মিৎ ভিডিও রিপোর্টিং তালাতে রূপাই মুরমুওয়াঃ মচা খনগে বাডায় আকানা- আসাম হুদৗরে অকয় আদিবাসী হড়হঁ ধরম ঞুতুম লৗইতে নুন মারাং জায়গা কো দান আকাদা মেনতে বাডায় বৗনুঃ আকাৎ তায়া। নোওয়া হঁয় লৗই তরা আকাদা বাংমা নোওয়া জায়গা দান কাতে আচ্ দ কুশি-রৗস্কৗ গেয় আটকার আকাদা। অজে লেকাতে লৗই আকাদায়- বাংমা আবো হড়দ, জৗতি-ধরম ইদিকাতে নিৎ হঁবন লৗড়হৗই তাপাম গুজুঃ কানা। উনিয়াঃ আরহঁ মেন তায় হাপেন আচ্ বায় তাঁহেনরেহঁ আবোরেন আদিবাসীকো নোওয়া আশ্রম চালাও কাতে সে নোওয়া আশ্রম সাঁও জপড়াও তাঁহে কাতে সুখ-শান্তি তেকো তাঁহেনা।
রূপাই মুরমু গোমকে নোওয়া হঁয় সদর তরা আকাদা- এখেন আশ্রম বেনাও সে মন্দির খৗতির দ বায় দান কেয়া। নোওয়ারে ইস্কুল বেনাও রাকাপ্ রেনাঃ কাথাহঁ মেনাঃ আকাদা। জাঁহারে আদিবাসী হড় গিদৗর কো পাড়হাও দাড়েয়াঃআ আর মাচেৎ লেকাতেদ এখেন সান্তাড় মাচেৎ গেকো তাঁহেনা মেনতে লৗই আকাদা।
নোওয়া হাসা দান কাতে নুন মারাং আশ্রম বেনাও রাকাপ্ কানা সে ইস্কুল বেনাও রাকাপ্ কানা নোওয়ারে আতো হড়াঃ গড় চেৎ লেকা ঞামঃ কানা মেনতে উনি ঠেন কুকলি দহ লেনরে, নোওয়া কুকলি রেনাঃ তেলারে মানতান মুরমু গোমকেয় লৗই আকাদা বাংমা নোওয়া ইদিকাতে আতোরেন মাঝি বাবা সে পারানিক বাবা মিৎ দিন লৗগিৎ হঁ আকিন কুশিতে নঁডে বাংকিন হেচ্ আকানা- নোওয়া বেশ সে বৗড়িচ্ হোয়োঃ কানা মেনতে ?
তবে আতোরেন মাঝি বাবা আর পারানিক বাবা কিন লৗই সদর আকাদা বাংমা- এহব রে উনি মিৎ ধাও এ লৗই লেদা আতোরে ইস্কুল বেনাও লৗগিৎ আয়াঃ নোওয়া জায়গায় দান আ। উনরে কাথায় আতো হড় হঁ রৗস্কৗ কো সদর লেদা। তায়মতে যখন আয়মা গৗডি হেচ্ সেন এনা আর বৗলি,সিমেন্ট এমান হেচ্ ধুরৗও এনা উনরেকো বাডায় ঞাম কেদা বাংমা নঁডেদ মিৎ টাং আডি মারাং আশ্রম বেনাও রাকাপ্ লৗগিদঃ কানা। যাঁহাদ ISKON লেকান মিৎ মারাং সংগঠন এ পুরিচালনায়া।
নঁতে ISKON রেন গে মিৎ কৗমিয়ৗ হঁয় লৗই আকাদা বাংমা নঁডে খন গে আদিবাসী গিদৗর কোওয়াঃ সেচেৎ সাঁওতে আদিবাসী কোওয়াঃ অর্থনীতি চেতান সে ভৗলৗই কৗমি রেনাঃ মিৎ মারাং পুরিকল্পনা হাপেন দিনরে মেনাঃ আকাদা।
নিৎ কুকলি রাকাপ্ কানা নংকান দান ইদিকাতে রূপাই মুরমু গোমকে আদিবাসী মহলরে অকা সাঁদেশ এ চাল কেদা ? আয়মা হড়াঃ আরহঁ কুকলি রাকাপ্ দাড়েয়াঃআ তবে চেৎ দারায়কান দিন রেনাঃ ‘পদ্মশ্রী’ শিরোপা হামেট লৗগিৎ রূপাই মুরমু গোমকে হঁ হর এ সাফা দহ কাদা ? কুকলি তাঁহেন কান গেয়া।
.webp)
