আবোওয়াঃ ওয়েব পেজ- চালাও সেরমা রেনাঃ আমফান লেকাগে নেশ আরহঁ বতরান গুরলৗও ভান্ডো যশ দারায় কানা। বাডায় আকানা বৗই বৗইতে দাড়ে হাতাও কাতে আরহঁয় দাড়মাকাড়ঃ কানা যশ। তেহেঞ সেতাঃ দিঘা খন ৬৩০ কিমি সাঁগিঞ রে টাহ্রাও মেনায়া। বাডায়ঃ কানা সৗগুন মাহা রেনাঃ ঞিদৗ সেনগে পারাদ্বীপ আর সাগর দ্বীপ রে থাসড়াও ঞুর দাড়েয়াঃআয়। তেহেঞ খনগে গুরলৗও ভান্ডো রেনাঃ রূপে হাতাওয়া। অনাতায়ম সৗমুদ্র ধারে সেন গুরলৗও হিজুঃ আয়। বালে মাহা কতে একালতে বতরান গুরলৗও ভান্ডো ৭০ খন ৮০ কিমি জোরতে অটাং হেচ্ দাড়েয়াঃআয় মেনতে হয় হিসিদ্ দপ্তর পাহ্টা খন বাডায় আকানা।
ইনৗহিলঃ সৗমুদ্র ধারে রেনাঃ বানার মিদিনপুর,বানার ২৪ পরগনা সাঁওতে হাওড়া হুগলি জেলা করে ঝিপির জৗড়ি খন ঝমর জৗড়ি রেনাঃ হুদিশ বাডায় আকানা। নঁতে নদীয়া, বর্ধমান, বাঁকুড়া, পুরুলিয়া, বীরভূম রেহঁ অনাবেগর মালদহ, মুর্শিদাবাদ দৗখিন দিনাজপুর এমান এমান জেলা করেহঁ ঝিপির খন ঝমর দাঃ জৗড়ি দাড়েয়াঃ আয় মেনতেগে আলিপুর হয় হিসিদ্ দপ্তর পাহ্টা খন বাডায় আকানা। সৗগুন মাহা হিলঃ ঝমর জৗড়ি সাঁওতে ১৫৫ খন ১৬৫ কিমি গুরলৗও ভান্ডো ডিগ্লৗও দাড়েয়াঃআ।
অনালেকাতে সানাম জেলা রেন জেলা শাসনিয়ৗ কো আপান আপিন জেলা কো লৗগিৎ চুরে মারে সাপড়াও কো ছুটৗও আকানা। চেদাঃসে দিন কালম নংকান অক্ত গে আমফান হেচ কাতে আডি আয়মা হড়াঃ আয়মা জিনিস রেচ্ কাতে এ চালাও আকানা। অনা রেনাঃ বতর হড়াঃ মনেরে গৗহির দিশৗ মেনাঃ গেয়া। অনাতে হড় কঁহ আপনারাঃ সাতে-সৗড়িম দাব-দালব, সাহান-সাকাম জোগাও কো ধুরৗও গৎ আকানা। কলকাতা নবান্ন হঁ সানাম জেলা কোগে সন্তররে তাঁহেন লৗগিৎ আরদাশ এ বাডায় অচো আকাৎ কোওয়া।
নোওয়া গুরলৗও ভান্ডো যশ রেনাঃ ঞুতুম দ ওমান দিশম এ এম আকাদা মেনতে বাডায় আকানা। নোওয়া ‘যশ’ রেনাঃ সানতাড়ি দ ‘হুলৗশভাঁগা’।
.webp)
