সিঁগি মাহা রেনাঃ সাকাম ‘চেরেচ্ আড়াং’ লেখা- ৫৮

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com  । 

 

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  ᱥᱨᱤᱠᱟᱱᱛᱚ ᱥᱚᱨᱮᱱ,  গাতে টুওয়ৗর, বাড়তাঙ সরেন, সুচাঁদ হাঁসদা, সমর লাল টুডু, সীতেন মান্ডি, নিতাই টুডু, বিভূতি ভূষন সরেন, কানন হাঁসদা, দুগাই টুডু, সনাতন টুডু, দুর্গাচরণ মুরমু, বাবলু সরেন, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

১।।

ᱡᱤᱞ ᱯᱤᱴᱷᱟᱹᱡᱤᱞ  ᱩᱛᱩ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱤᱥᱤᱱ ᱟᱞᱮ ᱡᱤᱞᱯᱤᱴᱷᱟᱹ
ᱧᱮᱞᱮᱭᱟᱞᱮ   ᱪᱟᱸᱫᱚ ᱾

ᱯᱟᱨᱠᱚᱢᱨᱮ ᱫᱩᱲᱩᱵᱽ ᱠᱟᱛᱮ
ᱡᱚᱡᱚᱢᱟᱥᱮ     ᱟᱫᱚ ᱾

ᱥᱩᱨᱮᱱᱟᱜ ᱵᱟᱥᱟ ᱰᱩᱸᱝᱨᱤ
ᱧᱮᱞᱚᱜ -- ᱟ     ᱫᱩᱢᱫᱩᱢ ᱾

ᱵᱟᱵᱟᱭᱚ ᱛᱤᱸᱞᱡᱳ ᱠᱟᱛᱮ
ᱞᱟᱹᱞᱟᱹᱭᱟᱭ   ᱠᱩᱫᱩᱢ ᱾

ᱤᱱᱟᱛᱮᱜᱮ ᱯᱤᱴᱷᱟᱹ ᱪᱟᱵᱟᱜ
ᱟᱞᱮᱡᱚᱢ     ᱯᱟ-ᱯᱩᱜ ᱾

ᱜᱚᱜᱚ ᱦᱟᱴᱤᱧ ᱡᱤᱞᱠᱩᱴᱤ
ᱡᱷᱚᱛᱚ  ᱪᱟᱯᱩ-ᱪᱟᱯᱩᱜ ᱾

ᱡᱚᱢ        ᱟᱞᱮ    ᱧᱩᱭᱟᱞᱮ
ᱟᱰᱤᱟᱰᱤ     ᱨᱟᱹᱥᱠᱟᱹᱛᱮ ᱾

ᱡᱚᱢ     ᱥᱟᱱᱟ    ᱯᱮᱠᱷᱟᱱ
ᱫᱮᱞᱟ  ᱟᱯᱮ     ᱟᱞᱮ-ᱚᱲᱟᱜᱛᱮ ᱿

+=~-=~-=~-=~-= ᱛ =~-=~-=~-=~-=+

 ২।।

ᱛᱤᱡᱩ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱥᱟᱠᱟᱢ ᱞᱟᱛᱟᱨ ᱵᱤᱠᱤᱛ ᱵᱤᱠᱤᱛ
ᱵᱟᱹᱭ  ᱡᱚᱢᱮᱛ  ᱞᱤᱠᱤᱛ ᱞᱤᱠᱤᱛ  ।
ᱦᱚᱲᱚᱢ  ᱥᱩᱸᱜᱟᱹ  ᱯᱮᱨᱮᱪ ᱜᱮᱛᱟᱭ
ᱡᱚᱴᱮᱫ ᱞᱷᱮᱠᱷᱟᱱ ᱥᱩᱸᱜᱟᱹ ᱠᱚᱴᱟᱭ ।।

