবনা। নঁডে মিদটাং কাথাগে মেন গানঃআ, শাসন দ দরকার মেনখান শোষণ দ বাং। অনাতে, একাঘুরিয়ৗ লেকান Mental Torture বাং করাও গে নাপায়া।

5) মৗনমি জীয়নরে ধৗরতিরে অৗরসিলেকা বৗরসিঞ বন তাঁহেনা। অনাতে অকয় সালাঃ তাপাম, খৗপৗরিয়ৗও, হিংসৗ শুয়ৗ বাং কাতেৎ নাপায়তে যাতে সুলুক-সৗগৗই বন তাঁহেনা অনারেনাঃ বন রিকৗয়মা । তবেয়না আবওয়াঃ সাঁওতা হঁ মাঁড়াং সেনগে লাহা ইদিঃ আ।

চেদাঃ সে মেনগানঃ আ, মৗনমি মাত্র ভুল দ হুয়ুঃ গেয়া। আর অনাক ভুল শুধরৗও লৗগিদতে আবকগে ঞেল সজহে হুয়ুঃ তাবনা। আবেগ যুদি সমস্যা গেবন সমস্যা ইদিয়া তাহলে অনারেনাঃ সমাধান দ তিস হঁ বাং হুয়ুঃ আ। অনাখৗতির, সমস্যা রেনাঃ সমাধান গে বুদ্ধি রেনাঃ কৗমি।

ইনৗছাড়া ,একাঘুরিয়ৗ খৗতির দুষি পরিবার সাঁওতে অৗতুহড় সালাঃ যায়যুগ রৗগি রাপাচাঃ তেয়ারঃ আ। অনা যাতে বৗড়িজ সৗগৗই বাং তেয়ারঃ মা, অনাখৗতির উইহৗর ভাবনা কাতেৎ সিদ্ধান্ত হাতাও দরকার। অনাতে মেন গানঃ আ সভ্য সমাজরেদ একাঘুরিয়ৗ দ সমাধান দ বাং হুয় দাড়েয়াঃ আ। ইনৗখৗতির একাঘুরিয়ৗ রেনাঃ লৗগতি বৗনুঃ আ।

5) ধৗরতিরে প্রত্যেকটি জৗতিয়াঃ লায় লাকচার, অৗন অৗরি মেনাঃ আ। অনকাগে আবওয়াঃ সমাজ রেঁহ অৗন অৗরি ক মেনাঃ আ। অৗন অৗরি দ মানাও বাতাও রেনাঃ লৗকতি মেনাঃ আ। মেনখান অৗন অৗরি দ হারকেৎ শাসেৎ লৗগিদ দ বাং। অৗন অৗরি কদ আব সানাম ক যাতে নায়তে নাপায়তেবন তাঁহেন মা অনালৗগিদ তেয়ার হুয় হাকানা । অনাতে ,আতো বাড়সে দিশম বাড়দ লৗকতি দ বৗনুঃ আ নাহাঃ যুগরে ।