ফেক এসটি সার্টিফিকেট অৗমরৗউ কো বিরুধরে পুরুলিয়া রেন আদিবাসী কোওয়াঃ আঁদোড় আরহঁ কাজাকঃ কানা

আবোওয়াঃ ডিজিটাল ডেস্ক- গটা পনৎ রেগে যেভাবতে ফেক এসটি সার্টিফিকেট অৗমরৗউ কোওয়াঃ সুংখা দিন দিনতে বাড়হাও চালাঃ কানা অনাতে আদিবাসী সমাজ রেন হড়াঃ চৗকরি-বৗকরি ঞামরে আনাট সিরজৗঃ কানা। নংকাগে চালাও ইদি লেনখান সৗরিন আদিবাসী কোওয়াঃ দ হাপেন মহর মেটাও উতৗরঃআ মেনতে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন দৗবীয় রাকাব কেদা। নোওয়াহঁ ঞেলঃ গঃ কানা বাংমা আদিবাসী কো চেতান নংকান রডচ্‌, কচ্‌লন বিরুধরে অ্যাসোসিয়েশন মিৎ লেতাড়গে আঁদোড় ইদিয়েদায়। 

হলা ৪ অক্টোবর, ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পুরুলিয়া জেলা চাঁগা পাহটা খন অনা জেলারেনাঃ সদর মহকুমা শাসনিয়ৗ আর জেলা কল্যাণ আধিকারিক কোঠেন মেমোরেন্ডাম কো এম চাল কেদা। বাডায় আকানা মহকুমা শাসনিয়ৗ আডি গৗহির মনেতে অভিযোগ এ আঁজম আকাদা আর একালতে গড় এমঃ রেনাঃ কাথাহঁয় সদর আকাদা মেনতে অ্যাসোসিয়েশন রেন রৗসিয়ৗ কো আবোরেন খবরিয়ৗ কো বাডায় অচো আকাদেয়া।

মেমোরেন্ডাম এমঃ জহঃ পুরুলিয়া জেলা সভাপতি সতন কুমার সরেন, সহ- সম্পাদক প্রশান্ত মান্ডি, কেশিয়ার কল্যান হেম্ব্রম সাঁওতে উপেন টুডু, জয়রাম কিস্কু, বঙ্কিম হেম্ব্রম, মনসারাম টুডু আর চিত্ত টুডু এমান কো সেটের কো তাঁহেকানা।