সিঁগি মাহা রেনাঃ সাকাম ‘চেরেচ্ আড়াং’ লেখা- ৪২

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, গাতে টুওয়ৗর, বাড়তাঙ সরেন,  দুগাই টুডু, সনাতন টুডু, রামলাল টুডু, কিস্কিন্ধ্যা  মুরমু , সীতেন মান্ডি, সুচাঁদ হাঁসদা, বিভূতি ভূষন সরেন, সেঁগেল মারমার, হারাধন সরেন।

 

রিলৗমালা মুরুমু, ক্লাস- IV
জেলা - পুরুলিয়া

১।।

ᱜᱤᱫᱽᱨᱟᱹ ᱵᱟᱹᱣᱞᱤ

ᱥᱩᱵᱩᱫᱤᱭᱟᱹᱢᱩᱨᱢᱩ

        ᱑)

ᱫᱟᱹᱲ ᱫᱟᱹᱲ
ᱨᱟᱹᱲ ᱨᱟᱹᱲ
ᱛᱟᱥᱮ ᱦᱩᱲᱩ
ᱦᱟᱹᱨ ᱠᱷᱟᱹᱲ ᱿

        ᱒)

ᱥᱤᱢ   ᱯᱟᱸᱡᱟ
ᱵᱟᱭ  ᱟᱯᱟᱡᱟ
ᱥᱮᱛᱟᱜ ᱟᱹᱭᱩᱵᱽ
ᱠᱮᱭᱟ  ᱠᱩᱭᱩᱵᱽ ᱿

        ᱓)

ᱦᱩᱣᱟᱹ ᱪᱩᱠᱟᱹᱜ
ᱰᱩᱸᱝᱨᱤ ᱰᱩᱯᱠᱟᱹᱜ
ᱦᱮᱸᱢᱮᱲ ᱢᱩᱭᱩᱜ
ᱨᱟᱺᱰᱤ ᱛᱩᱭᱩᱜ ᱿

       ᱔)

ᱧᱮᱞᱮ ᱫᱩᱢᱩᱨ
ᱫᱩᱨᱩᱢ ᱫᱩᱨᱩᱢ
ᱪᱷᱟᱛᱟ ᱨᱮᱜᱮ
ᱩᱨᱩᱢ ᱥᱩᱨᱩᱢ ᱿

       ᱕)

ᱥᱟᱺᱜᱤᱧ ᱵᱤᱨ
ᱛᱤᱸᱜᱩ ᱛᱷᱤᱨ
ᱛᱤᱱᱟᱜ ᱮᱢ ᱪᱟᱞᱟᱜ
ᱩᱱᱟᱹᱜ ᱜᱮ ᱥᱟᱦᱟᱜ ᱿

᱿᱿====== ᱛ ======᱿᱿

২।।

ᱤᱛᱩᱱ ᱟᱥᱲᱟ

ᱜᱳᱯᱮᱥᱣᱚᱨ ᱢᱟ.ᱱᱰᱤ,

 

ᱟᱞᱮ ᱠᱩᱞᱦᱤ
ᱢᱩᱪᱟ.ᱫ ᱨᱮ
ᱤᱛᱩᱱ ᱟᱥᱲᱟ ᱦᱮᱱᱟᱜ,
ᱚᱞᱚᱜ ᱟ.ᱠᱤᱞ
ᱦᱟᱢᱮᱴ ᱞᱟ.ᱜᱤᱫ
ᱫᱤᱱᱳᱢ ᱪᱟᱞᱟᱣ ᱢᱮᱱᱟᱜ ᱾

 

ᱚᱠᱛᱚ ᱱᱟ.ᱯᱤᱛ
ᱤᱛᱩᱱ ᱟᱥᱲᱟ
ᱪᱟᱞᱟᱜ ᱟᱞᱮ ᱫᱤᱱᱳᱢ,
ᱢᱟᱪᱮᱫ ᱠᱚᱣᱟᱜ
ᱠᱟᱛᱷᱟ ᱞᱮᱠᱟ
ᱛᱟᱲᱟᱢ ᱟᱞᱮ ᱥᱤᱱᱳᱢ ᱾

 

