আবোওয়াঃ ডিজিটাল ডেস্ক- ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহটা খন দক্ষিন ২৪ পরগনা জেলা চাঁগারেন আদিবাসী কো পারমেন ২৪ সেপ্টেম্বর বারুইপুর মহকুমা শাসনিয়ৗ ঠেন মেমোরেন্ডাম কো জমা কেদা। নোওয়া রেনাঃ গৗহির তুনখি-তলাশ ঞেল লৗগিৎ বারুইপুর রেন শাসনিয়ৗ মিৎ হাপতা অকতয় হাতাও আকাদা মেনতে বাডায় আকানা।
নোওয়াহঁ বাডায় আকানা বাংমা অঁডেরেন আদম আদিবাসীকো নোওয়া হঁক মনেয়েদা যে, বানার ২৪ পরগনারেগে ফেক এসটি কোওয়াঃ সুংখা সৗরিন আদিবাসী খন হঁক বৗড়তি আকানা। সেচেৎ, চৗকরি খন এহব কাতে সরকারি জনপ্রতিনিধি লেকাতেহঁ সৗরিন আদিবাসী কো নিশড়ৗও অচোঃকানা। অ-আদিবাসি কোগে ছিনগৗও হাতাও এদাকো আদিবাসি কোওয়া সংবিধান রেনাঃ হক-আইদৗর। অ-আদিবাসী কো তালারে নুনৗঃ বৗড়তি এসটি সার্টিফিকেট ইস্যুগে বাংমা সৗরিন আদিবাসীকো মুচৗৎ কাকো রেনাঃগে চক্রান্ত কানা মেনতেগে আদিবাসী রেন গৗখুড়িয়ৗকো মনেয়েদা।
বারুইপু্ররেন মহকুমা শাসনিয়ৗ সাঁও গাপালমারাও কাতে নাপায় সাঁদেশ গে ঞাম আকানা মেনতেগে অ্যাসোসিয়েশন রেন রৗসিয়ৗকো মনেয়েদা। যুদিও এয়ায় মাহা মুদরে নোওয়া লৗইতে মহকুমা শাসনিয়ৗ চেৎ বন্দেজ গে বায় হাতাওয়া এনখান আরহঁ মারাং আঁদোড় রেয়াঃ হুমকি ক এম আকাদা অ্যাসোসিয়েশন রেন রৗসিয়ৗকো।
ইনৗহিলোঃ বারুইপুর মহকুমা শাসনিয়ৗ ঠেন মেমোরেন্ডাম এম জহঃ সেটের কো তাঁহে কানা- ঠাকুর কিস্কু, বিধান চন্দ্র হাঁসদা, নিরঞ্জন সরেন, বুদ্ধেশ্বর টুডু, বাসুদেব ওঁরাও, বিপ্লব মুন্ডা, কৃষ্ণ সর্দার, অসীম কুমার সিং, বরুন কুমার সর্দার,ননী গোপাল সিং আর দিলীপ সর্দার এমানকো।
.webp)
.webp)
