আবোওয়াঃ ডিজিটাল ডেস্ক- ফেক এসটি সার্টিফিকেট আমরৗউ আকাৎ কো বিরুধরে আঁদোড় রেনাঃ লাহান্তি আগুয় লৗগিৎ জেলা জেলা করে জুগুৎ কাতে গাপালমারাও আখড়া সাপড়াও চালাঃ কানা ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আঃ।
সানাম সেনগে যাঁহালেকা ভাবতে ফেক এসটি সার্টিফিকেট আমরৗউ কোওয়াঃ সুংখা ঢের আকানা। অনাতে সৗরিন আদিবাসী কো নিশড়ৗও অচোঃ কানা। স্কুল, কলেজ, ইউনিভারসিটি খন এহব কাতে মেডিকেল, ইঞ্জিনিয়ৗর, এমফিল, পিএইচডি লেকান ঠাঁওরেহঁ আদিবাসী কোওয়াঃ রাখা দহ জুড়ুরে অ-আদিবাসী কোওয়াঃ ঞুতুম সাগাল সাগাল ঞেল ঞামঃ কানা মেনতেগে অ্যাসোসিয়েশন কাথায় রাকাব আকাদা।
নংকান নিশড়ৗও-নাহাচার বিরুধরে টেকাও-দারাম লৗগিৎ অ্যাসোসিয়েশন লৗড়হৗই রেনাঃ গডা সেন গেকো মহডা কানা। পনৎ রেনাঃ সানাম জেলা করে গে বাংমা সোর সোপোর জেলা কো জুগুৎতে গাপাল মারাও কাতে ফেক এসটি সার্টিফিকেট বিরুধরে লৗড়হৗই রেনাঃ কাথাকো উইহৗর এদা।
গাপা ২ অক্টোবর, পুরুব বর্ধমান জেলা রেনাঃ জাহের গডারে (মিস্টি হাব সোররে) পুরুব-পছিম বর্ধমান, বীরভূম আর হুগলী জেলা আঃ জুগুৎ তে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আঃ পোয়লো কৗমিয়ৗ কোওয়াঃ গাপালমারাও আখড়া হুয় লৗগিদঃ কানা। অনা গাপালমারাও আখড়া রে মুড়ুৎ বাঁখেড়িয়ৗ লেকাতে অ্যাসোসিয়েশন রেন পনৎ সভাপতি বালক রাম সরেন আর তালমা কুমুট রেন এক্সিকিউটিব মেম্বার মিতন চন্দ্র টুডু। অনাবেগর পেড়া লেকাতে গালচ এ দহয়া কলকাতা হাইকোর্ট রেন উকিল প্রদীপ কুমার সরেন। সানাম লেকান গাপালমারাও রেনাঃ কৗমি হরা সেতাঃ ১০ বাজা খন এহব কাতে তারাসিঞ ৫ বাজা হৗবিচ্ হোয়োঃআ মেনতে অ্যাসোসিয়েশন পাহটা খন বাডায় ঞাম আকানা।
.webp)
.webp)