ᱟᱞᱮ ᱛᱟᱞᱟ
ᱥᱩᱞᱩᱠ ᱥᱟ.ᱜᱟ.ᱭ
ᱡᱤᱭᱟ.ᱲ ᱢᱮᱱᱟᱜ ᱛᱟᱞᱮ,
ᱦᱤᱡᱩᱜ ᱥᱮᱱᱚᱜ
ᱠᱮᱱᱮ ᱠᱚᱛᱮ
ᱨᱚᱲ ᱞᱟᱸᱫᱟᱭ ᱟᱞᱮ ᱾

 

ᱯᱟᱲᱦᱟᱣ ᱟᱠᱚ
ᱟᱸᱡᱚᱢ ᱟᱞᱮ
ᱞᱩᱛᱩᱨ ᱵᱤᱫ ᱠᱟᱛᱮ,
ᱵᱟᱝ ᱵᱩᱡᱟᱜ
ᱵᱩᱡᱽ ᱞᱟ.ᱜᱤᱫ
 ᱠᱩᱠᱞᱤ ᱫᱚᱦᱚᱭ ᱡᱟᱛᱮ ᱾

 

ᱯᱟᱲᱦᱟᱣ ᱮᱢᱚᱜ
ᱚᱲᱟᱜ ᱞᱟ.ᱜᱤᱫ
ᱯᱟᱲᱦᱟᱣ ᱟ.ᱜᱩᱭ ᱟᱞᱮ,
ᱤᱛᱩᱱ ᱟᱥᱲᱟ
ᱦᱮᱡ ᱠᱟᱛᱮ
ᱛᱮᱞᱟ ᱮᱢᱚᱜ ᱟᱞᱮ ᱾

᱿᱿====== ᱛ ======᱿᱿

 ৩।।

ᱵᱟᱪᱚᱠ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱫᱟᱨᱮ ᱟᱞᱚᱢ ᱫᱮᱡᱚᱜ ᱵᱤᱴᱤ
ᱧᱩᱨᱦᱟᱹ ᱜᱚᱫᱚᱜ ᱟᱢ ᱾
ᱫᱟᱨᱮ ᱟᱞᱚᱢ ᱫᱮᱡᱚᱜ ᱵᱤᱴᱤ
ᱛᱤ ᱡᱟᱸᱜᱟ ᱨᱟᱹᱯᱩᱫᱚᱜ ᱟᱢ ᱿

 

ᱟᱭᱳ ᱵᱟᱵᱟ ᱢᱟᱱᱟ ᱠᱟᱛᱷᱟ
ᱫᱮ ᱟᱸᱡᱚᱢ ᱢᱮ ᱾
ᱫᱟᱨᱮ ᱟᱞᱚᱢ ᱫᱮᱡᱚᱜ ᱵᱤᱴᱤ
ᱟᱬᱜᱳ ᱦᱤᱡᱩᱜ ᱢᱮ ᱿

 

ᱫᱟᱨᱮ ᱫᱮᱡᱚᱜ ᱵᱟᱝ ᱵᱷᱟᱜᱤᱭᱟ
ᱫᱮᱞᱟ ᱟᱬᱜᱳᱱ ᱢᱮ ᱾
ᱟᱢᱜᱮ ᱫᱮᱞᱟ ᱫᱩᱞᱟᱹᱲ ᱵᱤᱴᱤᱧ
ᱜᱷᱚᱬᱟ ᱟᱪᱩᱨ ᱢᱮ ᱿

᱿᱿====== ᱛ ======᱿᱿

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (᱑᱑)