ᱡᱷᱟᱡᱷᱚᱨᱟ ᱩᱛᱟᱨ ᱥᱟᱠᱟᱢ ᱰᱚᱜ
ᱚᱠᱟ ᱥᱤᱵᱤᱞ ᱚᱱᱟᱨᱮ ᱫᱩᱲᱩᱵ ᱪᱚᱜ  ।
ᱡᱚᱴᱮᱫ ᱥᱩᱸᱜᱟᱹ ᱦᱟᱨᱛᱟ ᱵᱟᱵᱟᱛ
ᱯᱷᱩᱞᱟᱹᱜ ᱫᱟᱹᱨᱤᱭᱟᱹ ᱟᱵᱤ ᱨᱟᱜᱟᱛ ।।

ᱦᱩᱰᱤᱧ ᱞᱟᱹᱴᱩ ᱢᱚᱴᱟ ᱛᱤᱡᱩ
ᱧᱟᱢᱚᱜ ᱜᱟᱡᱟᱲ ᱨᱤᱛᱩ ᱨᱤᱛᱩ  ।
ᱫᱟᱨᱮ ᱵᱟᱠᱞᱟᱜ ᱛᱷᱚᱯᱮ ᱡᱮᱢᱴᱷᱮ
ᱩᱠᱩᱡ ᱵᱩᱠᱩᱡ ᱞᱟᱲᱟᱜ ᱢᱚᱴᱮ  ।।

  ᱟᱵᱤ ᱞᱮᱠᱟᱱ ᱦᱮᱱᱟᱜ ᱠᱳᱭᱟ
  ᱡᱚᱨᱮ ᱡᱟᱞᱤᱨᱮ ᱥᱚ ᱥᱮᱭᱟᱨᱮ ।
   ᱯᱩᱱᱰ ᱦᱮᱸᱫᱮ ᱦᱚᱲᱚᱢ ᱛᱟᱠᱳᱭᱟ
   ᱵᱤᱠᱤᱛ ᱵᱤᱠᱤᱛ ᱞᱟᱲᱟᱜ ᱫᱚᱨᱮ ।।

+=~-=~-=~-=~-= ᱛ =~-=~-=~-=~-=+

 ৩।।

ᱫ ᱟ' ᱥᱟ ᱭ ᱫ ᱟ ᱬ ᱟ ᱱ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱫᱮᱞᱟ ᱦᱤᱡᱩᱜ ᱯᱮ 
ᱫᱮᱞᱟ ᱦᱤᱡᱩᱜ ᱯᱮ
ᱤᱧ ᱨᱮᱱ ᱜᱟᱛᱮ, 
ᱵᱟᱦᱟ ᱢᱟᱞᱟ ᱜᱟᱞᱟᱝ ᱟᱵᱚᱱ
ᱦᱚᱴᱚᱜ ᱨᱮ ᱟᱨᱟᱣ ᱟᱵᱚᱱ |

 

ᱫᱩᱠᱷ ᱫᱟᱥᱟᱭ ᱛᱮᱦᱮᱧ ᱫᱚ
ᱫᱟ'ᱥᱟᱭ ᱫᱟᱬᱟᱱ ᱟᱵᱚᱱ
ᱟᱛᱳ ᱴᱚᱞᱟ ᱯᱮᱦᱮᱞ ᱯᱮᱦᱮᱞ
ᱮᱱᱮᱪ ᱟ.ᱪᱩᱨ ᱟᱵᱚᱱ |

 

ᱵᱚᱦᱚᱜ ᱨᱮ ᱢᱟᱨᱟᱜ ᱯᱤᱧᱪᱟ.ᱨ
ᱦᱚᱴᱚᱜ ᱨᱮ ᱢᱟᱞᱟ,
ᱡᱟ'ᱜᱟ ᱨᱮ ᱡᱷᱚᱢᱚᱨ ᱞᱤᱯᱩᱨ
ᱠᱟᱥᱚ ᱠᱟ.ᱥᱱᱤ ᱛᱟᱞᱟ |

 

ᱛᱟᱨᱮᱱ ᱨᱮ ᱛᱩᱢᱫᱟ.ᱜ ᱴᱟᱢᱟᱠ
ᱥᱟᱰᱮ ᱥᱟ:ᱜᱤᱧ ᱪᱟᱞᱟᱜ,
ᱫᱤᱥᱳᱢ ᱨᱮᱱᱟᱜ ᱟᱛᱳ ᱴᱚᱞᱟ
ᱫᱷᱩᱲᱤ ᱚᱴᱟᱝ ᱥᱟᱞᱟᱜ |

