আতো-দিসম সেনহঁ আয়মা হড় কো রুওয়ৗ হাসোঃ কানা। মেনখান অনারেনাঃ
যথাৎ তিকিছা তিনাঃ হোয়োঃ কানা সে বাং অনাহঁ হড়ম সাঁওয়ার দপ্তররে বাং সেটেরঃ কানা মেনতে
বাডায় আকানা। নোওয়াহঁ বাডায় আকানা হড়ম সাঁওয়ার দপ্তর পাহ্টা খন আতো আতো সানতাড়ি আর
বাংলাতে মাইকিং কাতে ‘করোনা ভ্যাকসিন’ হাতাও রেনাঃ কাথাকো বাখেড় এদা। মেনখান ঞেলঃ কানা
নেঁডা মাহারে অনা জায়াগারেদ জৗসতি কায়তে অ-আদিবাসী কোগে ভ্যাকসিন হাতাও লৗগিৎ কো লাইন
আকাদা। আদিবাসী কো মুদ্রেদ মিৎ-বার বেগর অনকা মাছা বাংকো ঞেল ঞামঃ কানা। আয়মা আতো
করেগে নংকান চিতৗর গে ঝালকাও রাকাপ কানা। কুকলি রাকাপ্ কানা তবে চেৎ আদিবাসী কো তালারে
নিৎহঁ কোভিড-১৯ রেনাঃ চেতাওনা দ বাং হেচ্ আকানা ?
আতো-টলা-পাড়ারে মিৎ বার হড়াঃ মচা খনহঁ কাথায় কাথা আঁজমঃ কানা
বাংমা- সানতাড় দ করোনা-ফরোনা দ বাং ঞাম কোওয়া, ডাংরি জেল জমমে আর পৗউরৗ ঞুয়মে, সৗরদি
সিতুংরে খাটাঃমে ঞেলাম তিসহঁ করোনা বাং ঞাম মেয়া। নংকান কাথারে তিনাঃ সাঁড়েশ লাঠা মেনাঃ
আ অনাবাং তুলৗজখা কাতেৎ আয়মা হড়গে বাংমা অনকান কাথাতেকো লেঃ কানা। নঁডে লৗই দহ লৗগ
কানা যাঁহারে আয়মা লাহান্তি দিশম রেন হড় ভ্যাকসিন হাতাও কাতে কো জিৎকৗরঃ কানা। নোওয়াহঁ
বাডায় আকানা বাংমা নোওয়া আজার দ জৗতি, ধরম, পৗরশি, রেঁগেচ্, কিঁষৗড় অকাহঁ বায় বাছাও
আ। এনখান নংকান কাথা বাডায় কাতেৎ হঁ চেদা তেহেঞ আদিবাসী কো অনহেঁড়া কো সদর এদা? সানতাড়
হড় খৗতিরগে চেৎ তায়মরে ? নিত্ নংকান কুক্লিগে রাকাপ্ গৎ আকানা।
নংকান অক্তরেগে ঝাড়খন্ড পনৎ রেনাঃ মিৎ আতোরে ‘করোনা ভ্যাকসিন
দেবোন হাতাও’ ডাহার গায়ান কো উদুঃ সদর কেদা। বাডায় আকানা বাংমা ওনকোদ নংকাগে আতো-টলা-পাড়ারে দাঁড়া
কাতে ‘করোনা ভ্যাকসিন দেবোন হাতাও’ রেনাঃ সাঁদেশ কো চাল আকো কানা। নোওয়া গায়ান তালাতে
সদর আকানা বাংমা যাঁহায় হড় ভ্যাকসিন এ হাতাও আকাদা উনি সাঁও লৗড়হৗই কাতে করোনা বায়
দাড়েঃ কানা মেনেৎ করোনা উনি হড় দ বায় তাঁড়গম দাড়েয়ায় কানা আর নঁতে যাঁহায় হড় ভ্যাকসিন
বায় হাতাও আকাদা উনি সাঁও লৗড়হৗই কাতে করোনায় জিৎকৗরঃ কানা মেনেৎ করোনা উনি হড় দয় তাঁড়গম
দাড়েয়ায় কানা।
নংকাগে তেহেঞ আতো আতো ক্লাব, গাঁওতা, সংগঠন কো লাহা হেচ্ লেনখান
আয়মা হড় গে ‘করোনা ভ্যাকসিন’ লৗইতে মনে রেনাঃ আঁধাপৗত্য়ৗও খন সাহা কাতে নাপায় চেতনাও
হেচ্ আকোওয়া মেনতে বুরধি জীবি কোকো লৗলৗই কানা।
.webp)