ᱥᱨᱤᱠᱟᱱᱛᱚ ᱥᱚᱨᱮᱱ

ᱱᱟᱜᱟᱨ ᱨᱮ ᱫᱚ ᱟ.ᱰᱤ ᱡᱟ.ᱥᱛᱤ ᱦᱚᱲ ᱠᱚ ᱛᱟᱸᱦᱮᱱᱟ᱾  ᱡᱟ.ᱥᱛᱤ ᱚᱲᱟᱜ ᱜᱮ ᱡᱮᱯᱮᱫ-ᱡᱮᱯᱮᱫ ᱾ ᱚᱲᱟᱜ ᱪᱮᱛᱟᱱ ᱚᱲᱟᱜ ᱵᱮᱱᱟᱣ ᱠᱟᱛᱮ ᱠᱚ ᱛᱟᱸᱦᱮᱱᱟ᱾ ᱰᱟᱦᱟᱨ ᱠᱚᱨᱮ ᱥᱟᱨᱟ ᱫᱤᱱ ᱵᱷᱮᱲ᱾ ᱜᱟ.ᱰᱤ ᱠᱚ ᱵᱟᱦᱟ ᱢᱟᱞᱟ ᱞᱮᱠᱟ ᱛᱤᱧ ᱠᱚᱜ ᱻᱟ᱾ ᱱᱟᱜᱟᱨ ᱦᱚᱲᱟᱜ ᱫᱚ ᱪᱟᱥ ᱞᱮᱠᱟᱱ ᱡᱟᱭᱜᱟ ᱵᱟ.ᱱᱩᱜᱻᱟ᱾ ᱱᱚᱸᱰᱮ ᱫᱚ ᱚᱯᱷᱤᱥ ᱟᱨ ᱠᱟᱨᱠᱷᱟᱱᱟ ᱡᱟ.ᱥᱛᱤ᱾ ᱦᱚᱲ ᱠᱚ ᱱᱚᱣᱟ ᱠᱚᱨᱮ ᱠᱟ.ᱢᱤ ᱠᱟᱛᱮ ᱠᱟ.ᱶᱰᱤ  ᱠᱚ ᱨᱳᱡᱜᱟᱨ ᱻᱟ᱾ ᱞᱟ.ᱴᱩ ᱼ ᱞᱟ.ᱴᱩ ᱦᱳᱴᱮᱞ ᱠᱚᱦᱚ ᱱᱚᱸᱰᱮ ᱢᱮᱱᱟᱜ ᱟ᱾

ᱠᱳᱞᱠᱟᱛᱟ ᱢᱤᱫᱴᱟᱝ ᱟ.ᱰᱤ ᱢᱟᱨᱟᱝ ᱞᱟ.ᱴᱩ ᱱᱟᱜᱟᱨ᱾ ᱱᱚᱸᱰᱮ ᱴᱨᱟᱢ,ᱵᱟᱥ,ᱴᱮᱠᱥᱤ, ᱥᱟᱫᱚᱢ ᱜᱟ.ᱰᱤ ᱮᱢᱟᱱ ᱢᱮᱱᱟᱜ ᱻᱟ᱾ ᱱᱚᱸᱰᱮ ᱫᱚ ᱚᱛ ᱞᱟᱛᱟᱨ ᱛᱮ ᱨᱮᱞ ᱜᱟ.ᱰᱤ ᱞᱟᱞᱟᱜ ᱻᱟ᱾ ᱱᱚᱣᱟ ᱫᱚ ᱢᱮᱴᱨᱳ ᱨᱮᱞ ᱠᱚ ᱞᱟᱹᱭ.ᱻᱟ᱾ ᱵᱟᱨᱛᱟᱞᱟ ᱵᱟᱥ ᱜᱟ.ᱰᱤ ᱦᱚ ᱢᱮᱱᱟᱜ ᱼᱟ᱾ ᱫᱟᱜ ᱡᱟᱦᱟᱡ ᱠᱚ ᱫᱚ ᱠᱷᱤᱫᱤᱨᱯᱩᱨ ᱠᱷᱚᱱ ᱞᱟᱞᱟᱜ ᱻᱟ᱾ ᱟ.ᱞᱤᱯᱩᱨ ᱨᱮ ᱪᱤᱲᱭᱟ.ᱠᱷᱟᱱᱟ ᱢᱮᱱᱟᱜ ᱻᱟ᱾ ᱱᱚᱸᱰᱮ ᱫᱚ ᱠᱩᱞ,ᱛᱟ.ᱨᱩᱵ,ᱵᱟᱱᱟ,ᱦᱟ.ᱬᱩ, ᱛᱟᱭᱟᱱ ᱮᱢᱟᱱ ᱡᱤᱭᱟ.ᱞᱤ ᱢᱮᱱᱟᱜ ᱠᱚᱣᱟ᱾ ᱫᱚᱢᱫᱚᱢ ᱨᱮ ᱩᱲᱟ.ᱠᱚᱞ ᱟ.ᱲᱜᱳᱼᱨᱟᱠᱟᱯᱻᱟ᱾

