মানতান সাসাপড়াওইচ, আবোওয়াঃ কাথা
সিঁঙ্গিমাহা সাকাম
'চেরেচ আড়াং' তুলৗজখা, লেখা-৪২
১৩ জুন ,২০২১
তুলৗজখা- শ্রী কা ন্ত স রে ন
১। গিদরৗ বৗউলী
সুবুদিয়ৗ মূর্মূ
মানতান অনলিয়ৗ সুবুদিয়ৗ মূর্মূ গমকে,ছন্দ তালাতে আয়াঃ বৗউলীয় সাজাও আকাৎ তায়া। ছন্দ সাজাও লৗগিৎ, জেলেঞ-হুডিঞ শাবাদ বেওহার খৗতির বাং সমান আকানা। বৗউলী রেনাঃ গুন নাপায় কঃ আ যুদি আর থড়া উদগৗর দাঃ এ জর কেয়া। গমকে বৗউলী রেনাঃ ঞুতুম দহ লেখান, পৗঠুওয়ৗ কওয়াঃ দিশৗ দহ সুবিধা হোয় কঃ আ।
২। ইতুন আসড়া
গোপেশ্বর মান্ডি
গিদরৗ ক ; ইতুন আসড়া সাঁও,মাচেৎ ক সাঁও,আতো হড় সাঁও কেনে কতে রড় লাঁন্দা আর সৗগৗই তালাতেগে ক - হারা বুরু আ মেনতে মানতান অনলিয়ৗ গোপেশ্বর মান্ডি গমকেয় লৗই আকাদা। নওয়া অনড়হেঁ দ লুতুররে রেবেৎ লেকানাঃ মিৎটাং অনড়হেঁ।
৩। বাচক
এভেন কুয়লী সরেন
মানতান এভেন কুয়লী সরেন, মিৎটাং বিন্দু সমান বাচকে আড়তি আকাদা। নওয়া বাচক রেনাঃ, বোগে-বৗড়িচ বানার গুন গে মেনাঃ আ।
৫। সেরমা দাঃ
সারি ধরম হাঁসদা
মানতান সারি ধরম হাঁসদা,গিদরৗ আঃ মনে আর জিউয়ী লহৎ লেকানাঃ ' সেরমা দাঃ ' এ জৗড়ি আকাদা। নওয়া দাঃ তে ধৗরতী ডুবুজঃ রেহঁ,গিদৗর কওয়াঃ রাচা,অড়াঃ-দুওয়ৗর এমান বাং ডুবুজ লেনখান জৗনিচ নুকুওয়াঃ মনে-জিউয়ী নাপায় তাঁহেনা। ' সেরমা দাঃ ' নাপায় ছন্দ তেগে জৗড়ি আকানা।
৬। তারাল বাসাল
গাতে টুওয়ৗর
গাতে টুওয়ৗর আঃ ' তারাল বাসাল ' পাড়হাও কাতে,পৗঠুওয়া কওয়াঃ মনে তারাল বাসালঃ রেহ; গিদরৗ মনে দ কুনৗমী চাঁদো লেকা রেয়াড়ঃ আ। অড়াঃ ভিতৗর খন এহব কাতে বাড়গে,বির আর সেরমা খন নাপায়-নাপায় জিনিস চিয়ৗ কাতেৎ নুই আঃ ' তারাল বাসাল ' দ ধিরিতে খদাও কাতে বেনাও চিতৗর লেকা।
৭। বানাম রাজা
বাড়তাং সরেন
বাড়তাং সরেন ইচ ' বানাম রাজা ' একেন বানাম রাজা লৗই লেখান নুই আঃ মান হুডিঞঃ তায়া। নুই দ গিদরৗ মনে রেন মিৎ সরেস রাজা। নুই বানাম রাজা আতো- আতোয় দাড়া পুরৗউ লেখান, নুই আঃ পরমায়ূ বাং চাবাঃ তায়া।
৮। জানাম আয়ো
দুগাই টুডু
মানতান অনলিয়ৗ দুগাই টুডু,জানাম আয়ো দিশৗ কাতে মিৎটাং আডি নাপায় অনড়হেঁ এ আড়তি আকাৎবনা। নুই ইচ জানাম আয়ো,আবো সানাম করেন জানাম আয়োয় দিশৗ হচ বনা।
৯। বাবু তালে
সনাতন টুডু
