সিঁগি মাহা রেনাঃ সাকাম ‘চেরেচ্ আড়াং’ লেখা- ৩৯

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  ᱥᱨᱤᱠᱟᱱᱛᱚ ᱥᱚᱨᱮᱱ, বাড়তাঙ সরেন, সেঁগেল মারমার, দুগাই টুডু, সনাতন টুডু, সুচাঁদ হাঁসদা, বিভূতি ভূষন সরেন, কিস্কিন্ধ্যা  মুরমু।

 

রিলৗমালা মুরুমু, ক্লাস- IV
জেলা - পুরুলিয়া

১।।

ᱫᱟᱜ ᱛᱟᱭᱚᱢ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱨᱤᱢᱤᱞᱮ ᱦᱩᱰᱩᱨ
ᱫᱟᱜ ᱮ ᱪᱩᱰᱩᱨ
ᱵᱟᱹᱫ ᱵᱟ.ᱭᱦᱟ.ᱲ
ᱞᱟᱞᱮ ᱪᱟᱯᱮ ᱿

ᱨᱚᱴᱮ ᱢᱟᱲᱚᱢᱨᱮ
ᱴᱮᱨᱮ ᱴᱮᱯᱮ
ᱨᱚᱴᱮ ᱠᱚᱢᱟ
ᱦᱟᱯᱮ ᱦᱟᱯᱮ ᱿

ᱢᱟᱞ ᱜᱷᱩᱜᱨᱤ
ᱢᱤᱫ ᱮᱥᱟ
ᱨᱟᱨᱟᱜ ᱠᱟᱱᱠᱚ
ᱟᱠᱚ ᱞᱮᱠᱟ ᱿

ᱫᱟᱜ ᱦᱮᱢᱟᱞ
ᱦᱚᱭ ᱦᱟᱢᱟᱞ
ᱚᱛ   ᱦᱟᱥᱟ
ᱥᱚ   ᱟᱸᱛᱠᱟ ᱿

ᱧᱤᱫᱟᱹ ᱪᱟᱸᱫᱳ
ᱨᱤᱢᱤᱞ ᱫᱟᱱᱟᱝ
ᱩᱠᱩ ᱪᱩᱠᱩᱭ
ᱫᱟᱹᱲ   ᱡᱚᱝ ᱿

ᱦᱚᱯᱚᱱ ᱵᱟᱵᱩ
ᱟᱡ  ᱠᱩᱥᱤ
ᱞᱟᱸᱫᱟ ᱟᱛᱮ
ᱧᱮᱞ    ᱡᱚᱝ ᱿

0===0 ᱛ0=== ᱪ===0 ᱛ 0===0

২।।

ᱥᱮᱛᱟ ᱜ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱮ ᱵᱮᱴᱤ ᱵᱮᱴᱤ
ᱫᱮᱞᱟ ᱵᱮᱨᱮᱫ ᱢᱮ,
ᱥᱮᱛᱟᱜ ᱟᱠᱟᱱ ᱰᱟ.ᱨ ᱞᱟᱯᱷᱟᱝ ᱠᱷᱚᱱ
ᱪᱮᱬᱮ ᱠᱚ ᱦᱚᱦᱚᱭᱮᱫ ᱾

 

ᱮ ᱵᱮᱴᱤ ᱵᱮᱴᱤ
ᱞᱚᱜᱚᱱ ᱪᱮᱴᱷᱟᱜ ᱢᱮ,
ᱦᱟ.ᱱᱤ ᱛᱚᱨᱟ ᱥᱟᱢᱟᱝ ᱱᱟᱠᱷᱟ ᱠᱷᱚᱱ
ᱵᱮᱲᱟᱭ ᱠᱚᱭᱚᱜ ᱟᱠᱟᱫ ᱾

 

ᱮ ᱵᱮᱴᱤ ᱵᱮᱴᱤ
ᱳᱰᱳᱠ ᱦᱤᱡᱩᱜ ᱢᱮ,
ᱦᱟ.ᱱᱠᱩ ᱛᱚᱨᱟ ᱥᱤᱢ,ᱪᱮᱬᱮ ᱮᱢᱟᱱ
ᱟ.ᱛᱤᱧ ᱠᱚ ᱪᱟᱞᱟᱜ ᱾

 

ᱮ ᱵᱮᱴᱤ ᱵᱮᱴᱤ
ᱵᱮᱨᱮᱫ ᱦᱤᱡᱩᱜ ᱢᱮ,
ᱮᱴᱟᱜ ᱜᱤᱫᱽᱨᱟ. ᱞᱮᱠᱟ ᱥᱮᱛᱟᱜ ᱨᱮ
ᱦᱩᱛᱩᱢ ᱯᱷᱟᱨᱪᱟᱜ ᱢᱮ ᱾

 