 

ᱫᱮᱞᱟ ᱦᱤᱡᱩᱜ ᱯᱮ
ᱫᱮᱞᱟ ᱦᱤᱡᱩᱜ ᱯᱮ
ᱤᱧ ᱨᱮᱱ ᱜᱟᱛᱮ, 
ᱞᱟ'ᱜᱟ ᱛᱷᱟᱠᱟᱣ ᱫᱮᱭᱟᱭ ᱪᱮᱞᱟ
ᱫᱟ'ᱥᱟᱭ ᱫᱟᱬᱟᱱ ᱫᱮᱞᱟ।

 

+=~-=~-=~-=~-= ᱛ =~-=~-=~-=~-=+

 ৪।।

ᱠ ᱟᱹᱢ ᱤ ᱨ ᱮ ᱱ ᱟ ᱜ ᱠ ᱩ ᱲ ᱟᱹᱭ

ᱮ ᱵ ᱷ ᱮ ᱱ ᱩ ᱭ ᱞ ᱤ ᱥ ᱚ ᱨ ᱮ ᱱ

 

ᱮ ᱛ ᱟ ᱜ ᱨ ᱮ ᱵ ᱮ ᱨ ᱮᱫ ᱠ ᱟ ᱛ ᱮ
ᱪ ᱟᱸ ᱳ ᱧ ᱡᱳ ᱦ ᱟ ᱨ ᱟ ᱭ ᱟ ᱾
ᱢᱚᱱᱮ ᱨᱮᱱᱟ ᱜ ᱠᱩᱠᱢᱩ ᱪᱟᱸᱫᱳ
ᱯᱩᱨᱟᱹᱣ ᱛᱤᱧ ᱢᱮᱢᱟ ᱿

 

ᱤᱧ ᱟ ᱭᱳ ᱤᱧ ᱵ ᱟ ᱵ ᱟ
ᱟ ᱰ ᱤ ᱠᱤᱱ ᱱᱟ ᱯ ᱟ ᱭᱟ ᱾
ᱩᱱᱠᱤᱱᱟ ᱜ ᱠᱟ ᱛ ᱷ ᱟ ᱠᱚ
ᱤᱧ ᱫ ᱩᱧ ᱟᱸᱡᱚᱢᱟ ᱿

 

ᱡᱟᱸᱦᱟ ᱠᱟᱹᱢᱤᱠᱤᱱ ᱢᱤᱛᱟᱹᱧᱟ
ᱚᱱᱟ ᱧ ᱯᱩᱨᱟᱹᱣᱟ ᱾
ᱠᱟᱹᱢᱤ ᱯᱩᱨᱟᱹᱣ ᱞᱮᱠᱷᱟ ᱱᱤᱧ
ᱛᱚᱣᱟ ᱫᱟ ᱠᱟ ᱠᱤᱱ ᱮᱢᱟᱹᱧᱟ ᱿

 

ᱟ ᱯᱮ ᱦᱚᱸ ᱥᱟ ᱱᱟᱢ ᱠᱚ
ᱠᱟ ᱛᱷ ᱟ ᱟᱸᱡᱚᱢ ᱯᱮ ᱾
ᱠᱟᱹᱢᱤ ᱨᱮᱱᱟ ᱜ ᱠᱩᱲᱟᱹᱭ
ᱧ ᱟ ᱢ ᱜᱮᱭᱟ ᱯᱮ ᱿

+=~-=~-=~-=~-= ᱛ =~-=~-=~-=~-=+

 ৫।।

ᱞᱩᱫᱤ ᱵᱩᱰᱷᱤᱭᱟᱜ ᱫᱚᱠᱟᱱ

ᱥᱨᱤᱠᱟᱱᱛᱚ ᱥᱚᱨᱮᱱ

  (... ᱞᱟᱦᱟ ᱠᱷᱚᱱ ᱛᱳᱸᱜᱮ)

