(ᱨᱩᱛᱤ ᱠᱟ.ᱦᱱᱤ)
ᱵᱚᱭᱦᱟ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱡᱷᱚᱱᱴᱟ ᱟᱨ ᱨᱮᱱᱴᱟ ᱵᱟᱨ
ᱵᱚᱭᱦᱟ ᱠᱤᱱ ᱛᱟᱸᱦᱮ ᱠᱟᱱᱟ ᱾ ᱵᱟᱱᱟᱨ ᱦᱚᱲ ᱜᱮ ᱵᱟᱯᱞᱟ ᱠᱟᱛᱮ ᱠᱤᱱ ᱜᱤᱫᱟ.ᱨ ᱯᱤᱫᱟ.ᱨ ᱡᱚᱝ ᱟᱠᱟᱱᱟ
᱾ᱟ.ᱠᱤᱱ ᱨᱮᱱ ᱮᱸᱜᱟᱛ ᱟᱯᱟᱜ ᱫᱚ ᱟ.ᱰᱤ ᱫᱤᱱ ᱨᱮᱜᱮ ᱠᱤᱱ ᱵᱚᱸᱜᱟ ᱛᱟᱞᱟᱣ ᱟᱠᱟᱱᱟ ᱾ ᱩᱱ ᱚᱠᱛᱚ ᱠᱚᱨᱮ
ᱠᱷᱚᱱ ᱜᱮ ᱠᱤᱱ ᱵᱷᱤᱱᱟ.ᱣ ᱟᱠᱟᱱᱟ ᱾ ᱢᱤᱫ ᱜᱷᱟ.ᱲᱤᱡ ᱦᱚᱸ ᱵᱟᱝ ᱠᱤᱱ ᱥᱟᱦᱚᱵᱼᱟ ᱾ ᱠᱟᱛᱷᱟ ᱠᱟᱛᱷᱟ ᱛᱮ
ᱠᱤᱱ ᱛᱟᱯᱟᱢᱟ ᱾ ᱚᱱᱠᱟ ᱚᱱᱠᱟ ᱛᱮ ᱢᱤᱫ ᱫᱤᱱ ᱛᱟᱞᱟ ᱨᱟᱪᱟ ᱨᱮ ᱠᱤᱱ ᱡᱷᱟᱹᱱᱴᱤ ᱮᱥᱮᱫ ᱠᱮᱫᱟ ᱾ ᱟᱫᱚ
ᱡᱷᱚᱱᱴᱟ ᱦᱚᱸ ᱨᱮᱱᱴᱟ ᱥᱮᱡ ᱟᱨ ᱨᱮᱱᱴᱟ ᱦᱚᱸ ᱡᱷᱚᱱᱴᱟ ᱥᱮᱡ ᱵᱟᱝ ᱠᱤᱱ ᱛᱟᱵ ᱫᱟᱲᱮᱭᱟᱜᱼᱟ ᱾ ᱟᱯᱚᱱ ᱟ.ᱯᱤ
ᱵᱟᱲᱜᱮ ᱫᱩᱣᱟ.ᱨ ᱟᱨ ᱠᱩᱞᱦᱤ ᱫᱩᱣᱟ.ᱨ ᱠᱤᱱ ᱵᱮᱱᱟᱣ ᱡᱚᱝ ᱟᱱᱟ ᱾ ᱵᱟᱱᱟᱨ ᱦᱚᱲ ᱜᱮ ᱠᱤᱥᱟ.ᱲ ᱠᱟ.ᱢᱤ ᱛᱟᱞᱟ
ᱛᱮ ᱫᱤᱱ ᱠᱤᱱ ᱞᱟᱜᱟᱭᱟ ᱾ ᱨᱮᱱᱴᱟ ᱫᱚ ᱡᱷᱚᱱᱴᱟ ᱠᱷᱚᱱ ᱫᱚᱭ ᱠᱟ.ᱴᱤᱡ ᱜᱮᱭᱟ ᱾ ᱚᱱᱟ ᱛᱮ ᱡᱷᱚᱱᱴᱟ ᱨᱮᱱ ᱫᱚ
ᱵᱚᱭᱦᱟᱭ ᱦᱩᱭᱩᱜ ᱾