ᱮ ᱵᱮᱴᱤ ᱵᱮᱴᱤ
ᱵᱮᱸᱜᱮᱫ ᱢᱟᱨᱥᱟᱞ ᱢᱮ,
ᱦᱟ.ᱱᱠᱩ ᱛᱚᱨᱟ ᱟᱢ ᱞᱮᱠᱟᱱ ᱜᱤᱫᱽᱨᱟ.
ᱯᱟᱲᱦᱟᱣ ᱠᱚ ᱫᱩᱲᱩᱵ ᱾

 

ᱮ ᱵᱮᱴᱤ ᱵᱮᱴᱤ
ᱥᱚᱱᱛᱚᱨ ᱠᱚᱜ ᱢᱮ,
ᱩᱱᱠᱩ ᱞᱮᱠᱟ ᱥᱮᱛᱟᱜ ᱟᱠᱟᱱ ᱥᱮ
ᱯᱟᱲᱦᱟᱣ ᱫᱩᱲᱩᱵ ᱢᱮ ᱾

0===0 ᱛ0=== ᱪ===0 ᱛ 0===0

৩।।

ᱛᱟᱞᱟ ᱠᱩᱞᱦᱤ ᱟᱠᱷᱲᱟ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱛᱟᱞᱟ ᱠᱩᱞᱦᱤ ᱟᱠᱷᱲᱟ
ᱨᱚᱴᱮ ᱵᱟᱨᱩᱰᱟᱝ ᱾
ᱨᱮᱜᱽᱲᱟᱠᱤᱱ ᱨᱩᱨᱩ ᱠᱟᱱᱟ
ᱨᱟᱦᱮᱲ ᱵᱮᱸᱜᱟᱲ ᱡᱟᱝ ᱿

 

ᱱᱟᱪᱳᱱᱤᱭᱟᱹ ᱪᱩᱴᱭᱟᱹ ᱥᱟᱨᱜᱟ
ᱥᱮᱨᱮᱧ ᱛᱮᱧᱟᱝ ᱛᱮᱧᱟᱝ ᱾
ᱯᱩᱥᱤ ᱨᱩᱨᱩ ᱜᱷᱩᱱᱴᱤ ᱥᱟᱰᱮ
ᱢᱮᱭᱟᱝ ᱢᱮᱭᱟᱝ ᱢᱮᱭᱟᱝ ᱿

 

0===0 ᱛ0=== ᱪ===0 ᱛ 0===0

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (᱘)