ᱯᱩᱥ ᱢᱟᱜᱮ ᱫᱚᱠᱟᱱ ᱠᱟᱜ ᱟ
ᱦᱟᱨᱛᱟ ᱯᱟ.ᱴᱤ ᱠᱟᱱᱛᱷᱟ
ᱨᱟᱵᱟᱝ ᱛᱟᱭᱚᱢ ᱵᱷᱟᱲᱟᱭ ᱦᱟᱛᱟᱶ
ᱱᱚᱝᱠᱟ ᱩᱱᱤᱭᱟᱜ ᱯᱟᱱᱛᱷᱟ᱾

ᱯᱷᱟ.ᱜᱩᱱ ᱪᱟ.ᱛᱮ ᱟ.ᱠᱷᱨᱤᱧ ᱵᱟᱲᱟᱭ
ᱥᱤᱨᱤᱥ ᱡᱚ ᱯᱟᱯᱚᱲ
ᱪᱚᱞᱞᱟ ᱡᱚ ᱴᱤᱠᱞᱤ ᱥᱟᱣᱛᱮ
ᱧᱟᱢᱟᱢ ᱯᱷᱨᱤᱤ ᱛᱮ ᱪᱟᱯᱚᱲ᱾

ᱚᱱᱟ ᱥᱟᱶᱛᱮ ᱢᱮᱱᱟᱜ ᱛᱟᱭᱟ
ᱢᱤᱫᱴᱟᱝ ᱵᱤᱭᱩᱴᱤ ᱯᱟᱨᱞᱟᱨ
ᱦᱤᱡᱩᱜ ᱟᱠᱚ ᱩᱱᱠᱩ ᱜᱮᱛᱚ
ᱡᱟᱦᱟᱭᱟᱜ ᱪᱮᱦᱨᱟ ᱫᱚᱨᱠᱟᱨ᱾

ᱢᱩᱨᱩᱫ ᱵᱟᱦᱟ ᱪᱮᱯᱮᱡ-ᱪᱮᱯᱮᱡ ᱛᱮ
ᱟᱨᱟᱜ ᱛᱟᱠᱚᱭᱟᱭ ᱞᱩᱴᱤ
ᱦᱚᱨᱚᱜ ᱞᱟ.ᱜᱤᱫ ᱢᱮᱫᱨᱮ ᱟᱭᱱᱚᱢ
ᱦᱮᱸᱫᱮ ᱴᱩᱠᱩᱡ ᱨᱮ ᱢᱮᱫ ᱠᱩᱴᱤ᱾

+=~-=~-=~-=~-= ᱛ =~-=~-=~-=~-=+

৬।।

ও হায়রে

গাতে টুওয়ৗর

 

   ও হায়রে আঁগা মারসাল
ধারতি পুরি গটাম আরসাল ।
   ও হায়রে সেতাঃ শিশির
ঘাঁস ডগ্ রে ঝিনিক ঝিপির ।
    ও হায়রে বাগান বাহা
তিনৗঃ সঁধাড় আমাঃ রাহা ।
    ও হায়রে উডৗঃ চেঁড়ে
সেতাঃ তরা তেঁড়ে রেঁড়ে ।
    ও হায়রে পহা মৗলি
এভেন তরা মেৎ এম ঝৗলি ।
     ও হায়রে ঝারনা গাডা
চেড়েম চেড়েম পেরেজ কাঁডা ।
     ও হায়রে মৗঠয়ৗ ডাহার
 জাঁগা ধুড়িরে সোক সাহার ।
     ও হায়রে জর বাড়ে
এমঃ কানাম কেটেচ দাড়ে ।
     ও হায়রে লিফুর ঝুনুর
ত্রিয়োও বানাম সাঁওতে আয়ুর ।
   ও হায়রে ভৗটিয়ৗলি সেরেঞ
 মনে তালারে উইহৗরে সেতেঞ ।
   ও হায়রে তেরদেচ ঞিদৗ
 সানাম খনাঃ আরগে জুদৗ ।
    ও হায়রে জানাম দিশম
 রৗসকৗ রমজ অৗডি বিসম ।

