আবোওয়াঃ ডিজিটাল ডেক্স-
হলা
২ অক্টোবর, পুরুলিয়ৗ জিলৗ বান্দোয়ান রেনাং সাসাং বেডারে মৗঝি রামদাস টুডু 'রেসকা' আঃ ১৬৮ আনা জানাম মাহা মানাও হুয় পারমেনা। আখড়া সৗহিজুহি লেদায় সানতালি লিটারেরি ফোরাম আতাং দারামরে তাঁহে কানাকো সাসাং বেডা সাঁওহেৎ মাডের রেন রৗসিয়ৗকো।
মানতান মৗঝি গংকেয়াঃ জানাম মাহা সাঁওতে মাহাত্মা গান্ধীয়াঃ জানাম মাহা হঁ দিসৗ উইহৗর তরা এনা। নেওতা পেড়া লেকাতে সেটের ক তাঁহেকানা ঞুতুমান অনলিয়ৗ অনড়হিয়ৗ গোমস্তা প্রসাদ সরেন ,'সিলি' পাথাম রেন শিরৗ সা-সাপড়াওয়িচ্ মানতান কলেন্দ্রনাথ মান্ডি ,'তেতরে' পাথাম রেন সা-সাপড়াওয়িচ্ মানতান মহাদেব হাঁসদা ,অনলিয়ৗ সুনিল চন্দ্র হাঁসদাঃ গংকে। সাঁওতে বান্দোয়ান টঠারেন সাঁওহেৎ দুলৗড়িয়়ৗ, দরদিয়ৗ , সুসৗরিয়ৗ , অনলিয়ৗ, অনড়হিয়ৗ আর কলেজ পৗঠুওয়ৗকো।
নেঁওতা পেড়া লেকাতে আখড়ারে মানতান টুডু গংকেয়াঃ "খেরওয়াল বংশ ধরম পুঁথি "ইদি কাতে সাঁওতা চেতানরে তিনৗ এনেম। জিয়ন কৗহনি তায় অড়ে অড়পাৎ মানতান কক গালচ কেদা। সাঁওতে মাহাত্মা গান্ধীয়াঃ কাথা হঁক লৗয় তরা কেদা। সেরেঞ অনড়হেঁ পাড়হাও তালাতে আখড়া দ জমকাও লেনা ।
মানতান কলেন্দ্রনাথ মান্ডিয় লৗয় রাকাব কেদা যে ,অনলিয়ৗঃ ঞুতুমতে নিৎ কলেজ বিশ্ববিদ্যালয় রেনাং ঞুতুম ছৗটিয়ৗর বাং হুয় আকনা। ছৗটয়ৗর হুয় লেনখান অনলিয়ৗ মারাং মৗনে ঞামকেয়া মেনতে পুসটৗউ কেদা ।
নওয়া আখড়ারে অনলিয়ৗ ,অনড়হিয়ৗ, ঞেঞেলিয়ৗ আঁজমতেন কো সারহাওনা চাল কাতে সভা গংকে আখড়ায় মুচৗৎ কেদা।
.webp)
.webp)