  ( ᱛᱳᱸᱜᱮᱻᱟ...) 

᱿᱿====== ᱛ ======᱿᱿

৫।।

সেরমা দাঃ

সারি ধরম হাঁসদা

 

এ-দাঃ  সেরমা দাঃ
              ঝিপির ঝিপির দাঃ,
ঠনক চিঁকৗড় কুলহি আলম
                 পুরমু লহদ্ কাঃ।

 

খেলোড আলে অঁডে আলে
                   পান- লুখি- ডেলে,
 অৗচির পৗচির অড়াঃ দুওয়ৗর
                   আলম অৗতুয় তালে।

 

এ-  দাঃ  সেরমা দাঃ
                  ঝিপির ঝিপির দাঃ,
 কুঁবৗ কুঁড়য়ৗ কাঁত মা তালে
                  আলম সড়ো কাঃ

 

আলাড় ডিরেন দুলৗড় মামা
                      তিসে হিজুঃ হিরি,
 লসদ্ আলম তাসে কাঃআ
                       অতরে চিরি বিরি।

᱿᱿====== ᱛ ======᱿᱿

৬।।

তারাল বাসাল

গাতে টুওয়ৗর

 

তুঁবৗ হতৎ      ভুয়ৗং হতৎ     বকাঃ হতৎ     ভুড়ভুড় ।
ডুমকৗ কঁঢা    জানতে কঁঢা    রপঃ এনা     দাড়দুড় ।।
ঘিন্নি চোড়োঃ     কাকড়া ডবঃ    কয়ঃ    মেটেমেটে ।
লটা বৗটি         থৗরি টৗটয়ৗ      ঢাবাও     তুতুপেটে ।।
চিঁয়ৗঃ চিঁয়ৗঃ     সিম হপন     বোরসে এঁগা     করৎ ।
রিটৗম পাট     তোয়ো মামা     হাড়াম সেতা    সঁবৎ ।।
দেন হাপা       দেন লৗঠি         দেন ঠেঁগা         দেন ।
পেচঃ কানায়    হাড়াম সেতা     অচঃ পেসে    মেন ।।
জেল কুটি    তওয়া বৗটি    বাগাও কেদায়      পুসি ।
হপন বৗবু       এখেন ঠৗবু      চপজ মেমা       কুসি ।।
সেরমা চটে     ইপিল বাহা      লাঁদা তাকো     খিটি ।
অত কয়ঃ        চট কয়ঃ       ভিঁদৗড়েনায়        বিটি ।।

᱿᱿====== ᱛ ======᱿᱿

৭।।

বানাম রাজা

বাড়তাঙ সরেন

  

আলে রাচায় সেটেরেনা 
                        লৗটু বানাম গুরু
সাঁঙ্গিঞ রেতায় আতো দিশম
                           হানে মড়ে বুরু।

