আবোওয়াঃ ওয়েব পেজ- সোশ্যালমিডিয়া আর খবর পাথাম করে মিৎ হাহাড়া খবর পাশনাও গৎ আকানা বাংমা মিৎ ঞুতুমান ইন্টারন্যাশাল ফুটবল খেলোডিয়ৗ সঙ্গীতা সরেন অভাব জালাতে নিৎ ইট ভাটারে কৗমি কানায়। বাডায় আকানা সঙ্গীতা সরেন আঃ অড়াঃ ঝাড়খন্ড পনৎ রে। নোওয়া কাথা আঁজম কাতে আয়মা হড় গেকো হাহাড়া গৎ আকানা- বাংমা যাঁহা পনৎ রে মুখিয়ৗ মন্ত্রী আর রাজ্যপাল বানার গে আদিবাসী। মেনখান অনা পনৎ রেগে তেহেঞ আদিবাসী নুই খেলোডিয়ৗ আঃ নংকান হালত্ ঞেল কাতে দিশম হড়াঃ আয়মা কুকলি রাকাপ গৎ আকানা। আয়মা হড়াঃ কুকলি- এনখান চেৎ রেনাঃ এনখান ঝাড়খন্ড পনৎ ? অকয় লৗগিৎ ঝাড়খন্ড পনৎ ? আদিবাসী কোওয়াঃ নংকান হালত্ ঞেল , লৗগিৎ গে ঝাড়খন্ড পনৎ বেনাও রাকাপ লেনা ? তবে চেৎ নংকান হালত্ ঞেল লৗগিৎ গে ঝাড়খন্ড পনৎ বেনাও লৗগিৎ অঁডেরেন আদিবাসী কো উনাঃকো আঁদোড় লেদা ?- নংকান শাশায় গটাং কুকলি নিৎ রাকাপ হিজুঃ কানা।
বাডায় আকানা মিৎ অক্তে ঝাড়খন্ড পনৎ উইহৗরতে দিশম গুরু শিবু সরেন লৗই সাডে লেদা- “ আবোওয়াঃ দিশম, আবোওয়াঃ রাজ”। নিৎহঁ অনা কাথা দ আদম আদম অক্তে আদম আদম হড়াঃ মচারে গুরলৗও রাকাপ গদঃ গেয়া। বাডায় আকানা অনাতে আয়মা হড় নিৎহঁ ঝাড়খন্ড পনৎ লৗইতে গরব কো আটকারাঃ ? নিৎ কুকলি রাকাপ কানা তবে চেৎ সৗরিগে তেহেঞ অঁডেরেন আদিবাসী কো আকোওয়াঃ কুকমু দিশম কো ঞাম আকাদা ?
বাডায়ঃ কান তাঁহেনাঃ বাংমা ঝাড়খন্ড হোয় লেনখান ঝাড়খন্ড পনৎ রেন আদিবাসী কো সেচেৎ-শিখনৗৎ তে কো লাহাঃ হিজুঃ আ, খেলোড তেকো লাহাঃ আ, বেবসা-বৗনিজ তেকো লাহাঃ হিজুঃ আ, রেঁগেচ্-তেতাং মেটাঃ তাকোওয়াঃ; নংকাগে আয়মা সেন তেকো লাহাঃ হিজুঃ আ। তবে চেৎ তেহেঞ ইন্টারন্যাশাল ফুটবল খেলোডিয়ৗ সঙ্গীতা সরেন অনাগেয় পরমান কেদা ? কুকলি দ তাঁহেন কান গেয়া।
.webp)