ᱥᱨᱤᱠᱟᱱᱛᱚ ᱥᱚᱨᱮᱱ

ᱛᱟ.ᱨᱩᱯ ᱠᱚ ᱦᱳᱭᱳᱜ ᱠᱟᱱᱟ ᱡᱟ.ᱛᱤᱭᱟ.ᱨᱤ ᱡᱤᱭᱟ.ᱞᱤ ᱾ ᱱᱩᱠᱩᱭᱟᱜ ᱫᱚ ᱡᱚᱛᱚᱠᱷᱚᱱ ᱡᱟᱸᱥᱛᱤ ᱫᱟᱲᱮ᱾ ᱠᱩᱞ ᱫᱚ ᱵᱤᱨ ᱸ ᱨᱟᱡᱟ᱾ ᱢᱟᱨᱟᱜ ᱫᱚ ᱟᱵᱳᱨᱮᱱ ᱢᱟ.ᱛᱤᱭᱟ.ᱨᱤ ᱪᱮᱲᱮ᱾ ᱱᱩᱠᱩ ᱫᱚ ᱠᱟᱠᱲᱟ, ᱵᱤᱧ ᱮᱢᱟᱱ ᱠᱚ ᱡᱚᱢ ᱠᱚᱭᱟ᱾ ᱦᱟ.ᱛᱤ ᱠᱚ ᱦᱳᱭᱳᱜ ᱠᱟᱱᱟ ᱡᱚᱛᱚ ᱠᱷᱚᱱ ᱞᱟ.ᱴᱩ ᱡᱤᱭᱟ.ᱞᱤ ᱾ ᱱᱩᱠᱩ ᱟᱜ ᱫᱚ ᱦᱟᱴᱟᱜ ᱞᱮᱠᱟᱱ ᱞᱩᱛᱩᱨ ᱟᱨ ᱦᱩᱰᱤᱧ-ᱦᱩᱰᱤᱧ ᱢᱮᱫ᱾ ᱥᱟᱫᱚᱢ ᱡᱚᱛᱚ ᱠᱷᱚᱱ ᱡᱟ.ᱥᱛᱤ ᱚᱠᱛᱚ ᱠᱚ ᱫᱟ.ᱲ ᱫᱟᱲᱮᱭᱟᱜ ᱻᱟ᱾ ᱱᱩᱠᱩ ᱫᱚ ᱫᱟ.ᱲᱛᱮ ᱵᱟᱝ ᱠᱚ ᱞᱟᱸᱜᱟᱦᱻᱟ᱾ ᱡᱤᱨᱟᱯ ᱟᱜ ᱦᱚᱴᱚᱜ ᱡᱚᱛᱚ ᱠᱷᱚᱱ ᱡᱮᱞᱮᱧᱟᱸ ᱾ ᱦᱚᱨᱤᱱ ᱟ.ᱰᱤ ᱡᱳᱨ ᱛᱮᱠᱚ ᱫᱟ.ᱲ ᱫᱟᱲᱮᱭᱟᱜ ᱻᱟ᱾ ᱱᱩᱠᱩᱭᱟᱜ ᱫᱮᱨᱮᱧ ᱪᱟᱸᱜᱲᱟᱜ-ᱟ᱾ ᱱᱚᱣᱟ ᱪᱟᱸᱜᱲᱟ ᱨᱮ ᱪᱮᱲᱮ ᱠᱚ ᱛᱩᱠᱟ.ᱭ ᱜᱮᱭᱟ᱾ ᱱᱩᱠᱩᱭᱟᱜ ᱡᱮᱞ ᱛᱟ.ᱨᱩᱯ ᱟ.ᱰᱤ ᱟᱸᱴ ᱠᱚ ᱠᱩᱥᱤᱭᱟᱜ ᱻᱟ᱾ ᱥᱚᱡᱟᱨᱩ ᱢᱤᱫᱴᱟᱝ ᱡᱤᱭᱟ.ᱞᱤ ᱾ ᱱᱩᱠᱩᱭᱟᱜ ᱦᱚᱲᱢᱚ ᱨᱮ ᱡᱟ.ᱱᱩᱢ ᱤᱞ ᱛᱟᱸᱦᱮᱱᱟ᱾

ᱛᱳᱭᱳ ᱫᱚ ᱥᱮᱛᱟ ᱞᱮᱠᱟᱱ ᱢᱤᱫᱴᱟᱝ ᱡᱤᱭᱟ.ᱞᱤ ᱾ ᱱᱩᱠᱩ ᱫᱚ ᱡᱚᱛᱚ ᱠᱷᱚᱱ ᱠᱚ ᱥᱮᱭᱟᱱᱟ᱾ ᱨᱮᱸᱜᱮᱡ ᱡᱟᱞᱟ ᱱᱩᱠᱩ ᱠᱟᱴᱠᱚᱢ ᱦᱚ ᱠᱚ ᱡᱚᱢ ᱠᱚᱭᱟ᱾ ᱢᱤᱨᱩ ᱢᱤᱫᱴᱟᱝ ᱱᱟᱯᱟᱭ ᱪᱮᱲᱮ᱾ ᱱᱩᱠᱩᱭᱟᱜ ᱤᱞ ᱫᱚ ᱦᱟ.ᱨᱭᱟ.ᱲ ᱟᱨ ᱴᱷᱚᱱᱴᱟ ᱫᱚ ᱟᱨᱟᱜ ᱜᱮᱭᱟ᱾ ᱱᱩᱠᱩ ᱫᱚ ᱵᱮᱞᱮ ᱢᱟ.ᱨᱤᱪ ᱡᱚᱢ ᱟ.ᱰᱤ ᱡᱳᱨ ᱠᱚ ᱠᱩᱥᱤᱭᱟᱜᱻᱟ᱾ ᱟᱨ ᱢᱟ.ᱱᱢᱤ ᱞᱮᱠᱟ ᱱᱩᱠᱩ ᱫᱚ ᱢᱤᱫᱵᱟᱨ ᱨᱚᱲ ᱠᱚ ᱥᱮᱲᱟ ᱫᱟᱲᱮᱭᱟᱜᱻᱟ᱾ ᱛᱟᱭᱟᱱ ᱫᱚ ᱫᱟᱜ ᱨᱮᱱ ᱨᱟᱡᱟ᱾ ᱨᱚᱦᱚᱲ ᱠᱟᱴᱷ ᱞᱮᱠᱟ ᱱᱩᱠᱩ ᱫᱚ ᱫᱟᱜ ᱨᱮ ᱰᱳᱢᱵᱮᱞ ᱠᱚ ᱛᱟᱸᱦᱮᱱᱟ ᱾ ᱜᱚᱱᱰᱟᱨ ᱫᱚ ᱫᱟᱜ ᱵᱟᱝ ᱠᱷᱟᱱ ᱵᱟᱝ ᱠᱚ ᱛᱟᱸᱦᱮ ᱫᱟᱲᱮᱭᱟᱜ ᱻᱟ᱾ ᱥᱟᱨᱟ ᱫᱤᱱ ᱫᱟᱜ ᱨᱮ ᱠᱚ ᱡᱚᱵᱮ ᱠᱟᱜ ᱻᱟ᱾ ᱱᱩᱠᱩᱭᱟᱜ ᱦᱟᱨᱛᱟ ᱫᱚ ᱥᱚᱠᱛᱚ ᱜᱮᱭᱟ᱾

