সানতাড়ি পৗরসিরে মারে আর সরেশ সাঁওহেদ্ চেতানরে গালচ্ আখড়া সাহিত্য অ্যাকাডেমিয়াঃ

আবোওয়াঃ ওয়েব পেজ- ধৗরতি জাকাত নোওয়া করোনা আওহাল রেহঁ মিৎ লেতাড়গে সাহিত্য অ্যাকাডেমি সান্তাড়ি সাঁওহেদ্ চেতানরে নানাহুনৗর আখড়ায় সাপ্‌ড়াও আগুয়েদা। যাঁহারে করোনা বতরতে মৗনমি জুবুথুবু বাডায় কানাকো। যাঁহারে হড় হড়াঃ ঞেপেল-ঞাপাম-রপড় মুশকিল আকানা। নংকান মুহিম অক্তরেহঁ চালাও এন সেরমা খনগে ওয়েবনার তালাতে সান্তাড়ি পৗরসি চারচাও লেতাড়গে মেনাঃ আ। অনাতে সোশ্যালমিডিয়া রেহঁ আয়মা সাঁওহেদ্‌ দরদিয়ৗগে সাহিত্য অ্যাকাডেমি সারহাও কো চাল আকাদেয়া। নংকাগে দারায়কান ১৯ এপ্রিল হিলোঃ সানতাড়ি পৗরসিরে মারে আর সরেশ সাঁওহেদ্‌ চেতানরে ওয়েবনার তালাতে আর মিৎ গালচ্‌ আখড়ায় সাপ্‌ড়াও আকাদা।

নোওয়া ওয়েবনার আখড়ারে সৗগুন দারাম বাঁখেড় দহয়ায় সাহিত্য অ্যাকাডেমি রিনীচ্‌ আখড়া সাসাপাড়াওয়িচ্‌ মানতান মিহির কুমার সাহু, এতহব বাঁখেড় দহয়ায় সাহিত্য অ্যাকাডেমি রিনীচ্‌ সানতাড়ি অ্যাডভাইজারি বোর্ড রেন কনভেনার মানতান মদন মোহন সরেন, আখড়া উঢৗওনা বাঁখেড়ায় ঞুতুমান অনলিয়ৗ মানতান পৃথিবী মাঝি, কি নোট বাঁখেড়ায় সাহিত্য অ্যাকাডেমি রিনীচ্‌ সানতাড়ি অ্যাডভাইজারি বোর্ড রেন সহেদ্‌ মানতান রতন হেম্ব্রম, আখড়ারে সভাপতি লেকাতে তাঁহেনায় ঞুতুমান অনলিয়ৗ মানতান বাদল হেম্ব্রম আর সাতাম চেতানরে সাকাম কো সার সাদলেয়াঃ মানতান জিতেন্দ্রনাথ হেম্ব্রম, জবা মুরমু, শ্যামচরণ হেম্ব্রম আর শ্রীপতি টুডু গোমকে।

বাডায় আকানা নোওয়া আখড়া ঞেল ঞামঃ আ হিজুঃকান ১৯ এপ্রিল সেতাঃ ১০ বাজা খন- Youtube: https://www.youtube.com/user/sahityaakademi, facebook: https://www.facebook.com/user/ SahityaAkademi আর Website: https://sahitya-akademi.gov.in/ এমান তালাতে।