২২ মে, World Biodiversity Day দিসৗকাতে
-ডাঃ সুরেন্দ্রনাথ মান্ডি
মৗনমি, জিব-জিয়ৗলি, জিনটি-পিপড়ি, বিরবুরু, দাড়ে-নৗড়ি সিসিরজন ( Nature) আতেৎ গে আবোওয়াঃ নোওয়া হৗরয়ৗড় ধৗরতিপুরি দ । ধৗরতিপুরি রেনাঃ সানাম জায়গা রেগে নানাহুনৗর জিউয়িয়ৗন কোওয়াঃ গিরৗ বাস গে মেনগঃ কানা Biological diversity,খাটোমাছাতে Biodiversity সে জীব বৈচিত্র দ। মিৎ জিউয়িয়ৗন কো সুলুক নিরৗইতে বাঞ্চাও তাঁহেন লৗগিৎতে আর আর জিউয়িয়ৗন কঠেন টেঁহাড়ঃ তেগে হোয় আবোনা। মেনখান আবো মৗনমি, জীব বৈচিত্র চেতান আডিতেৎ গে বে-বৗড়িচ্ নাহাচার বোন চালাও ইদিয়েদা।
মৗনমি সুবুৎ সুবুৎ বোন বাড়ঃ কানা। সারাঘৗড়িচ্ গে জমাঃ আর তাঁহেন ঠাঁও লৗগিৎ থরাথরি। বির-বুরু, দারে-নৗড়ি বোন উজৗড় এদা, জিব-জিয়ৗলি কবোন গচ্ এৎ কোওয়া, পাচারেৎ কোওয়া। সিরমিট, বৗলি, ধিরি, ইটৗ তে নৗই-গাডা-হাসা বোন তল এসেৎ এদা। হয়, দাঃ, হাসা, জমাঃ, ঞুওয়াঃ বোন বকল বডেয়েদা, মেনমা দূষণ এদা বোন। হাসা চেতান আর হাসা লাতার রেনাঃ প্রাকৃতিক সম্পদ আয়মা তেৎ গেবোন বেওহারেদা। অনাতে মৗনমি চেঁহনাও, সচেতন কো লৗগিৎতেগে জাতি সংঘওয়াঃ দু-দেলাতে জাও সেরমা রেয়াঃ ২২ মে ‘বিশ্ব জীব বৈচিত্র মাহা’ লেকাতে মানাও-গুনৗও হিজুঃ কানা ১৯৯২ সাল খন।
প্রকৃতি-পরিবেশ, মেনমা জিব-জিয়ৗলি, জিনটি-পিপড়ি, দাড়ে-নৗড়ি, হয়, হাসা, দাঃ এমান নাপায় তাঁহেন রেগে মৗনমি জৗতিয়াঃ ভৗলৗই দ। নঃঅয় জে নুনাঃ আকাল, বানভৗসি, মড়ক আজার, হুডুর বিজলি, গ্রীন হাউস এফেক্ট- নোওয়া সানাম করেয়াঃ অজে গে কানা প্রকৃতি-পরিবেশ চেতান আবো মৗনমি কোওয়াঃ নাহাচার। নংকা তেদো মৗনমি জৗতি বোন নিপুচ্ চাবা উতৗরঃ দ। তিস বোন সচেতনঃ আ মৗনমি জৗতি ?
.webp)
