আবোওয়াঃ ডিজিটাল ডেস্ক- ১৫ জুন ধৗবিচ্ লকডাউন তাঁহেন রেনাঃ কাথা মানতানিয়ৗ
মুখিয়ৗমন্ত্রী মমতা বন্দোপাধ্যায় লৗই সাডে লেদায়। করোনা তাঁড়গম মাড়াং খন আডিগান গে
কম আকান রেহঁ নিৎ গে সানামাঃ ঝিচ্ কাঃ রেনাঃ ঝুঁকি সরকার বায় হাতাও এদা। অনাতে তেহেঞ
১৪ জুন নবান্ন খন গে পনৎ রে আরহঁ ১৬ জুন খন ১ জুলাই ধৗবিচ্ লকডাউন রেনাঃ মানাও-বাতাও
অৗরি, জৗরি তাঁহেন কানা মেনতে মুখিয়ামন্ত্রী লৗই সাডে কেদায়।
তবে মাড়াং খন আয়মা জায়গা রে অক্ত রেনাঃ হের-ফের আকানা আর হৗপিদ্
তাঁহেকান আদম জায়গা ক ঝিচ্ কাঃ রেনাঃ কাথা হঁ বাডায় ঞাম আকানা।
সুনুম-বুলুং দকান সাঁওতে হাট-বাজার সেতাঃ ৭ বাজা খন ১১ বাজা
হৗবিচ্ ঝিচ্ তাঁহেনা। অনাবেগর ১১ বাজা খন সিঁগৗড় ৬ বাজা হৗবিচ্ এটাঃ দকান আর শপিং
মল ঝিচ্ তাঁহেনা। ১২ বাজা খন ঞিদৗ ৮ বাজা হৗবিচ্ দাকা জম হোটেল এমান ঝিচ্ তাঁহেনা।
নঁতে সরকারি আর বে-সরকারি অফিস সেতাঃ ১০ বাজা খন ৪ বাজা হৗবিচ্
তাঁহেনা। তবে শায়কাড়া ২৫ হৗটিঞ কৗমিয়ৗকো লৗইতে অফিস চালাও হোয়োঃআ।
আরহঁ নঁতে ১ জুলাই হৗবিচ্ বাস গৗডি আর লোকাল ট্রেন হিজুঃ সেনঃ
হঁ থুকুম গে তাঁহেন কানা মেনতেগে বাডায় আকানা।
.webp)
