ডাঃ সুরেন্দ্রনাথ মান্ডি
১৪ জুন হিলোঃ দ ধৗরতি জাকাত মায়াম দান মাহা’ পালাওয়ঃ আ। জাঁহায়
কদ আকো কুশিতে আর বেগর গনং তে মায়াম দান কাতে লাখ লাখ মৗনমিয়াঃ জিউয়ি কো বাঞ্চাও এদা
ওনকো সন্মান এমাওয়াকো সাঁওতে সানাম মৗনমি কো মায়াম দান লৗগিৎতে চেঁহগাও, রৗস্কৗ সারসাও
অচ কো লৗগিৎ তেগে নোওয়া মাহা পালাও রেয়াঃ জস্ দ।
রোগ-আজার তাঁড়গমতে আর এটাঃ অজে কতে হড়ম’রে মায়াম আধি আ, আর
বাংখান জাঁহান দুর্ঘটন তে হড়ম’ ঘৗল কাতে হড়ম’ খন মায়াম জৗসতি অডক লেনখান বৗই বৗইতে
জিউয়ি বৗতি হঁ ইঁড়িজ্ দাড়েয়াআ, অনা খৗতির তেগে বাহ্রে খন হড়ম’রে মায়াম সারভার রেয়াঃ
লৗগতিদ।
জাও সেরমাগে ৮ কোটি ইউনিট মায়াম মৗনমি আকো কুশিতে কো দান আ।
নোওয়া ক খন শায়কাড়া ৩৮ হৗটিঞ মায়াম দ হিজুঃ আ ‘লাহা চালাঃ কান’ দিসম খন। এনতেরেহঁ ধৗরতি
জাকাত রেনাঃ আয়মা দিসম রেগে, মায়াম রেনাঃ লৗগ্তি হোয় লেনখান টেঁহাড়ঃ হোয়োঃ আ আপনার
পুরিবার রেন রৗসয়ৗ আর বাংখান গাতে কোওয়াঃ দান মায়াম চেতান আরহঁ আয়মা দিশম রেগে আজারান
কো লৗগিৎতে মায়াম কো এমা কৗউডি-পৗতি বাদালতে। মেনখান বুগি (নিরাপদ) মায়াম সারভার রেনাঃ
গৗহির খাম খুন্টি দ কানা আকো কুশিতে বেগর কৗউডি পৗতিতে এমাঃ দান। চেদাঃসে ওনকোওয়াঃ
মায়াম দ সাধারনত কৗউডি বাদালতে এমাঃ মায়াম খন নিরাপদ আ, মেনমা জিউয়ি নাসাও, তাঁড়গম
এইচ্.আই.ভি. আর হেপাটাইটিস আজারতে তাঁড়গম রেনাঃ বতর কমঃ আ।
আকো কুশিতে মেনমা বেগর-কুড়ৗইতে মায়াম দান কো সন্মান লৗগিৎতেগে
তেহেঞ ১৪ জুন, মাহা দ ধৗরতি জাকাত মায়াম দান মাহা লেকাতে মানাও-পালাওয়ঃ কানা। নোওয়া
রেয়াঃ আর মিৎ মৗহিমা দ তেহেঞা মাহারেগে নোবেল শিরপৗ হামেটিয়ৗ গৗহিরাকিলৗন কার্ল ল্যান্ডস্টিনাঃ
জানাম দ, জাঁহায় দ মায়াম রেনাঃ গ্রুপ এ, বি, এবি, আর ও-য় বাছনাও লেদা।
.webp)