0===0 ᱛ0=== ᱪ===0 ᱛ 0===0

৫।।

রকচচঁদন বাহা

বাড়তাঙ সরেন

  

 আরাঃ বাহা রকচচঁদন
                ঞেলতে জেঙ্গেৎ জেঙ্গেৎ
ডৗরমা লাফাং লান্দায় লেকা
                   চেকাতেয়েম  বেঙ্গেৎ !

  

সাকাম কো দ বাহা লাতার
                 লাড়াঃ লিপির লিপির 
ভুটুঃবাহা ঞুঁরু তাঁহেন 
                 আয়মা হিরিচ পৗসির।

  

কয়ঃ তরা আরাঃ বাহা
                    মনে গেচয় ছাঁদায়
সিসিৎ লৗগিৎ রৗস্কৗ মনে
                  একাল গেচয় ফাঁদাঁয়।

  

  সারা তিকিন  গিদরৗ কো দ 
                     তিনৗঃ  মেলে মেলে
ঞেঁলে  দুমুর রাসা লৗগিৎ
                      হায়রে হালে ডালে !    

 

বাপলা বিহৗ আডি নাপায়
               সাজাও ছামডা  লাতার
এনেচ সেরেঞ ঝুনুক ঝুপূর
                  ঞেলতে আডি বাতার।

0===0 ᱛ0=== ᱪ===0 ᱛ 0===0

 ৬।।

গিদরৗ বৗউলী

সেঁগেলমারমার

 

চুটয়ৗ চেটে চেটে
গুডুমা সেটে সেটে
তিরয়োয় অরঙ আ তুয়ু
লোলোলো হপনবাবু
জৗপিদ মে হপনবাবু।

 

তৗরুব এ হৗরুব আকান
কুল এ বুল আকান
কুলৗই এ ঞিরৗগ্ কানা লৗলৗই
লোলোলো হপনবাবু
আলসেম আড়িয়ৗ ভাই।

 

মারাগ্ এ রারাঃ কানা
মিরু মায় হিরো আকান
কাঁহু মায় পাঁজায়েকান বৗহু
লোলোলো হপনবাবু
জৗপিদ মে হপনবাবু।

 

হৗতি মায় গাতে আকান
কাডামায় সাডাঙ আকান
চৗড়কীয় লাড়াও তায়া হাঁড়ু
লোলোলো হপনবাবু
জৗপিদ মে হপনবাবু।

 

( নওয়াদ বৗউলী সেরেঞ

গিদরৗ জৗপিদ ভুলৗও অক্ত রেনাঃ)

0===0 ᱛ0=== ᱪ===0 ᱛ 0===0

৭।।

হয়দাঃ

দুগাই টুডু

 

হয়দাঃ গেদ উনৗও কেদা
         ঞুৎগে পছিম কোনা,
সাহান কোদ কুড়ি হপন
         উমুল দহ কানা।

 

হুডুর বিজলি সালাঃ দাঃগে
       আদ এহপ বাড়াঃ,
  পিডগৗও কাতে সেনঃ আনা
       লহৎ ডাঁগরি কাড়া।

 

মেরম সানাম ভেভে আতে
       রুয়ৗড় এনাক গোড়া,
গিদ্‌রৗ হানে বতর তেদ
       তাঁহেন গেচো অড়াঃ ।

 