+=~-=~-=~-=~-= ᱛ =~-=~-=~-=~-=+

 ৭।।

লেবড়া ভঁদড়

বাড়তাং সরেন

 
মৗঝহী হাড়াম গড়মকোড়া ভঁদড় আডিয় লেবড়া
 যাঁহায় ঞেলা সুর সামাং, সাব তরাগেয় হৗম্বুড়া।
লৗডু পিঠৗ জঁডরা রাপাঃ হাড়াম শুকরী ঠৗবু
ঞেল লেখানে লাহা গদঃ একাল কাবা কুবু।

 

জম জিনিসে ঞেল লেখানে বাং গেচয় থিরঃ আ
কৗমি সানাম বৗগি কাতেঃ দন দনতেয় লাহাঃ আ,
সেতাঃ খনাঃ হানা নাওয়া চেৎকোচয় আবাড়া
বাং যুদিয়েম এমালেখান আডি গেচয় হমরা।

 

আগুলেদায় লিচু বিলি মিৎদিন গড়ম হাড়াম 
উর তরাগে ভঁদড় দয়ে লাকপ কেদা সানাম,
উশৗরৗতে জজম জখেচ লিচু জাং উৎ লেদায় 
 ভিতরী একাল বলয়েনা নিতং চেৎ এ চেকায় !

 

আজম কেদায় ভঁদড় বাবু, জাংখন সৗরি দারে
নোওয়া কাথা বাডায় মেনাঃ, আডি গেচো মারে,
গোটা ঞিদৗ হায় , লুকুৎ লুকূৎ বতর জ্বালা মন
লিচু দারে দ ভুটুঃ ওডোং বহঃ তালা খন।

 

 ভঁদড় আপাত রান আগু দ ডাক্টর ঠেনে চালাঃ
 ভঁদড় দয়ে জমকেদা হায়, দুমুর রাসা সালাঃ
দসার হিলোঃ সেতাঃ তরা বাড়গে লাতার কোরে
লিচু জাং দ বুজুর এনা দারে দানাং কোরে।
 

লিচু জাং মা ঞেলতে ভঁদড় আডিয় রৗস্কৗয়েনা
ফুলৗও আকান লাচ্ হঁ সৗরি একাল চপৎ এনা !
এন হিলোঃখন ভঁদড় দয়ে মনেয় গোটা কেদা
সন্তর আতে জজম হুয়ুঃ, অনায় রিকৗয়েদা।

+=~-=~-=~-=~-= ᱛ =~-=~-=~-=~-=+

 ৮।।

উডৗন গাডি

সুচাঁদ হাঁসদা

 

উডৗন গাডি উডৗন গাডি ,
আমদম চালাঃ চটতে আডি ৷
বাং কানাম কি আলেরেন পেড়া ,
বাম হিজুঃ দ আলে অড়াঃ ?
হিজুঃ মেসে আলে অড়াঃ ,
দেচ কাতিঞ চালাঃ মামা অড়াঃ ৷
আরহুঁঞ চালাঃ সেরমা চেতান ,
হুডুর বিজলী দাঃ জখান ৷
ঞেঁলাঞ দাঃ দ তিনৗঃ মেনাঃ ,
ঞুঁরুঃ কান দ সেরমা খনাঃ ৷
ঞেঁল কোওয়ৗঞ ইপিল এঁগেল ,
তিনৗঃ মেনাঃ বিজলি সেঁগেল ৷
বেড়া সিতুং তিনৗঃ এলাং ,
চেত কয় জমা মেলাং চেটাং ৷
সিঞে তাঁহেন অকারে চাঁদো ,
সিঞরে চাঁদো অকারেয় আদোঃ ৷
ঞেঁল লাগিত সকতিঞ আডি ,
হিজুঃ মেসে উডৗন গাডি ৷

+=~-=~-=~-=~-= ᱛ =~-=~-=~-=~-=+  

 ৯।।

শিকৗরিয়ৗ

সমরলাল টুডু

 

আষাড় শান্ ঝারগে জৗপুৎ
বৗইদ সাঁও হড়ক তুপুৎ,
হাতাও গেয়াক মিৎ চুপুৎ
বাংখান দ বাংক উপুৎ ।

 

ঝিপির্ ঝিপির্ ইরচি দাঃ
বহঃ মচায় টুটি ঝাঃ,
বাংগেয় দৗড় বাং রাঃ
উপরুম গেত নোওয়া শিকৗরিয়ৗওয়াঃ ।