  

কেঁকোঁ কেঁকোঁয় রেতায়েদা
                    সেরেঞ ঞঁহড় ঞঁহড়
সেরেঞ রাহা সাঁওতে বানাম
                     একালতে আডি জড়।

  

রৗস্কৗ জালা লান্দাওয়াতে
                          দৗড়হী ডুবুঃ ডুবুঃ
ঘানে ঘানে আচুর বিহুর
                      হিলৗও রাবাঃ রুবুঃ।

  

সেরেঞ এদায় নাগাম সেরেঞ
                              সিধু--কানু কাথা
পিলচু হাড়াম পিলচু বুঢি
                  সেদায় সিরজন কাথা।

  

মৗনমী কওয়াঃ জানাম কাথা
                        সাঁওতা পরব পৗলি
আডি সরেশ বিন্তিয়েদায়  
                         সনত আরিচৗলি।

  

আখড়া মুচৗৎ ওডোকেনায়
                     হায়রে বানাম রাজা
একাল সৗরি বায় লিচৗড়া
                   আচ্ মনেরেন রাজা।

᱿᱿====== ᱛ ======᱿᱿

৮।।

জানাম আয়ো

দুগাই টুডু

 

জানাম আয়ো দাকা উতুয়
        মারাং অড়াঃ কোনা,
অলঃ পাড়হাঃ ইঞগে আদ
        তুরৗৎ দুড়ুপ আনা।

 

মনে মুরুক কৗমি কানায়
       অড়াঃ ভিত্‌রি অনে,
অকা জখান রাগ্‌গে তায়া
       আজাঃ জিউয়ি মনে।

 

ঞেলরে উনি কুলি গদেঞ
      অকয় এগের মেসে?
অকয় আদ চেৎকো মেতাম
       লৗয়মে দেলা দেসে।

 

অনে ওহায় পেঁড়ে পেঁড়েয়
        মেৎদাঃ জরঃ গদায়,
মেতায় রেমা বাচয় রড়া
         কুসুৎ কুসুৎ এদায়।

 

বাবা বৗনুয় তিঞতে পাসে
         উনি নংকা এনা,
হুদিস বাড়া তেগে তেহেঞ
        মাহা বিতৗও কানা।

᱿᱿====== ᱛ ======᱿᱿

 ৯।।

বাবু তালে

সনাতন টুডু

 

আলে বাবুয় দাকায় জমা
আডি আকা লাকা,
অলঃ পাড়হাও অক্‌ত রেদ
হাতোয়া বাডায় পাখা।

 

হড়কো জমা লগন লগন
আচ্‌দ মেকেজ্‌ মেকেজ্‌,
অলঃ পাচেদ্‌ হোয়োঃ তায়া
অনাতে হরেয় কেচেদ্‌।

 

খিলডু এনেচ্‌ বেড়া রেদ
আচ্‌গে মারাং দাদা,
এনেচ্‌ রেনাঃ ঝত থক্‌রে
আচ্‌গে তাড়াও মাদা।

 

সেতাঃ খনাঃ আয়ুব ধৗবিচ্‌
আডি জুরেয় অজ।
দাল জম অক্‌ত রেদ
শুধু লৗডুয় খজ।

᱿᱿====== ᱛ ======᱿᱿

১০।।

পৗতনি

রামলাল টুডু

 

 পৗতনি আমদ অকাম চালাগ্
               গাতেদ উকুর ক তাম ?
 হাপেসে তৗঁগিঞমে কাথা মেনাগ্
               পাচেৎ ইঞ গড় আম ?

