আবোওয়াঃ ডিজিটাল ডেস্ক- বীরবান্টা সিধু-কানু তিকিনাঃ আয়ুরতে ১৮৫৫ সাল ৩০ জুন রেনাঃ হুল আয়মা সেরমা পারম গৎ আকানা আরহঁ নঁতে ভারত ফুরগৗল কাতে ৭৪ সেরমা পারমঃ কান রেহঁ আদিবাসী সানতাড় কোওয়াঃ আচকাগে হুল সেঁগেল জুল রেনাঃ চিতৗর ঝালকাও রাকাব এনা আযোদিয়ৗ বুরু চটরে। ঞেল এনা হলা ২৭ সেপ্টেম্বর, সেতাঃ বেড়া খনগে আযোদিয়ৗ বুরু চটরে গেশায় গেশায় হড়াঃ জমায়েত। আর তেহেঞ ২৮ সেপ্টেম্বর ধৗবিচ্ নোওয়া র্যালি চালাঃ গেয়া।
বাডায় আকানা বাংমা আযোদিয়ৗ বুরু বাঞ্চাও আর সাচারহেৎ বাঞ্চাও
লৗগিৎ আযোদিয়ৗ বুরু বাঁচাও আর আদিবাসি বাঁচাও মঞ্চ আঃ দু-দেলাতে ভারত জাকাত মাঝি পারগানা মহল,
যুওয়ৗন মহল, যুওয়ৗন মাডোওয়া, পৗঠুওয়ৗ গাঁওতা, আযোদিয়ৗ সংহতি মঞ্চ, পশ্চিমবঙ্গ ডক্টরস
অ্যাসোসিয়েশন, আসেকা, পশ্চিমবঙ্গ আদিবাসী ভূমিজ-মুন্ডা কল্যান সমিতি এমান আয়মা আদিবাসী
সংগঠন কো এলাকারেন হড় চেতাওনা লৗগিৎ মিৎ মারাং র্যালি রেকো সেলেদ্ আকানা।
নোওয়া র্যালি খন বাডায় ঞাম এনা বাংমা এলাকারেন হড় বাংকো খজ
কানা বির-বুরু মাঃ উজৗড় কাতে, আযোদিয়ৗ বুরু ধাসাও কাতে ঠুড়গৗ প্রজেক্ট হোয়োঃ মা সে
বান্দু গাডা, কান্ঠাড় দাঃ প্রজেক্ট হোয়োঃ মা। বাডায় আকানা অনা এলাকারেন হড় মাড়াংতে
আযোদিয়ৗ বুরুরে হোয় আকান আপার ড্যাম আর লাওয়ার ড্যাম রেনাঃ কাথা দিশৗ কাতে দহড়া গারতে
আদ বাংকো ভুল আ। উনরে কাথা এম কাতে কাথাগে তাঁহেয়াকানা। অনারেনাঃ সৗরি গাবে দ আযোদিয়ৗ
বুরু রেন হড় দ বাংকো ঞাম আকাদা মেনতেহঁ আয়মা অভিযোগ রাকাব আকানা। বাংমা অনাতেগে নিৎ
দহড়া গারতে অকা প্রজেক্ট গে বাংকো খজ কানা।
বাডায়ঃ কানা নোওয়া আযোদিয়ৗ বুরু বাঁঞ্চাও লৗগিৎ নিৎ তামাম আযোদিয়ৗ
রেন হড় জুমিৎ কাতে, হড়ম’রে মায়াং তাঁহেন ভোর অকয় কর্পোরেট সংস্থা গে বাংকো চাল অটো
আকোওয়া। জিউয়ি তাঁহেন ভোর দ আযোদিয়ৗ বুরু দক বাঁঞ্চাও দহয় গেয়া। নংকান কিরৗ গেকো হাতাও
আকাদা কৗটিচ্ কৗটিচ্ গিদরৗ খন এহব কাতে হাড়াম-দুড়ুম সানাম কোগে।
নোওয়া আযোদিয়ৗ বুরু বাঁঞ্চাও রেনাঃ লৗড়হৗই দ ১৮৫৫ সাল রেনাঃ
‘হুল’ সাঁও হঁ আয়মা গৗহিরৗকিলৗন গেকো তুলুচ্ এদা। ওনকো কোওয়াঃ কাথারে নোওয়া গে বাডায়
ঞামঃ কানা বাংমা ১৮৫৫ সাল তায়ম আযোদিয়ৗ বুরু বাঁঞ্চাও খৗতির দশার গারতে ‘সারজম গিরৗ’
আসেন ঞেল এনা। অনবেগর আযোদিয়ৗ বুরু চট করেনাঃ আতো করে যাঁহা ভাবতে ‘আযোদিয়ৗ বুরু বাঁঞ্চাও,
ঠুড়গৗ প্রজেক্ট হাটাও’ লৗইতে কাঁথরে অল ঞেল কাতে আয়মা গৗখুড়িয়ৗ গে আযোদিয়ৗ বুরু বাঁঞ্চাও
রেনাঃ আঁদোড় দ মিৎ নাগাম এ সিরজৗও কেদা মেনতেহঁ কো রড় তরায়েদা।
.webp)
.webp)
