আবোওয়াঃ ডিজিটাল ডেস্ক- হলা ২৯ সেপ্টেম্বর, ওয়েস্টবেঙ্গল
সিডিউল্ড ট্রাইব ওয়েলফেয়ার অ্যাসোসিয়েশন পুরুব বর্ধমান জেলা চাঁগা রেন রৗসিয়ৗকো কালনা
কলেজ রেন প্রিন্সিপাল সাঁও ফেক এসটি সার্টিফিকেট ইস্যুতে কো ঞাপাম-রপড় এনা।
অ্যাসোসিয়েশন দৗবীয় রাকাব আকাদা বাংমা চৗকরি রেনাঃ রেকমেন্ডেশন
লিস্ট সাঁও সাঁওতে কলেজ,ইউনিভার্সিটিরে আদিবাসী কোওয়াঃ রাখা দহ জুড়ুরে নানাহুনৗর ভুরতি
তৗলিকারে অ-আদিবাসীকো ঞেলঃ কানা। ঞেল আকানা নোওয়া মাড়াং হঁ নোওয়া সেচেৎ সেরমারে ফেক
এসটি সার্টিফিকেট ইস্যুতে যাদবপুর, বেলুড় রামকৃষ্ণ শিক্ষা মন্দির লেকান ঞুতুমান সেচেৎ
ঠাঁওরেহঁ আয়মা আদিবাসী সংগঠন পাহটা খন অঁডেরেন চাচালাও কো সাঁও ঞাপাম-রপড় আকানা। গটা
পনৎ রে ফেক এসটি সার্টিফিকেট আমরৗউ আকাৎ কোওয়াঃ সুংখা যেভাবতে ঢের চালা কানা তাতে সৗরিন
আদিবাসী কোগে ঠেলাও মিৎ আড়ে অচোঃ কানা কো।
নওয়াকো ঞেল কাতেগে হলা ২৯ সেপ্টেম্বর, পুরুব বর্ধমান জেলা চাঁগা
রেন রৗসিয়ৗকো কালনা কলেজ রেন প্রিন্সিপাল সাঁও ফেক এসটি সার্টিফিকেট ইস্যুতে কো ঞাপাম-রপড়
এনা সাঁওতে মিৎটাং মেমোরেন্ডাম হঁক চাল আদেয়া। প্রিন্সিপাল রৗসিয়ৗকোওয়াঃ সানাম লেকান
কাথা আঁজম তায়ম আশ্বস্ত কেৎ ক রেহঁ রৗসিয়ৗকোওয়াঃ মনে-জিউয়ি বাং রাড়েজঃ কান তাকোওয়া।
কলেজ রেন প্রিন্সিপাল ঠেন মেমোরেন্ডাম এমঃ যহঃ কালনা ব্লক সভাপতি
ভন্দুলাল সরেন, সেক্রেটারী লক্ষীনারায়ন কিস্কু, কেশিয়ার জগন্নাথ টুডু, বুদ্ধেশ্বর মুরমু,
বাবলু টুডু, বাবুরাম সরেন এমান কো সেটের তাঁহেকানা।
.webp)
.webp)
