আবোওয়াঃ ওয়েব পেজ- পারমেন ২৪ মে, পছিম বাংলা আসেকা পাহ্টা খন গুরু গমকেয়াঃ জানাম মাহা বৗইশাখ কুনৗমি বদলতে ৫ মে রেনাঃ দাবী দহ কাতে নবান্ন রে চিঠি এম এনা। বাডায় আকানা নেশগে পোয়লো পছিম বাংলা সরকার পছিম বাংলারে গুরু গমকেয়াঃ জানাম মাহা বৗইশৗখ কুনৗমি, ২৬ মে হিলঃ ছুটি লেকাতে লৗই সাডে আকাদায়। মেনখান নোওয়া হঁ ঞেল আকানা বাংমা নোওয়া মাড়াং ধৗবিচ্ পৗহিল রেন কঁয়ে গাঁতাক সরকার পাহ্টা খন ৫ মে গে গুরু গমকেয়াঃ জানাম মাহা মানাও হেচ্ আকানা। এমন চেৎ উন বিদৗল রেন সরকার শায় সেরমা পুরৗও জানাম মাহা হঁ অনা মাহা রেগেয় মানাও আকাদা। নিৎ নাহাঃ সরকার পাহ্টা খনহঁ নোওয়া মাড়াং ধৗবিচ্ ৫ মে গে মানাও হিজুঃ কানা। মেনখান নেশগে অনা রেনাঃ দিন আচকাগে বদল এনতে দিশম রেন আয়মা হড় গেকো বেড়েম্ভা আকানা। হড় তালারে কুলি-কুপলি রেনাঃ মুচৗৎ বৗনুঃ আন মেনতেহঁ বাডায়ঃ কানা। গুরু গমকেয়াঃ জানাম মাহা মানাও ইদিকাতে বা-বারয়া দিন গটা লেনখান হড় দক হৗটিঞঃ গেয়া মেনতে হড় তালা খনগে রড় আঁজমঃ কানা।
পছিম বাংলা আসেকা রেন জেনারেল সেক্রেটারী মানতান সুবোধ হাঁসদা আবোরেন খবরিয়ৗয় বাডায় অচো আকাদেয়া বাংমা পারমেন ২৪ মে, নবান্নরেন শিরৗ সেক্রেটারী ঠেন গুরু গমকেয়াঃ জানাম মাহা লৗইতে মিৎ দাবী সাকাম আসেকা পাহ্টা খন এম আকানা। অনারে আসেকা দাবী দহ আকাদায় বাংমা সরকার পাহ্টা খন গুরু গমকেয়াঃ জানাম মাহা যাঁহা বৗইশৗখ কুনৗমিরে লৗই সাডে আকানা অনা মেমোরেন্ডাম বৗতিল কাতে ৫ মে লৗই সাডে মায়। ২৬ মে সে বুদ্ধপূর্নিমা হিলঃ গুরু গমকেয়াঃ জানাম মাহা বাং কান তায়া আসেকা অনা দাবী হঁয় দহ আকাদা।
অনা দাবী সাকাম তালাতেগে বাডায় আকানা বাংমা ১৯৭৭ সাল রেনাঃ ১৮, ১৯, ২০ ফেব্রুয়ারী, অল ইন্ডিয়া আদিবাসী (সান্তাল) কাউন্সিল হতেচ্তে যাঁহা ঝাড়গ্রাম বেতকুঁদ্রী ডৗহিরে মিৎ মারাং বৗইসি সৗহিজুহি লেনা অনারে পোনয়া পনৎ বিহার,বেঙ্গল, আসাম, উড়িষ্যা আসেকা রেন মাড়তে কহঁক সেটের তাঁহে কানা। এমন চেৎ অনা বৗইসিরে গুরু গমকে হঁ সেটের এ তাঁহে কানা সাঁওতে দিশম গুরু শিবু সরেন হঁয় সেটের তাঁহেকানা। বাডায় আকানা উন অক্তে গুরু গমকেয়াঃ ৭২ সেরমা উমের তাঁহেলেন তায়া।
অনা দাবী সাকাম খনগে নোওয়াহঁ বাডায় আকানা বাংমা অনা বৗইসিরেগে গুরু গমকেয়াঃ জানাম মাহা ৫ মে গে মানাও রেনাঃ কাথা অল বেল তালা তেকো তল উরিচ্ আকাদা। এনখান নিৎ আয়মা হড়াঃ কুকলি রাকাপ গে দাড়েয়াঃআ নুন মারাং নাগাম তেহেঞ চিকৗতে লোপাটঃ কানা ? অকয় খৗতির ? চেৎ খাতির ? তবে চেৎ সৗরি সৗরিগে তেহেঞ ভিতরি ভিতরিতে সাঁওতারে গাঁডার কো লাগাও আকানা ? কুকলি দ তাঁহেন কান গেয়া।
.webp)