হড়কো দকো উমুল গদঃ
        চাতম অড়াঃ করে,
সাঁগে পারওয়া আপঃ অনে
      অড়াঃ সৗড়িম দরে।

 

চেঁড়ে চুপরুৎ দমে উনকু
        দারে ডাররে ভালা,
হয় দাঃরে নংকান চিতৗর
        ঞেলঃ ধৗরতি তালা।

0===0 ᱛ0=== ᱪ===0 ᱛ 0===0

৮।।

গড়ম হাড়ামঠেন কুকলি

সনাতন টুডু

 

গড়ম হাড়াম, লায় মেসে
ইঞাঃ কুকলি কাথা,
তবেঞ বুঝৗও হাড়াম ইঞিজ
আরকো খনাঃ জাদা?

 

চাঁদো মামো হৗনি তারা
অত্‌ খনাঃ সাঁগিঞ রে,
আবোদ চেদাঃ মেনাঃ বনা
সেরমা খনাঃ লাতার রে?

 

চাঁদো মামো বায় জৗপিদা
মিৎ ঞিদৗ চেতান রে,
আকোদ চেদাঃ জৗপিদাকো
বেনাও অড়াঃ ভিতির রে?

 

ইপিল-এঁগেল বাকো জৗপিদ্‌
চাঁদো মামো সাঁওতে,
আবোদ চেদাঃ জৗপিদ্‌ চাবায়
আয়ুব হিজুঃ সঁগেতে?

0===0 ᱛ0=== ᱪ===0 ᱛ 0===0

 ৯।।

গিদৗর  বৗউলি

সুচাঁদ হাঁসদা

 

        (১)

 

এ  গেডে  গেডে ,
আলম  সেডে  বেডে ৷
দাঃ  গে  বৗনুঃ  তালে ,
তুপুনালে  আলে ৷

 

          (২)

 

ঘাওড়া  চিঁড়চ  চঁড়চ ,
টিচ  টিচ  টিচ টঁড়চ ৷
ভঁডা কিসনি কিড়চ কঁড়চ ,
জম  কোওয়া কো সসরচ ৷

 

            (৩)

 

পাওরা ভাক ভাকুর ,
পতাম কুকু ডুবুর ৷
হিঁসকৗ হুলুম উকুর ,
আকগে সুপুর সুপুর ৷

0===0 ᱛ0=== ᱪ===0 ᱛ 0===0

১০।।

সৗরদি সিতুং 

বিভূতি ভূষণ সরেন 

 

চৗত-বৗইশৗখ     তিকিন বেড়া 
          হয়া হুলুই হুলুই, 
সৗরদি সিতুং        রাট পাট 
        হড়ম উহুই উহুই। 

 

মৗনমী জিউয়িদ     অনকাগে বিটি 
       আঁদাঃ তাওয়া ললতে,
সিতুং অকতে     আলম বাহেরঃ 
       ঝারলা -ঝৗরলি হয়রে। 

 

বাং বেঁগেদঃ     সাঁগিঞ সেন 
      মেৎমা জিপি জিপি,
সিতুং জ্বালা     চেঁড়ে চুপরি 
      উডৗকঃ রিপি রিপি ।

 

সেতা -শুকরি    সৗরদি সিতুংরে 
       তাড়ামা হাকার হাকার, 
সিতুং শাসেৎ    তেগে আলাং 
       অডকা লাকার লাকার।

0===0 ᱛ0=== ᱪ===0 ᱛ 0===0

 ১১।।

দারায় কানা 

কিস্কিন্ধ্যা  মুরমু 

 

পুছিম নাখা হুডুর  হুডুর 
সাহান সাকাম উমুলপেমা, 
      উনৗউ আকাৎ অৎ সেরমা 
      টৗনডি খন হিজুঃ পেসেমা ।

 

আহরে বাহরে যাঁহা তিনাং 
মেনাঃ  পেয়া হানতে নাতে 
    বিজলি ঝালকাঃ হয় বাজাঃ
    দেলা  লগন  বায়ঃ পেসেমা । 

 

হয়তে  গুরলৗ  হাসা  ধুড়ি 
অটাং রাকাব অৗডি চেতান 
   বাংদ আরেল সাঁওতে ঞুরুন 
   টৗনডি  খন উসৗরাঃ পেসেমা ।

 

বতর গেচং উলৗমালা হানে হানে 
এয়া মারাং ,এয়া হপন, এয়া বৗবু
 কুলহি খন দ দেলা অড়াঃ তালা 
 হুডুর বিজলি দারায় উমুলঃ পেসেমা ।

 

====== মুচৗৎ ======