মেনখান নাহাঃ দ ঞেল গঃ কানা পন্ডিত রঘুনাথ মুর্মু জানাম মাহা দ বার মাহারি হিসৗব তে মানাও বাতাঃ কানা। যাহা দ মিদ 5ই মে আর মিদ দ বৗইশাখ কুনৗমি লেখা হিসৗবতে। চেদাঃ সে আবো যুদি গুরু গমকেয়াঃ জিয়ন কৗহনি বন ঞেল আ ইংরেজি 1905 সাল রেনাঃ 5ই মে বৗইশাখ কুনৗমি হিলঃ এ জানাম লেনা। অনা লেকাতে ইংরেজি তৗরিখ হিসাব লেকাতে যাও সেরমা গে আসেকা সেমলেদ পাহটা খন দ 5ই মে হিলঃ গুরু গমকেয়াঃ জানাম মাহা বন মানাও এদা। আর যুদি চাঁদো হিসাব লেকাতে ঞেল গঃ আ, তবে খান যাও সেরমা রে বৗইশাখ কুনৗমি দ ইং তারিখ লেকাতে 5ই মে হিলঃ দ বাং পাড়াও আ। অনা লেকাতেগে জৗনিজ বার মাহারি হিসাব লেকাতে জানাম মাহা মানাও বাতাঃ কানা।
মনেরে কুকলি হিজুঃ কানা, তবে কি মিদ হড় মৗনমিয়াঃ জানাম মাহা বার দিনতে হুয়ুঃ আ ? আসেকা সেমলেদ হতেৎতে 5ই মে জানাম মাহা মানাও আ আর এটাঃ এটাঃ গাঁওতা হতেৎতে বৗইশাখ কুনৗমি হিলঃ মানাও আ নওয়া তিনৗঃ যথাৎ কানা? মেনগঃ আ বেঙ্গল আসেকা 5ই মে হিলঃ জানাম মাহায় মানাও আ, ওড়িশা আসেকা বৗইশাখ কুনৗমি রে জানাম মাহায় মানাও আ সে ঝাড়খন্ড আসেকা আর মিদ দিন- এ পালাও আ নওয়া হঁ তো ঠিক বাং কানা?
অলগুরু, গুরু গমকে পন্ডিত রঘুনাথ মুর্মু যাঁহায় দ আবো খেরওয়াল আদিবাসী মৗনমি সানাম ক গটা ধৗরতী তালারে আলাগ উপরুম এম আকাদ বনায়। উনি গুনআন, মৗনআন, ঞুতুমান গমকে জাস্তি জাস্তি বন বাডায়- এ মা, উদুঃ আকাদ বন ডাহার তেবন তাড়াম আ, আজাঃ বেনাও চিকি 'অলচিকি' বন সেঁড়ায় আ আর বন পাশনাও আ। তবে আনা যথাৎ জানাম মাহা মানাও দ জৗনিজ খান শোভায় ঞাম আ।
.webp)
.webp)
