(হুডিঞ মাছা কৗহ্নি)
আমতেগেম লঃ কানা
- মধুসূদন হাঁসদা
চুনু দিনৗম হিলোঃ লেকা গে গাতে ক সাঁও খেলঃ এ চালাঃ আ ৷ গাতে ক সাঁও এ খেলা, রড়-লাঁদা যতগে ঠিক গেয়া ৷ মিৎ দিন আতো দুপড়ুব দহলেনা, বাংমা চুনু তাক সাঁও রড় বাং গানঃ আ ! অনাতে অড়াঃ অড়াঃ লৗই-লৗপৗই এনাকো চুনু তাকআঃ বাখোল রেন দ অকয় হঁ বাবন রড় আকআ, বাবন মেশাঃ আ ৷ চুনু তাকো সাঁও বন রড় লেখান আতো-ষোলআনা ক ফুরৗন বনা ৷ অনাতে এন হিলোঃ খন চুনু তাকো ! দিনৗম হিলোঃ গে গাতে ক সাঁও খেলঃ এ চালাঃ গেয়া ৷ চুনু রেন গাতে ক চুনু দ খেল রে বাং ক মেশায়েয়া মেনতে যায-যের মনে রেক গটা আকাদা ৷ মেনখান মেন দ বাক মেন দাড়েয়ায় কানা "আলে সাঁও বাংলে মেসা মেয়া" মেনতে ৷ আডি দিন পলমঃ কান রেহঁ চুনু দ খেলঃ এ চালাঃ কান গেয়া ৷ অড়াঃ হড় ক মানা-বারন আকাদা চুনু তাক সাঁও দ আলপে রড়া, আলপে রপড়া .... এন দ চিকৗতে চুনু সাঁও দবন রড়া, চিকৗতে বন গাতেয়েয়া !
কেরমে কেরমে তে চুনু রেন সানাম গাতে ক খেলঃ হিজুঃ গেক হৗপিৎ কেদা ৷ চুনু একলা গে গডা রে হেজ কাতে এ ঞেলা, গডা রে অকয় হঁ খেলঃ গে বাং ক হিজুঃ কানা.... ! মিৎ দিন চুনু অড়া রে হেজ কাতে আজ আয়োয় কুলিয়ে কানা "য়ু, গডা তে অকয় হঁ খেলঃ গে চেদাঃ বাং ক চালাঃ কানা ?" আজ আয়োয় মেন কেদা "বেটা আম দম কৗটিজ্ গেয়া, হারা-বুরু লেনমে তবেম বুজৗ"..... ৷
.webp)
.webp)