মানতান অনলিয়ৗ সনাতন টুডু ইচ ' বাবু তালে ' য়াঃ রৗস্কৗ আর লাঁন্দা হচ লেকান গুন মেনাঃ তায়া। নওয়া গুন গে তায়ম দারাম এ সৗগুনা।
১০। পৗতনী
রামলাল টুডু
মানতান অনলিয়ৗ রামলাল টুডু ইচ ' পৗতনী ' দয় নাপায় গেয়া। মেনখান আর থড়া নাপায় ঞঃ অৗড়ৗতে নুই এ সাজাও লেখান, পৗতনী লেকা আজ হঁয় চরক কঃ আ।
১১। সেবেল সিঁজ
কিস্কিন্ধা মূর্মূ
মানতান অনলিয়ৗ কিস্কিন্ধা মূর্মূ আঃ ' সেবেল সিঁজ' সেবেল গেয়া। মেনখান ছন্দ তে গাবান লৗগিৎ আর থড়া সেবেল ঞঃ শাবাদ চিয়ৗ রেনাঃ লৗগতি তাঁহে কানা।
১২। দুলৗড় বিটি
সীতেন মান্ডি
মানতান অনলিয়ৗ সীতেন মান্ডি, দুলৗড় বিটি দুলৗড়তে হারা লৗগিৎ নাপায় গেয় উইহৗর-ভাবনা আকাদা। আয়াঃ নংকান নাপায় উইহৗর-ভাবনা খৗতির, পৗঠুওয়ৗ তরব খন নাপায় সারহাও।
১৩। গিদৗর বৗউলী
সুচাঁদ হাঁসদা
মানতান অনলিয়ৗ সুচাঁদ হাঁসদা আঃ ' গিদৗর বৗউলী ' , তালা নৗই পারম কাতে ঘাট ধারেরে ছন্দতেয় ডুবুজ আকানা। মানতান অনলিয়ৗ আমিচ অনড়হেঁ 'গিদরৗ...' ছৗটয়ৗর কায় খানেম দিসম হড় লগন ক পাঁঞ্জা ঞামেয়া।
১৪। বাবুয়াঃ জিয়ন ডাহার
বিভূতিভূষণ সরেন
মানতান বিভূতিভূষণ সরেন হাপাড়াম কওয়াঃ,গুনীজন কওয়াঃ বেনাও ডাহারতেগে তাড়াম কাতে বাবুয়াঃ নাপায় জিয়ন ডাহার বেনাও লৗগিৎ এ গটা আকাদা। মিৎটাং সরেস ডাহারে দিশৗ আৎবন খৗতির, মিৎটাং সরেস সারহাও এম হোয়েনা।
১৫। আনথাবড়ি বৗউলী
সেঁগেল মারমার
মানতান সেঁগেল মারমার আঃ ' আনথাবড়ি বৗউলী ' তে পৗঠুওয়ৗ ক জাঁহা মান তাহা বাং জশ কাতে, কড়াম রেগে ক জশঃ আ। আর নংকান ' ... বৗউলী ' জাঁহামান তাহাম চাপাৎ গিডি কাঃ রেহ,সিঞ চাঁন্দো লেকা দিনৗমগে দুওয়ৗর খনেম ঞেলঞামা। নুই আঃ আনথাবড়ি বৗউলী লেকা পৗঠুওয়ৗ তরব খন আনথাবড়ি সারহাও।
১৬। বাহামৗলি
হারাধন সরেন
মানতান অনলিয়ৗ হারাধন সরেন, 'বাহামৗলি' তালাতে গিদৗর অক্ত রেনাঃ দিশৗ লেকানাঃ মিৎবার কাথা নাপায় গেয় গাঃ আকাদা। মেনখান ' বাহামৗলি ' আর থড়া নাপায় ঞঃ ছন্দতেয় সাজাও দাড়ে কঃ আ মেনতে, পৗঠুওয়ৗ কওয়াঃ রেডার (Rader) রে সাব ঞাম আকানা।
১৭। হপন মৗই
দুলৗড় বিটি
দুলৗড় বিটি ইচ হপন মৗই আজ্তে আজ্ মত সাজাও কাতে,ঘেট-পটম দিপিল কাতে- রৗস্কৗতে জাঁওয়ায় অড়াঃ এ চালাঃ কানা; নওয়াদ মিৎটাং নাওয়া লেকানাঃ সাঁওহেৎ সাঁদেশ। হপন মৗই আঃ গুন ঞেল কাতে, আয়মা - আয়মা সারহাও।
=O=O=O=O=O=
.webp)