ᱨᱮᱱᱴᱟ ᱫᱚ ᱯᱟ.ᱭᱠᱟ.ᱨᱟᱜ ᱫᱟᱨᱮ ᱢᱟᱜ ᱛᱟᱞᱟ ᱛᱮ ᱥᱚᱝᱥᱟᱨ ᱮ ᱞᱟᱜᱟᱭᱟ ᱾ ᱢᱤᱫ ᱫᱷᱟᱣ ᱨᱮᱱᱴᱟ ᱫᱟᱨᱮ ᱢᱟᱜ ᱮ ᱥᱮᱱ ᱞᱮᱱᱟᱭ ᱾ ᱢᱟᱜ ᱩᱞᱴᱟ.ᱣ ᱟᱠᱟᱫ ᱫᱟᱨᱮ ᱠᱚᱨᱟᱛ ᱛᱮ ᱠᱚ ᱨᱮᱛᱟ ᱵᱟᱺᱰᱤᱭᱮᱫ ᱛᱟᱸᱦᱮ ᱠᱟᱱᱟ ᱾ ᱟᱪᱠᱟ ᱜᱮ ᱜᱮᱫ ᱵᱟᱺᱰᱤ ᱜᱚᱫ ᱮᱱ ᱠᱷᱟᱱ ᱟᱡ ᱥᱮᱡ ᱫᱟᱨᱮ ᱢᱩᱰᱷᱟ.ᱫ ᱫᱚ ᱜᱤᱲᱜᱟ.ᱣ ᱦᱮᱡ ᱮᱱᱟ ᱾ ᱵᱟᱱᱟᱨ ᱠᱟᱴᱟ ᱛᱮᱱ ᱨᱟ.ᱯᱩᱫ ᱮᱱ ᱛᱟᱭᱟ ᱾ ᱫᱟ.ᱲ ᱨᱮᱱᱟᱜ ᱚᱠᱛᱚ ᱜᱮ ᱵᱟᱝ ᱮ ᱧᱟᱢ ᱞᱮᱫᱟ ᱾ ᱢᱟᱭᱟᱝ ᱛᱮ ᱡᱷᱤᱨᱚ ᱡᱷᱚᱨᱚ ᱪᱟᱵᱟᱭ ᱮᱱᱟᱭ ᱾ ᱟ.ᱰᱤ ᱠᱚᱥᱴᱚ ᱠᱟᱛᱮ ᱢᱩᱰᱷᱟ.ᱫ ᱛᱮᱭ ᱛᱮᱱ ᱟᱠᱟᱱ ᱠᱷᱚᱱ ᱫᱚ ᱥᱟᱦᱟ ᱠᱟᱛᱮ ᱦᱟᱸᱥᱯᱟᱛᱟᱞ ᱨᱮ ᱠᱚ ᱵᱷᱚᱨᱛᱤ ᱠᱮᱫᱮᱭᱟ ᱾ ᱚᱸᱰᱮ ᱜᱮ ᱟ.ᱰᱤ ᱫᱤᱱ ᱮ ᱛᱟᱸᱦᱮ ᱠᱟᱱᱟ ᱾ ᱢᱤᱫ ᱫᱤᱱ ᱦᱚᱸ ᱟᱡ ᱫᱟᱫᱟ ᱡᱷᱚᱱᱴᱟ,ᱟᱡ ᱦᱤᱞᱤ ᱛᱟ.ᱠᱤᱱ ᱧᱮᱧᱮᱞ ᱵᱟᱝ ᱠᱤᱱ ᱥᱮᱱ ᱞᱮᱱᱟ ᱾ ᱵᱮᱥ ᱧᱚᱜ ᱮᱱ ᱠᱷᱟᱱ ᱚᱲᱟᱜ ᱠᱚ ᱟ.ᱜᱩ ᱠᱮᱫᱮᱭᱟ ᱾ ᱛᱟᱲᱟᱢ ᱫᱚ ᱵᱟᱝ ᱮ ᱛᱟᱲᱟᱢ ᱫᱟᱲᱮᱭᱟᱜ ᱠᱟᱱ ᱛᱟᱸᱦᱮ ᱠᱟᱱᱟ ᱾ ᱚᱲᱟᱜ ᱟ.