 

বিজলী মালকাঃ চেটের ঞুঁরুঃ
দিশৗকয় আয়িচ্ বঁগা বুরু,
রেয়াড়তে হড়ম বাং ঠুরু ঠুরুঃ
বৗড়িজ্ বঁগা বাংক শুরুঃ।

 

হাদার্ হাদার্ গাদার্ হয়তে
উমুলাকান গুঁগুঁ চাতমে গয়তে,
অতা কাঁড়বায় তাড়াম তহয় তহয়তে
জিরওৗ বৗনুঃ চাবাহুয়ুঃ সময়তে।

 

সাহাও কাতে রেঁগেজ্ তেতাং
মচাতেদয় আড়াং  ভেতাং ভেতাং,
হাপেন কাথায়  উইহৗর ভুতাং
ঢুলা পেরেজ্ হুড়ু চাওলেয় আতাং।

 

সময় রেনাঃ অনা কৗমি
সরেস গেয়া যত খনাঃদৗমি,
হাপে কাতে আলম নেকামি
বাংখানেম কাস্তাঃ হুয়ুঃ বোকামি ।

 

এ—বাবু  সোনা  মিরু
আঁজমমে বাংখান্ মেতামক টিরু,
হিরখৗমেক সানাম যেমন ইচ্ উরু
আমঠেনদ অকয়গে বায় শুরুঃ।

+=~-=~-=~-=~-= ᱛ =~-=~-=~-=~-=+

 ১০।।

জিৎকৗর

সীতেন মাণ্ডি

 

আলে বাবু হৗতি সাদম
কিরিঞ কোওয়ায় হাপেন
চাঁড় চাঁড় হারাঃ সানায়
জমায় গুড় গতম তাবেন।

 

সেরমা রেণ চাঁদ লেকা
মনে তায়ে মারশাল
শিখনৗৎ আরজাও কাতে
আকিল বৗতিয়ে আরশাল।

 

আঁধা পৗতিয়ৗও সাহা কাতে
   তাড়াম হরে লাহায়
বেস মনে নাপায় কাথা
বৗড়িচ্ বায় মেতাক যাঁহায়।
 

হড় লেকা হড়ে হুয়ুঃ
মনে মেনাঃ তায়া
এড়ে কাথা বাংএ রড়া
একাল সৗরি কাথায় লৗই আ।

 

সৗরি হর গে বাঞ্চাঃ দাড়ে
  সৗরি রেগে জিৎকৗর
সৗরি হরতে তাড়ামে রিকায়
যত হড় ক মেতায় নাপায়।

 +=~-=~-=~-=~-= ᱛ =~-=~-=~-=~-=+

১১।।

তালে দারে

নিতাই টুডু

 

তালে দারে ইঞদ
      উসুল গিয়ৗঞ অৗডিগে,
হারাঃ অৗঞ, উসুলঃ অৗঞ
         অৗডি ঘিড় ঘিড়গে।।

 

তালে দারেরে তালে জঃ আ
       ঠাম্পা ঠুম্পু বহঃ লেকা,
তালেজ বিলি লেনখান
       ঞুরুঃ আ চেটের লেকা  ।।

 

তালে রস আর, হলংতেক তেয়ার
      তালে ডুম্বুঃ, আর পিঠৗ ,
তালে রসক উডুক জখেজ্
       মেরা লেকাক সিঠৗ ।।

 

হয় বাড়ডুরে তালে সাকাম
          হাডার হাডার সাডে ,
অঁনা আঁজমতে চেঁড়ে কঁহ
    উডৗও  আক হাঁডে নাডে।।

 

তালে সাকামতে পৗখিয়ৗক তেয়ার
         দাঃ গে বাং  জরঃ,
পৗখিয়া পটম কাতেত কৗমিক ক চালাওলেনখান
          গংঘা পটম লেকাক ঞেলঃ।।

+=~-=~-=~-=~-= ᱛ =~-=~-=~-=~-=+

 ১২।।

বেওহার

বিভূতি ভূষণ সরেন

 

