আবোওয়াঃ ডিজিটাল ডেস্ক- হলা ২৮ সেপ্টেম্বর, বাঁকুড়া জেলারেনাঃ খাতড়া মহকুমারে ভারত জাকাত মাঝি পারগানা মহল আঃ রাঁগাওনা ডেপুটেশন ঞেল ঞাম এনা। রাঁগাওনা ডেপুটেশন রেনাঃ চিতৗর ঞেল কাতে আয়মা হড়াঃ মচারেগে মিৎ টাং কাথাগে গুরলৗঃ কানা বাংমা নঃঅয় নংকা বাং আঁদোড় লেখান আদিবাসীকো তিসহঁ যথাৎ বিচৗর বাংকো ঞামা।
বাডায় আকানা ফেক এসটি সার্টিফিকেট সাঁওতে আরহঁ আদিবাসী কোওয়াঃ আয়মা লেকান আনাট ইদিকাতে এসডিও, এসপিডিও, এসডিএল এন্ড এলআরও ঠেন রাঁগাওনা ডেপুটেশন তালাতে ভারত জাকাত মাঝি পারগানা মহল দৗবী সাকাম এ সামাং আৎ কোওয়া। অনাকো মুদরে লৗই গানআ- আদিবাসী এলাকা করে পঞ্চম তপশীল লগন লৗগু রেনাঃ বন্দেজ হোয়োঃমা, সানতাড় এলাকা করে যাঁহারে নিৎ হঁ জানাম পৗরশিতে অলঃ পাড়হাও বাং চৗলুও আকানা, অনা করে লগনতে চৗলু হোয়োঃ মা, এসটি সার্টিফিকেট এমঃ মাড়াং মাঝি বাবা আঃ সুপারিশ মানাও বাতাও হোয়োঃ মা।
হলানাঃ ডেপুটেশন রে মিৎ ঘৗড়িচ্ রেনাঃ মঞ্চ খন বাঁকুড়া জেলা গডেৎ বিপ্লব সরেন, পুলিশ কো ইদিকাতে লৗই তরা কেদায় বাংমা আদিবাসী কো লৗগিৎ চেৎ ব্যারিকেড গে বাং লাগা আ। চেদাঃসে আদিবাসী দ শান্তি প্রিয় হড় কানাকো, ওনকো গণতন্ত্র কো বাডায়া আর কো মানাও আ। নোওয়াহঁ বাডায় আকানা অঁডেরেন মিৎ পুলিশ অপিসার আঃ ঞুতুম বাং ঞুম কাতেগে মানতান সরেন হুঁশিয়ৗরী এমাদেয়ায় বাংমা আদিবাসী কোওয়াঃ ডেপুটেশন রে তিসহঁ যাতে ব্যারিকেড এমঃ রেনাঃ আলয় রিকৗয়মা। নঁডে লৗই লেগ কানা বাংমাঃ- মহল পাহটা খন খাতড়া এসপিডিও ঠেন ডেপুটেশন এমঃ বলন জহঃ পুলিশ ব্যারিকেডতে এসেদ্ তাঁহেকানা। মহল রেন মাড়তে কো বলন রেয়াঃ কো রিকৗ লেৎ খান পুলিশ আঃ ব্যারিকেড সামাং রেকো আটক এনা। মিৎ ভিডিওরে ঞেল আকানা বাংমা বাঁকুড়া জেলা গডেৎ বিপ্লব সরেন আচ্রেন মাড়তে কো আতে পুলিশাঃ ব্যারিকেড রৗপুদ্ কাতে ডেপুটেশন এমঃ বল যহঃ পুলিশ পাহটা খন আইন-শৃঙ্খলা রৗপুদ্ রেনাঃ অভিযোগ রাকাব লেনরেগে মানতান সরেন গোমকে নংকান কাথায় রড় আকাদা।
.webp)
.webp)