 

 নানা-হুনৗরেম সাজাগ্ খৗতির
              অৗডি চরকেম ঞেলগ্ ।
 রিপি-রিপিম উডৗউ বাড়ায়তে
              সানাঞ আমগে কয়গ্ ।

 

 সৗঁগিঞরে ঞেলগ্ বাহা বাগান
             অঁডেগেঞ চালাগ্ কান ।
 সাড় বাহা রাসা চেপেচ্ অৗগুয়
              ইঞিঞ বিলম আকান ।

 

 আলম  হহয়  তায়ম  খনদ
              তৗঁগি অক্ত উকুরান ?
 রুয়ৗড় অক্তেয় অৗগু তরা আম
             আমহঁ বার ঠপ্ গান ।।

᱿᱿====== ᱛ ======᱿᱿

 ১১।।

সেবেল সিঁজ

কিস্কিন্ধ্যা  মুরমু 

 

  আলে কুলহি ছাটকা 
 কয়ঃ কাঃআ লেটকা।

 

       তিরে ঞুরুঃ বিলি সিঁজ্ 
       জিউয়ি  সিডিচ্ বিডিজ্ ।

 

 ঞুরহু  লেনখান  যদি 
 হালাং ছুটৗঃ অদাবৗদি  ।

 

        কৗফৗরি আনাং রেচ রেপেচ্ 
        হালাং খান রৗস্কৗগেক এনেচ্  ।

 

 হাড়াম বুডহি কহঁ ক আসঃ 
 বাক  ঞামরে  ছিস্- ছাসঃ ।

         

 হরহ কাঃ ক সিঁজ বুটৗ 
 আপান দাড়ে হালাং ছুটৗ  ।

         

        দারে লাতার আলপে তাঁহেন 
        গগ বাবা  বাতলাও  মেমেন ।

 

 অকয় আঁজম মানা কাথা 
 আঁজম কাতেহঁ মঠে তেথা  ।

 

         সিবিল সড়ম উয়হৗর কাতে 
         গিদৗর  সিঞ ঞিদৗ পানতে  ।

 

  হিজুঃ সেনঃ কয়ঃ হটয় 
  এখেন মচা খৗলি চকয় ।

 

         দারে  সেবেল জ বিলি দ 
         জজম লৗকতি সেরমা রে'দ ।। 

 

᱿᱿====== ᱛ ======᱿᱿

 ১২।।

দুলৗড় বিটি

সীতেন মাণ্ডি

 

রিমিল রেমা দমে ইপিল
ঞিদৗক ঞেলঃ আ
আলে বিটি দাকা উতুয়
আডি সিবিল আ।।

 

গেজায় গুরিজায়
যত অড়াঃ দুয়ৗর
পেড়া কক হেচ লেনখান
গড জহার আয়।।

 

কেনে কতে গাতে সাঁওতে
কুলহি ধুড়িরে এনেচ
লটা বৗটি মেনাঃ তায়া
মিৎ ঠেকা পেরেচ।।

 

আতু রেগে ইতুন আসড়া
চালাঃ গেত সানায়
ইদি আগু গাতে মাত
হাড়াম বা গে কানায়।।

 

সানা মেনাঃ চেঁড়ে লেকা
সেরমা রে উডাঃ আয়
আশা কাতে দুলৗড় বিটি
হারা ইদিঃ আয়।।

᱿᱿====== ᱛ ======᱿᱿

 ১৩।।

গিদৗর  বৗউলি

সুচাঁদ  হাঁসদা

 

        ( ১ )

 

আলে  বাবু  বাড়ে ,
দিনগেয়  জমা  সড়ে ,
দমে  গেতায়  দাড়ে ,
হাপেনে  লাগা  আড়ে ৷

 

           ( ২ )

 

দুলৗড়  বিটি  হেঁসাঃ ,
হড়সাং  বায়  মেসাঃ ,
খেল. গেতায়  নেসা ,
জমহঁ  বেস  বেসাঃ ৷

 

           ( ৩ )

 

হপন  বাবু  লওয়া ,
রাগা  কঁওয়া  কঁওয়া ,
জুদিম রড়ায় , জোরতে রাগায় ,
অনা  গেতায়  হেওয়া ৷

