আবোওয়াঃ ডিজিটাল ডেস্ক- পুরুলিয়া জেলা বান্দোয়ান রেয়াঃ সাসাং বেডারে সাপড়াও এনা মাঝি রামদাস টুডু ‘রেসকা’ আঃ ১৬৮ আনা জানাম মাহা মানাও। নোওয়া আখড়াদয় সৗহিজুহি আকাদা অনা জেলারেনাঃ গে সানতালি লিটারেরি ফোরাম। আতাং দারামরে তাঁহেন কানাকো সাসাং বেডা সাঁওহেৎ মাডের রেন রৗসিয়ৗকো।
দারায় কান ২ অক্টোবর দ সানতাড়ি সাঁওহেৎ রেন আগিল অনলিয়ৗ মাঝি রামদাস টুডু আঃ সৗগুন জানাম মাহা। অনা মাহারেগে উনি দ ধৗরতি রেয়াঃ পৗহিল মারশাল এ ঞেল লেদা। আর উনিয়াঃ জানাম মাহা দিশৗ কাতেগে পুরুলিয়া সানতালি লিটারেরি ফোরাম মিৎ সাঁওহেৎ বৗইসিয় সাপড়াও আকাদা।
বাডায় আকানা আখড়ারে সানতাড়ি সাঁওহেৎ, আরিচৗলি ধরম চেতানরে উনিয়াঃ এনেম লৗইতে গাপালমারাও হোয়োঃ আ। অনা লাসাড়হেৎ তে ঞুতুমান অনলিয়ৗ, অনড়হিঁয়ৗ, গায়নাহার সাঁওতে সাঁওহেৎ দুলৗড়িয়ৗ এমান আখড়ারে সেটের কো তাঁহেনা। আখড়ারে অনড়হেঁ আর সেরেঞ রেনাঃ হঁ সৗহিজুহি আকানা।
নোওয়া আখড়া সৗখি সভায় লৗগিৎ পুরুলিয়া সানতালি লিটারেরি ফোরাম পাহটা খন সেক্রেটারী মানতান অরুন কুমার সরেন সানাম কো সহর সেটেরঃ লৗগিৎ আরদাশ এ দহ আকাদা।।
.webp)
.webp)
