আবোওয়া ওয়েব পেজ- বিধান সভা ভোট রেনাঃ অরজ উছৗনঃ মাড়াং ভারত জাকাত মাঝি পারগানা মহল পাহ্টা খন লৗই সাডে লেনা বাংমা ভোটরে যাঁহায় দল গেকো জিৎকৗরঃ, অকয় আদিবাসী চেতান যেন চেৎ নাহাচার আলো হোয়োঃ, বাংখান মহল পাহ্টা খন রড়দারাম সাঁওতে সানাম লেকান মকাবিলৗ লৗগিৎ সাপড়াও মেনায়া।
২ মে ভোট রেনাঃ অরজ অডক দসার দিনগে ঞেল এনা পছিম বর্ধমান জেলা রেনাঃ আউসগ্রাম-কাঁকোড়া আতোরে ১৫ গটাং আদিবাসী ঘাঁরঞ্জ চেতান অ-আদিবাসী কোওয়াঃ নিরঘিন নাহাচার রেনাঃ চিতৗর শোস্যালমিডিয়ারে রাকাপ্ হেচ্ এনা। নওয়া ঘটন ইদিকাতে নিৎ ধৗবিচ্তে অকয় আদিবাসী এম.এল.এ. সে এম.পি. য়াঃগে মিৎ কাথাহঁ রড় বাং আঁজম লেনা মেনতে অভিযোগ আয়মা বুরধি জীবি হড়াঃ। নঁতে ঞেল এনা কাথা এম কাতে কাথায় দহ কেদা মাঝি-পারগানা মহল। বাডায় আকানা নে-হালেগে মহল পাহটা খন কাঁকোড়া আতো সাঁঘার কাতে অঁডেরেন আতো হড়াঃ দুক্ কাথা বাডায় কাতে ওনকো লৗগিৎ গড় হঁয় এম চাল অটো আকাদা।
২১ মে, আউসগ্রাম-কাঁকোড়া আতোরেনাঃ ঘটন ইদিকাতে রড়দারাম আর অঁডেরেন হড় লৗগিৎ আডি লগন দহড়া কারতে অড়াঃ-দুওয়ৗর বেনাও আকো লৗগিৎ, যথাৎ বিচৗর ঞাম লৗগিৎ আর কৗয়ধিকো সংবিধান রেনাঃ নেয়াম লেকাতে পাকড়াও কাতে, শাসেৎ কো ঞাম মা অনা লৗগিৎ পুরুব আর পছিম বর্ধমান জেলা রেন বানার ডি.এম. ঠেন অলবেল তালাতে দাবী দহ কেদায় বাং হৗটিঞ মেদিনীপুর জেলা ভারত জাকাত মাঝি পারগানা মহল । আরহঁ বাডায় আকানা বাংমা অনা সাঁওতে পনৎ রেন মুখিয়ৗ মন্ত্রী, The Honourable Chairman- National Commission for Schedule Tribes আর The Honourable Chairman-West Bengal Human Rights Commission ঠেনহঁ অনা দাবি সাকাম এ ভেজা আকাদা।
অনা চিঠি তালাতে মাঝি পারগানা মহল আরহঁ অভিযোগ এ রাকাপ আকাদা বাংমা অঁডেরেন হড়াঃ অড়াঃ-দুওয়ৗর নিৎহঁ মেরামত রেনাঃ কৗমি হরা বাং হোয়োঃ কানা, জমাঃ ঞুওয়াঃ হঁ ঠিক সাঁহিচ্ বাংকো ঞাম এদা, ওনকো চেতান অবিচৗর হোয়োঃ কানা মেনতেহঁ মিৎ লেকান মারাং অভিযোগ এ আগু আকাদা।
নিৎ মিৎ মাত্র ভরসা ভারত জাকাত মাঝি পারগানা মহল সেন কয়ঃ কাতে আউসগ্রাম-কাঁকোড়া আতোরেন হড় কয়ঃ কাতেৎ দিনক খেমাও এদা। তামাম দিশম হড় হঁক কয়ঃ দারাম আকাদা ভারত জাকাত মাঝি পারগানা মহল কি প্রশাসনিয়ৗ ঠেন চাপ লাদে কাতেৎ আউসগ্রাম-কাঁকোড়া আতোরেন হড়-এ দুঃ দারাম দাড়েয়াকোওয়া? অনাগে ঞেল রেনাঃ, অক্তগে মুচৗৎ কাথায় লৗইয়ৗ।
.webp)
