জাহের আয়ো মুরমু
সাচারহে রেনাঃ সিরজন সৗরিগে হাহাড়া। নানাহুনৗর দারে-নৗড়ি সাঁওতে
নানাহুনৗর বাহা। নানাহুনৗর রঙ তে সাজাও আকানা আচ্ আচ্তে। নানাহুনৗর রূপহঁ। অকা বাহারেদ
মহক শ-সঁধাড় মেনাঃ আ। অকারেদ বাং। রাসাদ সরবর সানাম বাহারেগে। তবে হুডিঞ মারাং ঞেল
তেগে হুডিঞ মারাং ভাঁওয়ার হঁক সিরজন আকানা। ভাঁওয়ার বাংখান বাহা চিকৗয় শোভা ?
বাহা অকয় বায় কুশিয়াঃআ? যাঁহায় বাহা বায় কুশিয়াঃআ, উনিয়াঃ দ
মৗনমি গুনৗন দ জৗনিচ্ বৗনুঃ তায়া। বাহা ঞেলতে বাহা সিসিদ্ সানা হা, বাহা ঞেলতে বাহা
রেবেৎ সানা হা, বাহা রাসা ঞেলতে বাহা চেপেচ্ সানা হা। তবে দিনৗম কৗমি দিনৗম আগু হড়াঃ
দ বাহা ঞেলগে সাধ্। বাহা রাসা চেপেচ্ মাড়াং রেগে আকো গেকো চেপেচ্ শিঠৗ অচঃ কানা।
লুতি-তেরম-ভাঁওয়ার রূপ লেকান মৗনমি কাথায় দিনৗম দিন কো সাঁগে ইদিঃ কানা। বাংমা ওনকো
তালারেগে বাহা রাসা চেপেচ্ হেপরাও এহব আকানা। যাঁহায় যাঁহা লেকায় দাড়ে কান বাহা রাসা
কো চেপেচ্ জং কানা। রেপেচ্ হঁ-ক রেপেচ্ কানা আকো আকো মুদ্রে। বারসিঞ গান তাঁহে
কাতে বাহা রাসা চেপেচ্ শিঠৗয় আয়কাও লাহারেগে আরহঁ বাহায় বদলা। বাহা বদল মাড়াং অনা
বাহা রেনাঃ আয়মা গটাং বৗড়িচ্ আঃ রড় সিঁড়িজ্ লেখান গে লেঠা চুকৗও এনা। অনা তায়ম আরহঁ
বাহা রাসা ঞেলতে এটাঃ বাহারে ভাঁওয়ার লেকা আপ লেনখান গেত হোয় এনা, বেশ! পৗহিল লেকা
পোঁড গে। বাহা রাসা ঠেন কুয়ৗ রাসা দ তিন দিন তাঁহেনা ?
আঁজমঃ কানা বাংমা নিৎ বাহা যুগ চালাঃ কানা। আরহঁ হাপেন সনা
যুগ দারায় কানা। বাহারেগে সানামা। বাহারেগে জিয়ন, বাহারেগে মরন, বাহারেগে লাইফ স্টাইল
বনদলঃ কানা। বাহা রাসা চেপেচ্ হেপরাওরে জিৎকৗর লেনখান গে হাপেন ওনকো গেকো লৗইয়ৗ সনা
দিন চালাঃ কানা। কয়ঃ হড়দ কয়ঃ রেগেকো তাঁহেনা। তিসদ হাপেন সেটেরঃ কান নাপায় দিন ?
সেদায় দ কাথায় নুনৗ বাহা রাসা চেপেচ্ রেনাঃ হেপরাও দ বাং তাঁহে কানা। অনাতে বাহা বদল রেনাঃ দাও হঁ বাং তাঁহে কানা। নেবেতার দ অকয় চেৎ এম মেতায়া ? মেন রেনাঃহঁ চেৎগে দাও বৗনুঃ আন। সানাম গে ইন্টারনেট রেনাঃ সিস্টেম। অকয় তিনরে বাহায় বদলা বাং লৗইয়ঃ আ। আরহঁ তিনরে হাপেন রুওয়ৗড় কাতে হানা বাহারেগেয় আবঃ আ অনাহঁ চিকৗম বাডায়া ? বাহা বদল হড়দ বাহা বদল সাঁওতে আয়াঃ রূপ হঁয় বদলা বারসিঞ তেগে। তবে বাহা বদল হড়দ, হড়দক উরুমেগেয়া আর শোস্যালমিডিয়ারে রড় হঁক রড় গেয়া……।
.webp)