᱿᱿====== ᱛ ======᱿᱿

 ১৪।।

বাবুয়াঃ জিয়ন ডাহার 

বিভূতি ভূষণ সরেন 

 

অলঃ বাবু সেড়ায় মেসে 
       আকিল হামেট মে, 
তবে আনিচ্ আখির জিয়ন 
          নাপায় হুয়ু গে ।

 

অলঃ বেগর  ' জিয়ন ডাহার '
           বাং বুগিঃ তাম, 
মনে মুরুখতে সেড়া লেখান 
           তবে সুখী আম। 

 

অক্তদ চালাঃ গাডা দাঃলেকা 
          অক্তদ বাঞে তাঁগি, 
অক্তরে কৗমি সুসৗর লেরে 
           হুয়ুঃ তামা ভাগি। 

 

কৗমি লেখান কুড়ৗইদ ঞামঃ 
           বাচম বুঝ দাড়ে, 
তি রেচং সং আমায় 
        চট চাঁদগে বাড়ে।। 

 

᱿᱿====== ᱛ ======᱿᱿

১৫।।

আনথাবড়ি বৗউলী

সেঁগেলমারমার

 

এড়ে কাথা পেড়েসাঙ
মাদ্ ঢিঙকি টরডাঙ
আলে বাবুয় মেমেন কানা
ধিরি কাটকম দিড়িদাঙ।

 

হর হরতে চালাগ্ চালাগ্
পুঠি হাকো খালাগ্ খালাগ্
রেঁগেচ্ তেমা লাচ্ গে গালাগ্
জম কেদালে পিঠৗ সালাগ্।

 

বিটি মাতয় খিটিখিটিয়
ঝামকাঝাকুর উব এ পিটিয়
হেঁদে পুসি লুটিয় চাটগ্
হাড়াম সেতা মচায় সাটগ্।

 

বুডি মাত জনগ্ এ গালাঙ
বাপুদয় হমর হালাঙ
নানা বিটি মটরায় লাড়ায়
চুটয়ৗমাকো চুঁডুগ্ বাড়ায়।

᱿᱿====== ᱛ ======᱿᱿

১৬।।

বাহামৗলি

হারাধন সরেন

                               

আলেরেন দুলৗড় বিটি
আডি গেচয় খুড়নী। 
সারাঘৗড়িচ খিলোড রেগে
একাল মেনায় উনি।। 

 

অল এম মেতায় রেদ
বহ গেচয় হুতমায়। 
কৗটিচ এম এগের লেখান
আডি জোরে কাওমাও।। 

 

সেতাঃ খন সাজঃ তে গে
দিন মা পারমেন। 
অড়া দুয়ৗর তারাল বাসাল
গগ দয় রৗগিয়েন।। 

 

নানা হুনৗর হরঃ বাঁদে
আরহঁ তিনৗ গাতে। 
সানাম সাঁওগে উনিদ মেনায়
পানতে আর পানতে।। 

 

যাহানা এম মেতালেখান
বায় আজমা খৗলি। 
অনা তেগে হড়কো মেতায়
দুলৗড় বিটি, বাহামৗলি।।

᱿᱿====== ᱛ ======᱿᱿

১৭।।

হপন মৗই

দুলৗড় বিটি

 

মৗইয়ে চালাঃ জামাই অড়াঃ
        নানাহুনৗর সাজ্‌তে,
তিরে চুড়ি জাঁগারে ঝুনকৗ 
        হরঃ আকাৎ আজ্‌তে।

 

হরতে তাড়াম কিটিল কিটিল
         বতর বৗনুঃ তায়,
তিনদিন রেন হড় লেকা
        আচ্‌গে বুঝৗও আয়।

 

ঘেঁট রেতায় সাঁদেশ পটম
          দিপিল ইদিয়ায়,
সেটের কাতে মারাং কদ
        জোহার আকো আয়।

᱿᱿==== মুচৗৎ ==== ᱿᱿