পারশাল কিস্কু, বাউনিয়া- বিধানসভা ভোট রেনাঃ অর্জ অডক এন ২১দিন তায়ম হঁ সন্দেশখালি রে লেতাড় ইদিয়েন গেয়া আদিবাসী ক চেতানরে বতরানাঃ নাহাচার। সন্দেশখালি রেনাঃ বাউনিয়া রে তেহেঞ ২৩ মে ২০২১ আদিবাসী কওয়াঃ আতো রে কোমড়ো সাঁওতে অড়াঃ দুওয়ৗর ক দাল রৗপুদ কেদা। যতখন জৗস্তি বৗড়িজ্ আকানা ২ নম্বর বাউনিয়া ভূইয়া টলা রেনাঃ কৗটিজ আদিবাসী ঘারঞ্জ। প্রায় ৩০টি খন হঁ জৗস্তি বাইক তে বৗইরি ক হেচ্ লেনা অড়াঃ দুয়ৗর রৗপুদ আর কোমড়ো লৗগিদ। বৗইরি ক মাঃ,শাবল, ইটৗ এমান এমান ক আতে অড়াঃ রেনাঃ এসবেস্টাস, টালি আর অড়াঃ ভিতরি রেনাঃ সানাম সামানমক রৗপুদ আকাদা। ইসিন অড়াঃ রেনাঃ নানাহুনৗর থৗরি,বৗটি, চুলহৗ এমন চেদ অড়াঃ রেনাঃ আলমারি, মৗচি,টেবিল ফ্যান, জমাঃ খন এতহব কাতে তি সামাংরে যাঁহাগে ঞাম আকাদা ক অনাগে ওনকো রৗপুদ ছাকাছুং আকাদা।
বৗইরি ক এখেন অড়াঃ দুওয়ৗর রৗপুদ কাতে বাকো থির আকানা, অড়াঃ রেনাঃ সামানম ক আর অড়াঃ রেন আসুল সিম, শুকরি, ডাংরি, মেরম সানাম জিয়ৗলি সানামাঃ ক কোমড়ো ইদিয়াকাদা। নানাহুনৗর লেকাতে প্রশাসন বাডায় হচ কাতে রেহঁ প্রশাসন নোওয়া লৗইতে একাল নির্মায়া লেকায় কৗমি এদা। নোওয়া বতরানাঃ হাল খন তিস রিহৗই ক ঞাম আ অনা আঁশ তে দিন ক খেমাও এদা আদিবাসী ক। তপসিলি উপজাতি ক লৗগিত রাখা দহ আসন রে চেদাঃ আদিবাসী ক নুনৗঃ বেবাড়িজ নাহাচার হুয়ুঃ কান তাকোওয়া নিতঃ নোওয়াগে যতখন মারাং কুকলি ।
.webp)