আয়ু বাবা ঠেন সেড়া আকাৎ
          মৗনমী চেতান ' বেওহার ',
জিয়ন রেনাঃ সানাম কৗমিরে
          নাপায়ঃ তাড়াম ডাহার।

 

লৗটু কৗটিচ্ ঝত কঠেন
         মুলুচ্ লাঁদা তে রড়,
মৗনমী জিয়নরে নওয়াগে উপরুম
          খজঃ ক সানাম হড়।

 

জোর আড়াং এড়ে কাথা
       বাং অডকঃ ভিতির খন,
অন্তর তালা বৗনুঃ খল
              সাফা গেয়া মন।
 

রড়-রপড় লাঁদা তাম
              জখা জখা তে,
সানাম হড় দিশৗয় তাম
           আমাঃ ' বেওহার ' গে।

+=~-=~-=~-=~-= ᱛ =~-=~-=~-=~-=+

 ১৩।।

জৗপুৎ ভজ

কানন হাঁসদা

 

জৗপুৎ দিন, সাতে কুডৗম
          ভিন্দৗড় আকানায়  উরু
বারয়া মুচ ,আডি রৗসকৗ
           পাড়াও আকান জুড়ু !
হহয় দাঃকিন, কিড়িড় কিড়িড়
               দে দেলা, দে দেলা যত    
তেহেঞ দিন ,জিল দাকা
                   আডি  সড়ম গেচঃ !
অকয়  ক দোঃ , বহোঃ তিকি         
            অকয় কদোঃ লাচ কাটা
জাং মেনা,লৗটু  লৗটু         
               অকয়া ,লাসের ডাটা !
জৗপুৎ তে অড়া,চাপেয় এনা
       জম দো ,জাওরা আকান
গের আতে , মুচাঃ মুচাঃ
              তিহিঞ হৗটিং  সমান !
রড় কাথা ,বৗনু তাকু
      আডি কৗমিরে জুপড়া ও
হানা ঘুটু, নোওয়া ঘুটু
     অকারে  চুন্দাঃ সাপড়াও !
মুচ পুরুধুল,মেমেন কেদায়
      তিহিঞ দো রহড় জম
আজম কাতে,আডি রৗসকৗ
       আডি রৗসকৗ দন !
অকা সেচখন,মিত চেড়েই
        আফির হেচ এনায়
হালো কাতে ইদি কেদেয়
         হৗনিই চালাও এনায় !
মায়াঃ মুয়ুঃ ,কয়োঃ খৗলি
                  জৗপুৎ অক্ত ভজ      
পাড়াও পাড়াও ,বাক পাড়াও লেন 
                মনরে দুখ বুজ

+=~-=~-=~-=~-= ᱛ =~-=~-=~-=~-=+

 ১৪।।

পৗউল জুঝৗর সরেন

দুগাই টুডু

 

হড়কো কদকো লৗই গেয়া
     মিৎটেন হড়াঃ অনা,
চুন পাড়ারে জানাম লেনায়
    সাহেব গঞ্জরে হেনাঃ।

 

আপাৎ ঞুতুম তায়দ মেনাঃ
      মুন্সি পান্ডু সরেন,
সানাম গেকো মেন গেয়া
      আডে পাসে করেন।

 

আই.এ. পাস কাতেৎ
      উনরে উনি আদ,
স্পেশাল ডেপুটি ইন্সপেক্টর কাতে
     কৗমি জিরৗও এনদ।

 

সাঁওহেৎ চারচা করে হানে
     হেওয়া বাড়া লেনা,
ভাগে লেকা অনড়হেঁ কদ
      হানে অলগে মেনাঃ।

 

‘বাহা ডৗলওয়ৗ’ পুঁথি আজাঃ
      ছাপা উছৗন লেদায়,
নাপায় গেচো কাথা গাবান
      রড় বাড়া এদায়।

 

পৗহিল অনড়হেঁ পুঁথি মেনা
       আঁজম গদঃ অনা,
পাসেচ্‌ হড়াঃ সাঁওহেৎ রেদ
      রেহেদ্‌ লেকা কানা।

 
এনেম লৗগিৎ তেগে জিয়ৗড়
     এনা সাঁওতা তালা,
জায় যুগগে দিশৗ গদে
     অন্তর তালা মালা।

