মটামুটি ১৬ খন ৩০ সেরমা উমের দ জুওয়ৗন অক্ত কানা। নিয়ৗ উমের
রে মনে সেচ্তে আনাট-এঁটকেটঁড়ে, হেমেড়মেয়ঃ, হেঁহোলোঃ জাঁহান নেশা আর খুতিয়ৗন কৗমিরে
লাবাধিয়াঃ, আঁপড়েয়াঃ জিউয়ি নাসাও, জমাঃ-ঞুওয়াঃ বাং বুঝৗও, এটাঃ হড় কো সাঁও গাতেঃ বাং
বুঝৗও, জৗপিৎ বাং হোয়োঃ এমান এমান হোয় দাড়েয়াআ। নোওয়া জুওয়ৗন উমের দ চেৎ লেকা আডি দামানাঃ
কানা অনকাগে বতরানাঃহঁ। নোওয়া উমের রে হড়ম’-মনে রেনাঃ পালাট হোয়োঃআ, সাঁও সাঁওতে দিনৗম
দিন জিয়ন রেনাঃ কৗমিহরা হঁ। অলঃপাড়হাও জিয়ন মুচৗৎ কাতে কৗমি-জিয়ন আর সংসার জিয়ন হঁ
এহবঃ আ নোওয়া উমের রেগে। নোওয়া উমের রেদ আডিতেৎগে মানসিক চাপ হোয়োআ, অনা খৗতির মানসিক-সাঁওয়ার
রেনাঃ জতন-জগাও, মেনমা মনেরেন ডাকতর কঠেন ঞেল অচঃ লৗগ কানা। মেনখান দুক্ রেয়াঃ কাথা
গিদ্রৗপৗঠুওয়ৗ-জিয়ন ইদিকাতে জাঁহালেকা সানাম বো উইহৗর ভাবনায়া অনকা দ বাং জুওয়ৗন-জিয়ন
ইদিকাতে, আর অনকান কোওয়া মনে-অড়াঃ রেনাঃ ঠিকৗনা থ অকয় হঁ বাংকো পাঁজা লৗগিদঃ আ
জুওয়ৗন উমেররেনাঃ পোয়লো সেচ্ দ আডিতেৎ হুলুস-থুলুস তে অক্ত
ক পারমঃআ, আডিতেৎ আকুটপাকুট আইকাআ মনে জিউয়িরে- অকাসেৎ চালাঃ হোয়োঃআ চেৎ চিকৗয় হোয়ো
আ, বাং ঠাড়’ গটাঃ আ। অলঃপাড়হাও ইদিকাতে চাপ সাঁও সাঁওতে আডিতেৎ মানসিক চাপ্ পাড়াআ।
নিয়ৗ উমের রেনাঃ জাঁহান কৗমিরেগে অড়াঃ হড় আর পেড়া-পৗরভৗ পাহ্টা খন মানা-বাধা, জোর-জবর
দস্তি চালাঃ আ, জাঁহা খৗতির জুওয়ৗন-জিয়ন লোসোপোঁডো দাড়েয়াঃআ। জুওয়ৗন কোওয়াঃ অন্তর-মনে
ভিতরি রেঁহ আডি বৗড়তি জিদ্ তেয়ারঃআ, মনে-জিউয়ি বায় বাতাওয়া জাঁহান মানা-বাধা আর উনখান
গে অড়াঃ হড় কো সাঁও মনে রাপাচাঃ হোয়ো আ। নিয়ৗ উমের রেদ আয়মা লেকানাঃ ভুল সিদ্ধান্ত কঁহ হাতাওয়ঃআ।
বাস্তব খন সাঁগিঞ তে সাহাঃ হোয়োঃআ আবেগ-মনে রেনাঃ বৗড়তি কদর এম কাতে, দামান অকত কঁহ
পারম চালাঃ আ, জাঁহা অক্ত রেদ এনতে জিয়ন নাপায় অকচ্তে তিঁগু টারহাও রেয়াঃ ভিত তেয়ারঃআ।
নোওয়া উমের রেয়াঃ জিয়ন রেদ আয়মা লেকান আনাট এঁটকেটঁড়ে ঞেলঃ
আ, জাঁহাকো ইদিকাতে এটাঃ হড় কো সাঁও সুলুক-নিরাইতে গাপাল মারাও রেনাঃ দাও দ তাঁহেন
একাল লৗগ্ কানা আর নোওয়া কো আনাট এঁটকেটঁড়ে সলহে কাতে জিয়ন ডাহার দ সুঘোড় অচয় হোয়োঃ
আ। নিয়ৗ উমের রেদ বুগি হর ডাহার উদুঃরেন হড় কোওয়াঃ লৗগ্তি মেনাঃআ। ওনকো জুওয়ৗন কোওয়াঃ
অন্তর-মনেরে বল কাতে মারশাল ডাহার কো উদুঃ আকোওয়া, তবে জোর জবর-দস্তি কাতেৎ দ বাং।
জুওয়ৗন কোওয়াঃ মন কুসি আর নাপায় জওয়াঃ লেকানা কৗমি কুকৗর উদুঃরেন হড় নিহৗত্ সোররে
তাঁহেন লৗগ্তি কানা, বাংখান জুওয়ৗন কো বান দাঃ রেকো ডয়লং দাড়েয়াঃআ।
.webp)
