দেবেন্দ্রনাথ হেম্ব্রম, হেমাল ডেরা- মিৎ আদিবাসী নাবালিকৗ আঃ ভরম নাশাও রে পেয়া যুওয়ৗন কড়া পুলিশ ঠেন কো পাকড়াও অচোয়েনা। পছিম মেদিনীপুর জেলা সবং থানা রেনাঃ উচিৎপুর আতোরেন ১২ বছর রেন মিৎ আদিবাসী নাবালিকৗ সাঁও নংকান বে-বৗড়িচ্ ঘটন ঘটাও আকানা।
বাডায় আকানা পারমেন ২৭ সেপ্টেম্বর সিঁগৗড় বেড়া কলোনি বাজার খন রুওয়ৗড়ঃ অকতে পে-পে গটাং কুমুনিয়ৗ কড়া তায়ম সেন খন হৗড়ুপ কাতে আর জোরতে মোটর সাইকেল রে লাদে কাতে উনি কুড়ি গিদৗর ঞুৎ রেকো আৎকির ইদি কেদেয়া। আর বাংমা গটা ঞিদৗ উনি চেতান ভরম নাশাও কো কৗমিয়ৗকাদা। সেতাঃ বেড়া অচেতন আবস্থারে পাঁজা ঞাম কাতে ডাকতৗরি পুরীক্ষা তায়ম দিশৗ রুওয়ৗড় এন তায় খান বিশ্বনাথ সিং, বিশ্বনাথ পাত্র আর গৌতম কুইল্যা নোকো পে হড়াঃ ঞুতুম এ সদর আকাদা। পুলিশ ওনকো পেনে হড় গেকো পাকড়াও আকাৎ কোওয়া। অনাবেগর আরহঁ কয়েক জন কো তাঁহে কানা, যাঁহায় কদ উনি বায় ওরোম দাড়েয়াকাৎ কোওয়া। তবে পুলিশ ওনকো হঁক তলাশ এৎ কোওয়া মেনতে বাডায় আকানা।
নঁতে ভারত জাকাত মাঝি পারগানা মহল সবং মুলুক রেন রৗসিয়ৗকো আদিবাসী নাবালিকৗ সোর রেকো তিঁগু আকানা। নোওয়া ঘটন রে জপড়াও আকান কৗইধি কোওয়াঃ শাসেৎ ঞাম রেনাঃ কো দৗবীয়াকাদা। নোওয়া লৗইতে সবং মুলুক পাহটা খন যথাৎ বিচৗর ঞাম লৗগিৎ থানারে অলবেল তালাতে অভিযোগ হঁক জমা আকাদা মেনতেহঁ বাডায় আকানা। অনাবেগর ভারত জাকাত মাঝি পারগানা মহল নিশড়ৗও অচো আকান ঘাঁরঞ্জ সানাম লেকান গড়য় এমায়া মেনতেহঁয় সদর আকাদা।
.webp)
.webp)