+=~-=~-=~-=~-= ᱛ =~-=~-=~-=~-=+

 ১৫।।

মৗইলৗ মনে

সনাতন টুডু

 

হলা ঞিদৗ ঝমর ঝমর
দাঃএ জৗড়ি কেঃআ,
মানু বুড়হিয়াঃ কুঁবৗ অড়াঃ
রৗপুদ্‌ ঞুরেন তায়া।

 

দৗড় কেঃআয় উমুলঃ লৗগিৎ
ভগান তেকো অড়াঃ,
হহয় রেহঁ বাংকো ঝিজৗ
মারাং বৗখুল অড়াঃ।

 

হহয় বুডহি জোর জোরতে
সিলপিঞ ঝিজ্‌ পেসে,
আঁজম কাতেদ্‌ বাংকো আঁজম
যুদিয় ডৗন কানসে?

 

তালা ঞিদৗ মানু বুডহি
দারে বুটৗয় চালাঃ,
সেতাঃ আঁগা লেনখান গে
জাঁহা রেগেয় চালাঃ।

+=~-=~-=~-=~-= ᱛ =~-=~-=~-=~-=+

 ১৬।।

গেডে

 দুর্গাচরণ মুরমু

 

ডভাঃ নালা পুখরী গৗডিয়ৗ
আতিঞ আকো সেডে বেডে
রকচ রটে জম সঁডে
হড়কো মেতাও আকো গেডে।

 

জৗপুৎ জৗড়ি আতো কুলহি
তাড়াম আকো থিয়ে থাপে
হটঃ হিলৗও পেক্‌ পেক্‌
দাঃ তালা উনুম চাপে।

 

সেতাঃ খনাঃ সিঙ্গৗড় হৗবিচ
উবুল ডুবুল দাঃ তালা
হাকো কাটকম লেডেৎ সাব
খিল্ডু এনেচ রৗস্কৗ শালাঃ।

 

জাহা তিনৗঃ জম রেহঁ
লাচ্‌গে বাং বিঃ তাকো
অকৎ তাকো ঢেব ঢেবে
আরহঁ জমাঃ সেন্দরায় আকো।

 

বেড়া হাঁসুর অড়াঃ রুয়ৗড়
তাহেন রেহঁ ক হান্তে নাতে
একাল বাং ক হিড়িঞ
অড়াঃ বলন পান্তে পান্তে।

 

+=~-=~-=~-=~-= ᱛ =~-=~-=~-=~-=+

 ১৭।।

লৗড়হৗই সাপাপ

বাবলু সরেন

 

সিম তুপুৎ শিকৗরিয়ৗ
এটাঃ সিম পাহুড় লৗগিৎ
লাসের এদায় কৗইৎ ।

বির সেন্দরা শিকৗরিয়ৗ
জীব জিয়ৗলি সেন্দরা লৗগিৎ
লাসের এদায় লৗড়হৗই সাপাপ ।

হপন বাবু আমদ অকা লৗড়হৗইরে
চেৎ এম সেন্দরায়া
উকুর তাম সাপাপ ?

খাতা কলম ইঞৗঃ সাপাপ
বুদ আকিল ইঞ সেন্দরায়া
লাসের তিঞৗঞ হাতাং ।

+=~-=~-= ᱛ -=~-=~-=+

 ১৮।।

গড়মবাহাঃ চশমা

দুলৗড় বিটি

 

ঘানে ঘানে গড়মবায় হহয়
      এয়া অকায়েনাপে,
চশমা মাতো আৎ আকান তিঞ
    এয়া পাঁজা কৗতিঞ পে।

 

আঁজম তরা গড়ম কড়াঃ-কুড়ি কদ
      ধুরৗওয়েন কো পাঁজা,
অকয় লাহায় সেটের আয়া
      উনিগেয় ঞামা মাঁজা।

 

পাঁজা পাঁজাতে কৗরিঘাম এনাকো
          আর তিনৗঃক খাটা,
গড়মবা সেন কয়ঃ কাতে ঞেল এদাকো
        মেৎরেগে মেনাঃ লাঠা।

 

=O=O=O= মুচৗৎ =O=O=O=