-ডাঃ সুরেন্দ্রনাথ মান্ডি
আবো দিশমরে ১৪ সেরমা উমের হৗবিচ্ রেন মৗনমি কদ গিদ্রৗবন মেতা
কোওয়া। রেঁগেচ্ অড়াঃ পুরিবার রে জানামাকান নংকান গিদ্রৗ কদ অভাব অকুলিয়ৗন খৗতির তে
হিনৗনিয়ৗ আঁঝাট কৗমি তেকো বাধ্য আ। নংকান কগে বোন মেতা কোওয়া গিদ্রৗ কৗমিয়া দ।
গিদরৗ কৗমিয়া আনাট রেয়াঃ মুড়ুৎ অজে কদ কানা- সাগাল সাগাল
মানওয়া বৗড়, অলঃ পাড়হাও বাং বাডায় আর রেঁগেচ্ জালা। অভাব, আনাট,খৗতির মুরুখ আয়োবাবা,
গিদরৗ কদ ইতুন আসড়াতে বাং কোল কাতে অড়াঃ সংসার– সাগাড় লাহা ইদিয় রে গড়সপহৎ লৗগিৎ বৗইদ্-বৗইহৗড়,মাঠ-ঘাট
রেনাঃ কৗমি রেকো লৗগ্য়ৗ পাড়াও অচ কোওয়া আর বাংখান কিঁষৗড় অড়াঃ রেকো গুতি-কৗড়মি কাকোওয়া।
ইনৗ বেগর ইটৗভাটা বাংখান মটর গ্যারেজরে, আর বাংখান, হোটেল করেৎ হঁ কো কৗমি কান গেয়া বেগর
কুড়ৗই আর বাংখান কম কুড়ৗইতে, লাচ্ দাকা ঞাম বাদাল তে, আঁঝাট-নাহাচার-আঁদা-কচলন সাহাও কাতে। যাঁহা উমেররে খেলোড
খেলোড তে রৗস্কৗ রমজতে ইতুন আসড়া চালাও কাতে অলঃপাড়হাও সেঁড়ায় রেয়াঃ কাথা, অনা উমেররেগে
ওনকো দকো হোয়ো কানা লৗগৗড় কৗময়ৗ।
আবোদিশমরে গিদ্রৗ কোওয়াঃ আনাট সাহায় লৗগিৎ আয়মা আয়মা আইন তেয়ারাকানা,
যাতে গিদ্রৗকো চেতান নাহাচার আল হোয়োঃমা। ‘মিড-ডে-মিল’,সর্বশিক্ষা অভিযান’এমান এমান
পান্থা চালুওয়াকানা, যাঁহা করেয়াঃ জস্ দ–
গিদ্রৗ কোওয়াঃ ‘ড্রপ আউট’ আল হোয়োঃমা, মেনমা ইতুন আসড়াতে গিদ্রৗ যাতে দিনৗম হিলঃ
কো চালাঃমা। মেনখান আইন সে পান্থা তেয়ার সুমুং তেদো গিদ্রৗ কোওয়াঃ আনাট দ পুরৗপুরি
বাং সাহাঃআ,আনাট রেয়াঃ রেহেৎ গে পাঁজা তোৎ লেক্ কানা; অনাতে সানাম খন মাড়াংতে লৗগতিঃ
কানা শিখনৗৎ রেয়াঃ পারশাল, রেঁগেচ্ সাহায় আর সানাম মৗনমি কোওয়াঃ সচেতনতা বাড়হাও,অনা
সাঁও সাঁওতে জানাম বৗড় টেকাও দারাম। পরিকল্পনা জওয়াও অচ লৗগিৎ তে আবো কো লাহা হিজুঃ
হোয়োঃ তাবোনা। গিদ্রৗ কোওয়াঃ লাহান্তি মানেগে দিশম রেয়াঃ লাহান্তি।
.webp)
