আবোওয়াঃ ডিজিটাল ডেস্ক- হলা ২৬ সেপ্টেম্বর, সাহিত্য
একাডেমিয়াঃ সৗহিজুহিতে আর অল ইন্ডিয়া রাইটার্স অ্যাসোসিয়েশন পছিমবাংলা চাঁগা আঃ গড়তে
ঝাড়গ্রাম রেনাঃ অরন্য সুন্দরী মহাসংঘ হলরে মাহাকবি
সাধু রামচাঁদ মুরমু চেতানরে মিৎ মাহারেনাঃ সাঁওহেৎ আখড়া হুয় পারমেনা। নোওয়া সাঁওহেৎ
আখড়ারে পছিমবাংলা রেনাঃ আয়মা জেলা খন সাঁওতে ঝাড়খন্ড, উড়িষ্যা পনৎ খনহঁ আয়মা সাঁগে
অনলিয়ৗ, অনড়হিঁয়ৗ, খঁদরঁদিয়ৗ আর সাঁওহেৎ দরদিয়ৗ কো সেটের লেনা।
আখড়ারে সৗগুন দারাম
বাঁখেড় এ দহ কেদা- মানতান দেবেন্দ্র কুমার দেবেশ (রিজিওনাল সেক্রেটারী, সাহিত্য অ্যাকাডেমি,
কলকাতা)। সাঁওহেৎ আখড়াদয় উঢৗও কেদা পদ্মশ্রী হামেটিয়ৗ ঞুতুমান সাঁওহেদিয়ৗ মানতান দময়ন্তী
বেশ্রা। মাহাকবি সাধু রামচাঁদ মুরমু ইদিকাতে অড়ে অড়পাৎ এ লৗই সদর কেদা আসেকা রেন জেনারেল
সেক্রেটারী মানতান সুবোধ হাঁসদা। অনাবেগরহঁ বার হৗটিঞ রেনাঃ আখড়ারে সাধু রামচাঁদ মুরমু
চেতানরে নানাহুনৗর সাতাম লৗইতে সাকাম কো সদর কেদা লক্ষন বাস্কে, শ্রীপতি টুডু, তপন
সরেন, বাবলু সরেন, গুহিরাম কিস্কু, জবা মুরমু এমানকো। অনা আখড়ারে মৗচি রিকিন দুড়ুপ
লেনা মানতান শ্যামচরণ হেম্ব্রম আর গুমদা মারান্ডি।
আখড়ারে গালচিয়ৗ কোওয়াঃ বাঁখেড় তালাখন রাকাব হেচ্ এনা বাংমা-
নিৎ ধৗবিচ্তে সাধু রামচাঁদ মুরমু আঃ যাঁহা অল কো আওরি ছাপাঃ আ, অনাকো ছাপাও সদর লৗগিৎ
কৗমিহরা হাতাওয়ঃমা, অনা সাঁওতে মাহাকবি ঞুতুমতে মিৎ মিউজিয়াম
হল বেনাও রাকাব রেনাঃ কাথাহঁ রাকাব হেচ্ এনা।
আখড়ারে অল ইন্ডিয়া রাইটার্স অ্যাসোসিয়েশন পছিমবাংলা চাঁগা রেন
সেক্রেটারী মানতান দ্বিজপদ হাঁসদা, সহ-সভাপতি মানতান সুব্রত বাস্কে সাঁওতে আয়মা অনলিয়ৗ,
অনড়হিঁয়ৗ কো সেটের তাঁহেকানা।
.webp)
.webp)