ᱜᱩ ᱠᱟᱛᱮ ᱔ ᱪᱟᱸᱫᱚ ᱜᱟᱱ ᱛᱟᱭᱚᱢ ᱴᱷᱮᱸᱜᱟ ᱛᱤᱨᱩᱵ ᱛᱤᱨᱩᱵ ᱛᱮ ᱱᱟᱥᱮ ᱱᱟᱥᱮ ᱛᱟᱲᱟᱢ ᱫᱟᱲᱮᱭᱟᱜ ᱠᱟᱱᱟᱭ ᱾ ᱟ.ᱰᱤ ᱫᱤᱱ ᱡᱤᱨᱟ.ᱣ ᱮ ᱧᱟᱢ ᱠᱮᱫ ᱛᱮ ᱫᱚᱢᱮ ᱜᱮᱭ ᱢᱳᱴᱟᱭ ᱮᱱᱟ ᱾ ᱦᱚᱲᱢᱚᱨᱮ ᱪᱚᱨᱵᱤ ᱛᱮᱭ ᱛᱚᱞ ᱮᱥᱮᱫ ᱠᱮᱫᱮᱭᱟ ᱾ ᱦᱟᱱᱟ ᱱᱚᱣᱟ ᱟᱡᱟᱨ ᱛᱮᱭ ᱮᱥᱮᱫ ᱠᱮᱫᱮᱭᱟ ᱾
ᱵᱟᱨ ᱯᱮ ᱥᱮᱨᱢᱟ ᱜᱟᱱ
ᱛᱟᱭᱚᱢ ᱢᱤᱫ ᱫᱤᱱ ᱫᱚ ᱟᱪᱠᱟ ᱜᱮ ᱤᱥᱴᱳᱠ ᱠᱟᱛᱮ ᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾ ᱩᱱ ᱫᱚ ᱟᱡ ᱫᱟᱫᱟ ᱡᱷᱚᱱᱴᱟ
ᱛᱟᱠᱚ ᱛᱟᱯᱟᱢ ᱠᱟ.ᱯᱷᱟ.ᱨᱤ ᱥᱟᱱᱟᱢᱟᱜ ᱦᱤᱲᱤᱧ ᱠᱟᱛᱮ ᱠᱚ ᱧᱤᱨ ᱥᱩᱨ ᱮᱱᱟ ᱾ ᱩᱱ ᱫᱚ ᱡᱷᱚᱱᱴᱟᱭ ᱦᱟᱭ ᱪᱚᱜ
ᱢᱮᱫ ᱫᱟᱜ ᱡᱚᱨᱚᱭ ᱛᱩᱞᱩᱡ ᱮ ᱢᱮᱱ ᱮᱫᱟ,ᱱᱚᱝᱠᱟᱝ ᱵᱟᱰᱟᱭ ᱠᱷᱟᱱ ᱞᱟᱦᱟ ᱛᱮᱜᱮ ᱨᱚᱲ ᱨᱚᱯᱚᱲ ᱛᱟᱞᱟ ᱛᱮ
ᱵᱩᱜᱤ ᱵᱟ.ᱲᱤᱡ ᱤᱧ ᱵᱩᱡᱽ ᱡᱚᱱᱚᱜ ᱠᱮᱭᱟ ᱾ ᱟᱫᱚ ᱛᱤ ᱛᱤ ᱢᱤᱫ ᱠᱟᱛᱮ ᱥᱩᱠᱷ ᱫᱩᱠᱷ ᱦᱟ.ᱴᱤᱧ ᱛᱟᱞᱟ ᱛᱮ ᱟᱡ
ᱵᱚᱭᱦᱟ ᱨᱮᱱᱴᱟᱣᱟᱜ ᱵᱷᱟᱸᱰᱟᱱ ᱠᱚ ᱯᱟᱨᱚᱢ ᱠᱮᱫᱟ ᱾ ᱩᱱ ᱠᱷᱚᱱ ᱜᱮ ᱟᱫᱚ ᱵᱟ.ᱭ ᱵᱟ.ᱭ ᱛᱮ ᱠᱟᱥᱟ ᱥᱟ.ᱜᱟ.ᱭ
ᱥᱤᱵᱤᱞ ᱨᱩᱣᱟ.ᱲ ᱮᱱ ᱛᱟᱠᱚᱣᱟ ᱾
=O=O=O=O=
.webp)
